⚡ صرتي_ملكي (الجزء_الأول) | ( مكتملة ) ⚡

البارت 15

بسمة ناعمة

مشااات طالعة مع الدروج دخلات للبيت لي وراتها ماماه تكات على البااب حتى حسات براسها ارتاااحت ودخلات للحمام....
هو كان باقي كايراجع الهدرة لي قاااالت.... عااارف راااسو غلط لكن هي غالطة كثر إلى فكرااات تنفد داك الشي لي كاتقول طلع راااسو كايشوف فمووو واقفة حداه كاتشوف فيه شوفااات شفقة عارفاه كايبغي البنت لكن ضروري كاين شي سبب مخليه مخبي هاد الحب.... بقا فيها ولدها كاتحس بيه محروووق من الداااخل: ولديي.... رفع يدو يعني سطوووب ماتهدريييش صااافي.... وطلع لبيتو حتى هو زدح الباب وتكا على الناهوسية بحوايجو وسبرديلتو مابقاتش عندو الطاااقة لكثر....
هي كانت خرجااات من الحمام لبسات حوايجها دقات عليها ماماه عطاتها اﻹذن باااش تدخل دخلات جلسو وعاوداتلها كلشي اتاصلو بيوسف لي لقاااوه كايضحك كاع ماهامو ديك التفرشيخة لي كلا ومعول يكمل معاهوم وقررو باش يدوزو للخطة الموالية بااااش تبين لأسد عكس داك الشي لي قااال وهو أنها بليدة والخطة كانت هي يجي يوسف يخطبها من عندهوم....
أسد مدة وهو متكي كايشوف فالسقف ويفكر شنو يدير من بعد ناض دخل دوش وخرج من تما ديريكت لواااحد البار...
جالس فبلاصة خاصة ليه كايشرب ولي كارد من وراااه مانعين لبنات يقربولو تحت أمرووو ماباغي حد باغي يبقا بوووحدو.... بقا تما مدة ومن بعد خرج من تما مباشرة للدار ماسكرااانش واخا شرب بززاف حيت هو ماكايشدش فيه الشرااب.... طلع مع الدروج رجليه مشاااو نيشان للبيت لي هي فيه هو ماكانش عارف بلي هذا بيتها لكن قلبو خداه لتما

بقا وااااقف مدة حدا الباااب ضور البواني لقااه مسدووود حط يديه عليه كايتلمس فيه ومن بعد حط راااسو عليه كايستنشق ريحتها من الداااخل.... هي كااانت ناااعسة ضرباتها الفيقة فذيك اللحضة كاتحسو قريب ليها ناااضت كاتقرب للباب بشوية حطات يديها عليه حتى هي بتثااقل شوية وحطااات حتى هي رااااسها... كان كايفصل بيناتهوم بااااب كانو معانقين بعضيااااتهوم لكن عنادو وعنادها خلاهوم بعععااااد بعاااد ويعلم الله بعدهوووم لفين غايوصل...
مدة وهما على نفس الهيئة حتى عيا وعيات وكل واااحد مشا لحال سبيلو
أصبحنا وأصبح الملك لله... اليوم الموعووود اليوم غايجيو الخطاب فتحفة أسد صبح خااااارج وعي وماماه كايقادو..... بعد مدة دهل يوسف هو وماماه لي كانت على علم بالخطة... يوسف باقيين الضرابي فوجعو وهو كاع ماهامو قالك أسبدي كايعجبو الحااال يتفرشخ مرة مرة ههههه.... جلسو كايشربو فالقهوة ويضحكو نساااو أصلا لااااش جايين ههههه...... كايستناو أسد باااش يبداو فالرسميات والتمثيل...
وها الطومو وقفات حدا الباب ريحتو تغلغلات لاعماااقها ماعارفاااش تصرفو كيف غايكووون هاد المرة لكن لابد تشجع خاصها ترجع كرااامتها.... بداو فالهدرة على شنو لي جابهوم حيت شافوه وصل جا داخل مع الباااب كايشوف مستغرب قلبو تزير عليه الورد والشكلاط محطوط فوق الطبلة ويوسف وماماه جالسين.... تحفة كاتضحك عاجبها الحااال هدرتو ديال البارح رماتها ورا ضهرها....