⚡ صرتي_ملكي (الجزء_الأول) | ( مكتملة ) ⚡

البارت 1

بقلم بسمة ناعمة...

#تحفة هذا هو اﻹسم لي سماتها بيه ماماها وباباها حيت بعد سنين ديال اﻹنتظار والدعاء رزقهوم الله ببنيتة ولي هي البطلة ديالنا وهما كايعتابروها تحفة وماكاينش بحالها وفعلا إلى جينا نوصفوها غانلقاو بلي هاد اﻹسم مناسب ليها بزززاف
#تحفة: 19سنة لاطاي حوتة بشرة بيضة وشعر بني ناصع كايجدب.... زوينة بدرجة كبيرة أما الغريب ولي كايخلي الناس منباهرين فيها هو لون عينيها لي نادر وماكاينش بحالو ماغانقدرش نحددو فلون واحد ماهو زرق ولا خضر ولا حتى رمادي.... هاد الشي كايتعتابر معجزة كايتبدلو وهاد اﻷلوان كايضهرو فدقيقة وحدة يعني حتى واحد مايقدر يقاومهوم إلى شاف فيهوم وهاد الشي لي خلاها دير عدساااات فلون بني تفاديا لأي مشكل.... طفلة فعمر ست سنين تعرضات لمضايقات بسباب عينيها.. ومن تما وهي كاديرهوم وهاكدا بقاااات وتعودات عليهوم.....
#تحفة هي الوحيدة عند وليديها ماماها ياسمين معلمة وباباها سعد دكثور أسنان... بنتهوم هي نور عينيهوم وحتى هي كاتعتابر وليديها هما حياتها.... هي بنت ضريفة وحشومية وكاتخااااف وحساسة واﻷهم عندها فوبيا من الضلام ومن الدم.... واخا حاولات تعالج مي بلا نتيجة

#أسد إسم علم مسمى..... الوسامة والقوة والغنى والذكاء هما صفاتو.... الكل كايخاف منو هو وحش بصفة إنسان ماعندوش مصطلح الرحمة فحياتو كايقتل بدم بارد وبلا مايتردد وياويل من تصنف ضمن أعداؤو... أما لي غلط معاااه من اﻷحسن ينتاحر قبل مايطيح فيديه....
#أسد: 28 سنة عينيه فاﻷزرق الغامق عضلات سداسية كاتخلي الكل مبهور وسامتو مخلطة مابين شرقية وأوروبية.... وهاد الشي كايرجع لوليديه اﻷب ديالو روسي وتوفى فمداهمة مابين الشرطة والمافيا.... واﻷم ديالو مغربية باقية عايشة وعيانة.... وهي نقطة ضعف أسد ملي يشوفها ولا يكون معاها كايتبدل لكن جامي فحياتو ضحك ولا بانت السعادة فعينيه.... اﻷم ديالو رباتو بكل حب وحنان وحتى اﻷب ديالو مي علاااش كبر هاكا حاقد وماكايرحمش....؟ يمكن هاد الشي من عند الله
#أسد: مافيوزي كبير ورجل أعمال مشهور عندو شركات داخل وخارج المغرب.... هو حلم لأجمل الفتياة وقدوة اﻷعظم الرجال... لكن ولﻻسف علاقاتو مع لبنات ماكاتعداش ليلة عابرة وحتى مع ملكات جمال أو بنات رجال أعمااال وياربتو يقبل حتى ولو بساعة من وقتو أما علاقتو مع الرجال فكاتقتاصر فقط على مصلحة عمل لا غير

أسد كايحتاقر الجنس اللطيف وكايشوف فيهوم شوفات إشمئزاز حيت ملي عقل على راسو حتى لدابا جامي شاف شي وحدة بكرامتها ولا تشوفو وماتسوقش ليه.... أي وحدة شافها واخا تكون درجة جمالها فايتة حدود المعقول راها كاتبغيه وكاترما عليه وتنتاضر ولو دقيقة منو ولما لا وهو أسطورة فالوسامة والقوة والذكاء.... أما رجال اﻷعمال منهوم لكبار ومنهوم الصغاااار فكايديرو كثر من جهدهوم باااش يقدرو يتعاملو معااااه وتجمعهوم شي صفقة ولا عشاء على اﻷقل باش يقدرو الصحافة ياخدولهوم صور بجنب أسد المنصوري...
تحفة: هي بنت معقولة وضريفة الناس ديال الدرب كلهوم كايبغيوها وعزيزة عليهوم كبار وصغار بسباب تصرفاتها وأفعالها لي كايعكسو ملامحها.... كاتقرا فلالفاك وفنفس الوقت عايشة حياتها بطريقة طفولية كاتلعب مع ولاد الدرب الصغار كرة حبل وهي وجوج صحاباتها من تما زوينات حتى هما وكايحملو نفس التصرفااات واﻷخلاق
تحفة معجبة سرية بالسيد أسد كاتابع أخبارو عبر مواقع اﻷنترنيت وكايعجبها بززززاف وااااخا كاتخاف منو مجرد ماتشوف صورتو حيت أولا الجرائم لي كايرتاكب وشنو كايدير وحتى تصرفاتو كاينشروهوم ويدويو عليهوم وهما مامسوقش أصلا ماكايضلم حتى واحد ودوك لي ماتو على يديه كايستاهلو... ثانيا ماكايناش شي صورة ليه وهو مبتاسم ولا طالق الغوباشة
كاتبغيه وكاتخاف منو.... لكن الفرق لي بينها وبين اﻷخريات هو أنها بكرامتها ومستحيل تبين حبها ولا تجري من وراه واخا هي جامي شافتو مباشرة ولا حتى عرفها وماعندهاش فكرة أنها تقدر تشوفو هو فييين وهي فيييين لكن هذا طبعها... وقانعة أنها فقط تابع أخبارو من التلفازة واﻵنترنيت واخا كايبقا فيها الحال ملي تشوف شي تصويرة معاااه شي بنت ولو أنه جامي بانت عليه عاطي إهتمامو لشي وحدة هما لي لاصقين فيه وهاد الشي باين من التصويرة.... ولي زاد خلاها تعلق بيه هو اﻷب ديالها لي ديما متابع أخبارو ومقابلاتو فالملاكمة بحاليلا كايعجبو وكاتعجبو الشخصية ديالو وديما كايقول نفس الهدرة: كنت ديما كانتمنى يكون عندي ولد بحال هذا
بقلم بسمة ناعمة
تحفة كملات قرايتها وكاتحاول تلقا خدمة فشي شركة كسكرتيرة ولكن لﻷسف واخا عيات ماتقلب مالقات والو من غير لي طامع فيها وفجمالها واخا عنيها مخبياهوم....
بعد بحت طويل عيات وحبساااات بقات طاتفكر فشنو دير هي مايمكنش تبقا غير جالسة بلا خدمة وليديها قراوها باش تتبت راسها حتى هي وتضمن مستقبالها... واخا تزوج خاصها تكون قادة براسها وماتخليش بنادم يصرف عليها... هي كاتعتابر ماماها مثلها اﻷعلى وكاتعجبها شخصيتها باغية تكون بحالها حتى هي مزوجة ولكن خدامة على راسها وهاد الشي عاطيها كاريزمة من نوع خاص
بعد أخد ورد فاﻷفكار قررات تدوي مع وليديها وهما جالسين فالطبلة ديال لغدا فجو لا يخلو من الضحك نطقات تحفة:بابا ماما أنا خديت واحد القرار وبغيتكوم تعطيوني اﻹذن
اﻷب: إيه أبنتي تفضلي شنو بغيتي؟
تحفة: بصراحة أنا عييت مانقلب على شي خدمة أو والو مالقيتش داك الضومين غير ديال باك صاحبي
اﻷم: آه أبنتي هاد الشي راه واضح
تحفة: بغيت ندخل نقرا التمريض
اﻷب واﻷم: كييييفااااش؟؟؟!!!
اﻷم: مايمكنش آشمن تمريض ونتي عندك فوبيا من الدم
تحفة: ماما أنا بغيت نخدم فهاد المجال وبمكن تكون سبب باش نتهنى منها
اﻷب: لا مستحيل نخليك كيفاش تهناي منها ونتي عندك وراق خاصة بهاد المرض واخا خديناك لأحسن اﻷطباء ماقدرتيش تعالجي...
تحفة: بابا صافي أنا خديت قرار خليوني على خاطري
اﻷب: (تعصب) مايمكنش أصلا شنو خاصك؟؟ نتي هي كلشي عندنا وأي حاجة بغيتيها نوفروهالك أنا خليتك تقلبي على خدمة غير حيت نتي بغيتي ماشي حيت مخصوصة لكن دابا ملي مالقيتيش صافي عمري وقتك بحاجة أخرى
تحفة: بابا الله يخليك غير خليني أنا من ديما كاتعجبني هاد الخدمة عفاااك وافق
اﻷم: لا أبنتي باباك تكلم معااااك هاد الخدمة صعيبة عليك ماتقدريش عليها وعاد نتي مامحتاجة لوالو ولي بغيتيها أجي لعندي نعطيهالك خلينا هانيين عليك
تحفة: علاش ماكتفهمونيش علاااش؟؟؟ أنا ماغانخدمش على قبل لفلوس ولكن مابغيتش قرايتي امشي غير هاكاك ونتوما ماغاتبقاوش حياتكوم كاملة كاتخدمو عليا.... أنا بغيت نخدم وصافي وعاد ماغانسمحش فالشي لاخزر أنا غانبقا نقلب وفنفس الوقت نخدم... وبقات كاتبكي
اﻷب: أوووف صافي غانهضر مع صاحبي يخليك تسطاجي عندو ولكن غانطلب منو يبعدك على شي حاجة فيها الدم ويخليك تكلفي بأبسط اﻷمور
اﻷم: راسك قاسح أبنتي
تحفة: ناضت عندهوم عنقاتهوم... نتوما أحسن وليدين فهاد الدنيا
بداو عينيها كايحرقوها بسباب الدموع وقفات وحايدات العدسااات وهما كايشوفو فيها شافت فيها وتبهرو مرة أخرى بدوك العينين لي واخا هي بنتهوم وكايشوفوها ديما إلا أنهم كايتبهرو فكل مرة كشفات على لونهوم وهاد الشي عادي حيت هما شي حاجة نادرة كايبقاو يتبدلو بطريقة غريبة
اﻷم: بنتي إلى كنت عزيزة عليك خبي عينيك وماتحاوليش توريهوم لشي واحد واخا يكون بنت ولا ولد
اﻷب: آه أبنتي ماماك عندها الحق عينيك مستحيل تخليهوم باينين