မုန့်သုန်လေရဲ့ ရူးရူးမိုက်မိုက်တိုက်ခက်မူ့တွေကြောင့် လေနှင်ရာအတိုင်းလွင့်မျောနေတဲ့ရွက်ဝါတစ်ချို့ကိုငေးမောကြည့်ရင်း
နေ့ရက်တစ်ခုရဲ့နေမဝင်ခင်နှုတ်ဆက်ပြဇတ် ဖြစ်သော ညနေဆည်းဆာချိန်ကရောက်ရှိလို့လာပြန်တယ်။
အခုဆို သူနေထိုင်ရာနိုင်ငံလေးက နှင်းတွေအုပ်ဆိုင်းလို့ အရမ်းများအေးနေမလား အအေးကြိုက်တဲ့သူက နွေးနွေးထွေးထွေးရော နေနေရဲ့လား။
လိုအပ်မယ်မထင်တဲ့ ပူပန်မူ့တစ်ချို့တလေက တစ်ခါတလေရင်ကိုအတော်လေးအနိုင်ယူပြန်တယ်။
တစ်ချိန်က သူ နင်းတဲ့စက်ဘီးအနီရောင်လေးအနောက်ထိုင်ခုံမှာထိုင်လို့ ကျော်ဖြက်ခဲ့ဖူးတဲ့ အတိတ်ကညနေခင်းတွေကိုလွမ်းမိပါတယ်။
သူမကို မေ့မေ့ပျောက်ပျောက်ရှင်သန်နေမိတဲ့နေ့စွဲတွေရှိသလို ပြင်းပြင်းပျပျလွမ်းစွတ်မိတဲ့ နေ့စွဲတွေကလည်း မနည်းမနောပါပဲလေ။
သူ့ကြောင့်ပျော်ရွှင်ခဲ့ရတာတွေ ရယ်မောခဲ့ရတာတွေ တစ်ခါတစ်လေ အားကိုးတစ်ကြီး ဖတ်တွယ်ခဲ့ဖူးတာတွေ
ဝမ်းနည်းဖြစ်တဲ့ညတွေမှာ ရင်ခွင်ထဲတိုးဝှေ့လို့ အိပ်စက်ခြင်းဆီကူးဖြတ်ခဲ့တာတွေ ။ဖျားနာချိန်တိုင်း ဂျီကျတတ်တဲ့ကိုယ့်ကိုသူဘယ်တော့မှမငြိုငြင်ခဲ့တာတွေ
တွေးမိတွေးရာ ပြန်တွေးမိတဲ့အတိတ်တိုင်းမှာ သူမအမြဲရှိနေခဲ့သလို ရင်ထဲမှာလည်းသူမ အမြဲရှိနေခဲ့တာပါ။
အခုဆို ပန် အိမ်ကြီးကထွက်လာခဲ့တာ ၃နှစ် မျက်နှာတစ်ချက်မှအငြိုးအနွမ်းမခံအလိုလိုက်ခဲ့တဲ့ သူမနဲ့ဝေးကွာခဲ့တာလည်း၃နှစ် ။
လူလည်းရှင်း ဆိုင်ပိတ်ရမယ့်အချိန်လည်းရောက်၍ ဆိုင်လေးပိတ်ကာ မယ် ပေးထားတဲ့ အိမ်လေးသို့ပြန်ခဲ့ပါသည်။
နေဝင်အပြီး မှောင်ရီပျိုးစအချိန်ဖြစ်လို့ လမ်းမီးတွေ ထိန်နေပါသော်လည်းအိမ်ကတော့ မှောင်မဲနေသည်။
တံခါးဖွင့်၍ အိမ်ထဲသို့ဝင်လိုက်တဲ့ခြေလှမ်းအစမှာပင် ၊ခေါင်းပေါ်သို့ကျရောက်လာတဲ့ တစ်ခုခုကြောင့်မော့ကြည့်လိုက်တော့ အဆက်မပြက်ပြုတ်ကျလာတဲ့ ပူဗောင်းတွေ....ထို့နောက်
"ရွီး!! ဖောင်း!!!
Happy Birthday ကြယ်ပွင့်ပန်!! "
အိမ်ထဲမှ ရုတ်တရက်လူအုပ်နဲ့အတူ မီးများလည်း လင်းလက်ခဲ့သည်။
ဟုတ်သားပဲ ဒီနေ့ပန့်မွေးနေ့...အခုမှကိုယ်နဖူးကိုယ်ပြန်ရိုက်မိရင်း မွေးနေ့ကိုသတိရတော့သည်။
YOU ARE READING
Thantophobia
幻想လွတ်ထွက်သွားမှာစိုးထိတ်ရုံနဲ့ တင်းကျပ်စွာဆုပ်ကိုင်ထားရခြင်းတွေပါ။ ဆုံးရှုံးရမှာသာမကြောက်တတ်ခဲ့ရင် နာကျင်ရခြင်းကတစ်ကယ်သဘောကျစရာမကောင်းဘူး ။
