بسمة ناعمة
مالقاهومش فالصالون طلع مع الدروج كايقلب فلبيوووت مالقاها فحتى واحد فيهوم بقاتلو بيت ماماه دق ومن بعد دخل لقاتها ناعسة فوق حضنها ولوخرى كاتقرا فشي مجلة تحفة كاتشوف فالحيط وتفكيرها سااارد.... خلعهوم بل صدمهوم داخل معصب ماكيشوفش حداااه مشا مباشرة لعندها جبدها من دراعها حتى شكات واش حايدها من بلاصتها غوت بصوت رعدها: علاااااش...؟؟؟ عطيتيه الوقت آش بينك وبينو شكوووون يكووون هو...؟
يالله جات تجاااوب دار صبعو على فمووو: ششششش...مانسمعش حسك نتي بغيتيني نقتلك يااااك؟؟؟ كاديري لي فبااالك... كاترجف بالخوووف: أنا.... أنا مادرت وااالو... أسد: هههههه.... مادرتي والو غي ضحكوم كان يتسمع من لفوووق وباغا توصليه للباااب وعاطياه النميرو باااش تخططو للمواعيد بيناتكوم.... جبدها من شعرها حتى غوتااات.... جات ماماه حداه: عفاااك أولدي... أسد: قاطعها بالغوااات... مادخليش وقولي لداااك ولد صاحبتك مايجيش لهنا عاد مزااال
تحفة كاتشوف فيدو لي كاتنزف... الدم حاولات تبعد عينيها لكن ماقدراااتش لون وجهها بدا كايتغير كاتحس بالخنقة يالله ضااار لعندها باغي يكمل آش بدا تخلع عليها وحتى ماماه تبدلات فوجهها ولات صفرة عينيها فبلاصة وحدة تبعها لقاها كاتشوف فيدو تفكر تعصب كثر وغوت من بعد ماضربها مع الحيط مرة أخرى: اعععععع.... تحفة طلقااات غوتة صغيورة وضعيفة مغطية عينيها بيديها: آااااه...
شاف فماماه: عندها فوبية من الدم وأنا نسيت.... كايحك فراسو بهستيرية... نسيت نسيت.... غانقتلها بيدي مابقيت عااارف ماندير.... كايشير لساااكها جيبي دوااااها غايكون تما.... تخفة جلسااات فاﻷرض ماقادراش توقف مشات مو كاتحري قلبات على الدوا لقاتو وجابتولها حايدولها من يدها شدها من راسها رمالها حبة فالفم وتبعلها الما وعي كاتشرب وترعد.... شافت فيه يالله نزلات عينيها باش تشوف يديه دارها ورا ضهرو نوضها بيد وحدة حطها فوق الناموسية ورجع شاف فماماه: بقاااي معاااها وخرج زدح الباب من وراااه
خرج وبقااات هي مع ماااماه نااااضت بزز ماشية للحمام بخطى متثاقلة دخلات حيدات ليلونتي وجلسااات بكااات حتى تفشااات وخرجااات بلا ماترجعهوم شافت فيها مريم يالله غاتسولها على حالتها وهي تصدم حلات فمها مابقاااتش سداااتو.... عينيها كايطلقو أضواء ولونهوم كايتفير بحاليلا خدامين بشي تيليكوموند.... كاتزيد لعندها مخلوعة ومبهورة: بنتي...؟؟؟ تحفة...!!! عييينيييك... عييينيك؟؟
تحفة مشات جلسات فوق الناموسية: خالتي ماتزيديش عليا هذا هو السبب لي مخليني مخبياهوم حياتي كاااملة...
مريم: جلسات حداااها كاتمد يديها بتثاقل كادوز على وجهها: واااش... واااش بغيتي تقولي هذو عينيييك نتي؟؟
تحفة: آه مع اﻷسف عينيا... وتولفت ندير العدسات فلون عادي باااش مانصدمش بنادم بحااالك دابا....
مريم: ماشاء الله ماشاء الله مشات كاتحري هزات المصحف كادوز بيه عليها وتقرا فالدعاء خايفة تعينها تباركالله أبنتي عينيك بوحدهوم ماكاينش بحالهوم.... مشات كاتجري للحمام لقات ليلونتي حدا المراية هزاتهوم ورجعات لعندها: ماتفكريش تحايديهوم ملي تخرجي عنداااك أبنتي نخاف منك حتى من ولدي.... شداتهوم من عندها تحفة بابتسامة متعبة: أصلا مانقدرش راااه وليديا موصييني من نهار خلاقيت...
مريم: ماعمرني تصورت غايكونو عينين هاكا سبحان من خلقك عرفتي نتي لوكان تخرجي بيهوم هاكاك ماعرفت شنو يوقع.... مدة وهما كايهدرو وهدرة مريم كلها على عينين تحفة لي غير حاضياهوم مستغربة وفنفس الوقت كاتقرا القرآن فنفسها تافقو باااش يكملو على الخطة ديالهوم ومايحبسوووش حتى يشوفو آخرتها....
YOU ARE READING
⚡ صرتي_ملكي (الجزء_الأول) | ( مكتملة ) ⚡
Romanceصباح الورد ....اما بعد بزاف سولو على هاد القصة لي مسحااتها لكاتبة بدوون مبرر ....لكن جاات وعتاذرات وشرحات وجهة نظرها لي تحترم ..على العموم هاهي القصة بالنسبة لبنات لي كيسولو عليها #منقوووووووووووووول الوحش اﻹمبراطور القوي ولي ماكانت حتى حاجة كاته...
