⚡ صرتي_ملكي (الجزء_الأول) | ( مكتملة ) ⚡

البارت 9

بسمة ناعمة

نازلة مع الدروووج كاتشوف فمريم هااازة مجلة كاااتقرااا فيييها كاتشبه لأسد شوية يعني الملامح ديااال وجهها أما العينين لاا هي عينيها كوووحل وهو زرقين زرقين بزززاف زعما يكووونو بحال ديال باااباه مااانعرف...
تلفتااات لعندها وبتاسماتلها رجعاااتلها تحفة اﻹبتساااامة وصلات لعندها وجلسااات حداااها... اﻹبتسااامة ديااال مريم شي حاجة ماااشي عااادية كاااين شي لمعاان فعينيها بحاليلا سمعااات شي خبااار زوينة ولااا كاتسنا تسمعهااا... شدااات لتحفة فيديها حركة فاجآتها قبل ماتقلب على السبب جراتها: يالله نتغداااو... مشاااو للطبلة ديااال لغداا لخدامات كايحطولهوووم الماااكلة واااقفين عند راااسهوووم لا يحتاجو شي حاااجة كلاااو وكملو مريم كاااتشوف فتحفة ماكلتها قليلة وتصرفاااتها عفوية وبريئة بصراااحة كاتمنى من قلبها تولي عروسة ولدهااا... ملي سالاو لغدا خرجو كايتمشاو فالجردة يهضرو ويضحكو رتاااحو لبعضياااتهوووم بززززاف جا وقت الكوطي جراتها مريم للطبلة لي كاينة فالحديقة لقاااو العصير والحلوى وحتى القهوة محطوطين يعني هما مولفين ياااكلو هنا بقاااو مدة تما....
دوزو النهار كامل بجوووج ماجاهومش الملل باﻷخص لالا مريم ماكرهاااتش النهااار مااايساااليش...
وصل الليل ماعرفت لا كيفاااش ولا علاااش لقااات راسها ناااعسة فوق رجلين مريم كاتمسحلها على شعرها استحلااتها الخدااامات لي دااازت كاتوقف مدة مصدومة كاتستوعب.... أما هي فعالم آخر كاتفكر فأسد فين يكووون نهاار كااامل وهو غاابر زعما يكون مع شي وحدة وشكون غايمنعووو....؟؟؟ ماعارفاش بلي هو ملي عرفها مابقا قرب من شي وحدة واااخا دااارو المستحيل لكن بلا فااايدة... الراااجل لي كااان كل مرة مع وحدة فشكل مابقااش كايتقرب منهوم حيت ملي باااسها ماقدر ينسا حلاوتها ولا يلقا بحاالها وهو مصبر راااسو بزز

أسد داااخل مع الباااب كايحس بالمسافة طوااالت باااغي غير إمتا يشوووفها النهااار كااامل وهو كايحاااول يسااالي خدمتو دغيااا باااش يمشي لعندهااا.....
دخل للصالة كايقلب عليها لتحت يالله غايطلع لفوووق حتى رمقها ناعسة فحضن ماااماه حل فمو وعينيه بجوووج على آخرهم.... آش هاد قوة التفاااهم بيناتهوووم.....؟ كيفففاش وصلااات لهاااد الدرجة؟؟ كايحسهوم قراااب من بعضياااتهوووم بزززاف.... حاااس بالغيرة لا ماااشي على ماااماه على تحفة آه على تحفة غاااير من ماااماه هو مااايقدرش يحط راااسها فوووق حضنووو ويلعبلها فشعرها لا ماااشي هو لي ماايقدرش هي لي ماغاتقبلش وماغتبقاااش مهدنة كيف هي دااابا

بعد أخد ورد فاﻷفكااار توجه لعندهوووم كايسارع فخطواااتو..... كنت مرفوعة بافكارها بطبيعة الحال كان هو محورهم ريحتو فنيفها قريبة منها أكيد عو هنا تخطفااات جااات جالسة خلااات ماااماه لي كانت كاتقرا فالقرآن تردلها البااال هي ماحساتش بيه كان وصل لعندهوم عينيه عليها توجه لعند ماماه سلملها على راااسها وحتى هي عنقاااتو وشاف فيها هي: السلام لباس عليك؟؟
كايهدر بحاليلا كايدوي مع شي بنت صغيورة؟؟ وباﻷخص ملي هو واااقف وهي جااالسة كايشوف فيها بديك اﻹبتسامة لي كادوبها....
جاوبت: آه لاباس شكرا
كايضحك ويعاااود هدرتهاااا: شكرا شكرااا
وماماه كاااتشوووف فيييهوم عاجبها الحااال قررات تنساحب وتخليهوم: غانمشي نصلي لعشاا
مشات وهو رجع جلس فبلاصتها فارق رجليه مرجع راااسو اللور باينة فيه عيااان وعاااد هو مريييض ماكاملاش حتى أسبوووع باااش تضرب ناضت وااقفة متبعلها العين باستغراااب: السي أسد تبغي نجيبلك شي حاااجة؟؟
كايفتش فالتيلي وهو باقي على نفس الوضعية بلا مايشوووف فيييها: رجعي جلسي قبل مانوووض نفرشخك
هي: هاااا....؟؟ شنو درت عاااود؟؟؟ هذي راااها خدمتي
زاد فالفوليم ديال صوتو شوية: جلسي فبلاصتك هذيك ماشي خدمتك وهاد الخدااامات لي منتاشرين هنا شنو يديرو؟؟... ماعاوداااتش معاااه الهدرة جلسااات بعيدة عليه شوية.. شاف فيها وهو باقي مرجع راااسو اللور..: واااش كايعجبك تعصبيني؟
كاتشوووف فيه زعما شنو كاتقصد؟
دارلها إشااارة: هنا كنتي جالسة قبيلة رجعي لهنا... ناضت وراسها فاﻷرض وجلسااات حداااه...
جبدها لعندو قربها حداااه: أممم علاااش ماتنعسيش هنا (كايوريها فين بيدو) كيف كنتي دايرة مع الوليدة قبيلة
حاولات تبعد عليه مي كان حاكمها بيديه هدرات بصوت متقطع باااين فيها مازاعماااش: السي أسد عفااااك خاصني نمشي الوقت معطل ونتا قلتيلي ستنايني ها أنا ستنيتك خليني نعطيك الدوا باااش نمشي وليديا غايكونو مشوشين يالله تاااصلو قلتلهوم راااني باقا خدامة
كاتهضر وهو معصب بحاليلا سمع خبار موت شي واااحد عزيييز عليييه كان ناااسي بلي حتى هي عندها عائلة وخاااصها تمشي ونسا بلي وجودها هنا فقط مؤقت وماعنندو حتى حاجة تخليها مربوطة بيييه.... فكر بلي ممكن يجي شي نهااار وتصبح خاارجة من حياااتو مايقدرش حتى يتخيلها لكن هي تقدر ديرها راااها حرة ومن حقها...لا شكووون عطاااها هاااد الحق؟؟
هاد الشي كامل فكر فيه وهو باقي شادها عندو مافيقو غير صوتها وهي كاتنادي بسميتو ضار جيهتها كايشوف فيها لا فشفايفها كيفاش كاتحركهوم وهي كاتنطق سميتو....: قرب باااسها فيهوم بوسة دااامت لمدة خمس دقائق وهي بقااات مصدومة مااادارت حتى ردة فعل.... وهاد الشي كااامل داااز حدااا عينين اﻷم ديااالو لي قررات تصرف...

بعدها عليييه وهي كاتكحب مخنوووقة... شاااف فيييها: داااير يديه تحت راااسو متكي... ماعندكش السوووفل...
جاوباتو وهي باقية كاتكحب وجهها حمر ونيفها حتى هو: عفاااك ماتبقاااش تبوسني فوووقاش ما جااا فبااالك
رد عليها: هههههه.... واااش نديير راااك حلوة بززززااااف....؟ قربلها كااايمسح على شعرها: تعشاااي معااانا ونوصلك واااخا...؟ جاوبااات دغيا: لا لا يوصلني غيير عمييي؟؟ بلاااش نتا
شاف فيها مستغرب: شكووون عمك؟
هي: آه... وكادير إشارة بيديها... هذاك لي جااابني قبيلة....
ضحك من قلبو لبراءتها: ههههه.... دغيا رجعتيه عمك.... إيوا عمك غااايكون نعس دااابا أنا لي غانوصلك.... قاطعاتهوم الخدااتمة لي جااات كاتشوف بحقد وغل هذي هي الخدامة لي جات لعندها قبيلة للبيت تحفة ماكترتاحش ليها فعلا هما كاع الخدااامات مستغربااات والسبب قالتولها مريم قبيلة هو أنها هي أول بنت تدخل للدار ويكون أسد هو لي جايبها وكايعطيها وقت كتر من القياس لكن هذي بالضبط مارتاحتلهاش تحفة كاتشوف بطريقة كاتخلع: ياااك لباااس..؟ قالها أسد بنبرة قاااسحة... جاوباتو كاتفتف: لا والو أسيدي غير لالا مريم كاطلبكوم لعشا
جاوبها وهو مخنزر: هاحنا جايين
شاف فتحفة فهم شوفاتها فديك خيتي رفع صبعو كايشوف فالخدامة: هذي تحفة لالاك تحفة احترااامها هناااا واااجب وأي حاجة هنا أداااتها راااه أداتني أنا وبلا مانقولك ملي كايآذيني شي حد آش كاندير أنا مع غمزة خلاتها غاطيح فكووومة مع الخلعة كملاااات

زاااد كبر فعينيها يااااه كايدااافع عليها فهمها بلا حتى ماتهضر
دار إشارة لديك الخدامة تمشي وجرها معاااه متاجهين للطبلة ديال لعشا.... كانت مريم جالسة فبلاصتها شافتها تحفة وحاولات تحايد يدها من يدو لكن بلا مجيب كان مزير عليها جرلها الكرسي وجلسااات وجلس حتى هو مترأس الطبلة حداااها ومريم كاتشوف بلا ماتعيق عاااجبها الحااال... بداااو كاياكلو كيف ديما ماكلتها ثقيلة وقليلة بدااات وراااهوم وكملات قبلهوم هزززات السربيتة كاتمسح فمها رفع راسو شاف فيها وعاااود شاااف فالطبسيل ديااالها ورجع كاياكل: تعشاااي....
هاد الشي لي قااال شااافت فيه شحااال وجاوبااات: تعشيت
هدرات اﻷم ديالو: هذي هي ماكلتها حتى قبيلة هاكا دااارت
هز الفورشيط ومدهالها غاتكملي طبسيلك ولا ماكاينة مشية لهاد داركوم... حلات فمها مستغربة ومالقااات حتى حل من غير تبع هدرتو.... بدات من أول وجديد لعل وعسى غير يتسالى داك الطبسيل ويحن عليها الله تمشي لعند وليديها

توقعاتكن وآراءكن حبيباتي... نجمة لكل بااارت قريتوه إلى الغد تصبحن على خير