⚡ صرتي_ملكي (الجزء_الأول) | ( مكتملة ) ⚡

البارت 25

بسمة ناعمة

كايستناها تدوي تقوليه سمحتليك ولا على اﻷقل تلومو وتفرغ غضبها عليه.... ماحملش هاد السكااات دياالها خااايف تصرفو دياال الصباااح يخليها تبعد ولا تاخد شي قرااار مايعجبوووش.... باااغي غير يسمع صوووتها على اﻷقل يعرف شنو تحت راااسها.... لكن لا مجيب مدة وهو جااالس على ركابيه وهي فوق الكرسي ملي مادواتش طلق تنهيدة من اﻷعماااق وناض خااارج: وجدي راااسك غاتخرجي معاايا...؟؟ ههههه.... أكيد ماغايخليهاش هنا بوحدها يمكن تهرب ولا ماعرفت شنوو.... واخا يقدر يوصي عليها لي كارد والخدامات مي ماكايتيق فحتى واااحد وكايفضل تكون تحت مراقبتو هو شخصيا.... كان خاصو ضروري يمشي للشركة وغاياخدها معاااه... قال هاد الجوج كلمات وخرج... تنفسااات وناضت كاتصايب شعرها طلقاااتو ماعارفاااش علاش يمكن ضد فيه ولبسااات سبرديلة فلبيض... نزلات لتحت لقااات الماكلة فوووق الطبلة شااافت فيها وعوجااات فمها نطقات الخدامة: لالا السي أسد كايآمرك باااش تاكلي..؟؟ ضحكات باستهزاااء: قوليلو أمرك مرفووووض... يالله زادت خطوة القدااام حتى وقفها صوتو: أوامري عمرها ماترفضااات... خليني معاااك زوين وزيدي تاااكلي... ؤجعات كاتضرب برجليها وجلسااات كايحطلها فالطبسي ويبزز عليها أما هو كاع ماكاياكل... منين غايدوز..؟؟ هاد الشي لي وقع اليوم مرضو... مي حتى هي مافيهاااش ماشي لخاطرها غاتاكل بزز منها....: شبعت.... قالتها بالزعفة وناضت قبل مايجاوبها.... كانت كاتمشى قبلو ماعاقت براااسها حتى حسات بشعرها غايطير من بلاصتو كان هو لي جبدولها واخا غير بالشوية لكن تقسحااات: كاديريها بلعاااني...؟؟؟ مغمضة عينيها من حر اﻷلم طلقها بالجهد حتى كانت غاطيح وشدها بين يديه باااسها فوق عينيها: هذي آخر مرة طلقيه.. طلقها وحلها الباب ركبات وكب حتى هو....
يعد مدة وقف الطومو ضورات وجهها كاتبااان ليها بناااية ضخمة بحال ناطحة السحاااب... شااافت سمية المنصوووري مكتوبة كبيرة بالذهبي.... هذي أكيد الشركة ديااالو لكن لاااش جايبها لهنا...؟؟ ههههه خايفها تهرب... زعما عند بااالو غادي عاد تبقا معاااه من بعد شنو وقع...؟؟ قاطع أفكااارها هو ملي حل عليها الباااب ماااد يدو شدات فيها ونزلات بااقية حالة فمها فداك الشي خشا يديها فيدو... باينة من ديك الشدة بلي كايوصل ميساااج ليها وللناس لي كايشوفو... بلي هي دياالو

دخلو مع الباااب كلشي وقف كايعطيوه التحية... كايبان واحد آخور هنايا مخنزر ومسيف... عادي يحتارموووه عندو هبة كاتخلي كلشي يخاااف منو.... ابتاسمااات بالشوية كايبااان شخصية رائعة... سعدااتها هي لي دابا معاااه وحداااه كاتحس بالفخر فهاد اللحضة وخصوصا ملي كاتشوف نضرااات حقد وحسد وصدمة وحتى إعجااب من الموضفين... هذي أول مرة يدخل أسد شي وحدة مععاااه وباﻷخص هاكا شاااد فيديها.... واااو هاد الشركة كيف دااايرة وشحااال كبيرة...؟؟ حسات باﻷسف لطالما تمناات تخدم فيها لكن ماكتااابش... تفكرااات هي خاااصها توضع حد لهاد الشي وترجع لخدمتها كانت ترتاااح فيها بزززاف وترجع حتى لوليديها توحشاااتهوم وتوحشااات دااارهوم... كاتشوفو داااخل لواااحد المكتب كبير من بعد ماحلااتلو السكرتيرة الباااب طلعاااتها وهبطاااتها كاتباان زوينة وجايبة راااسها... حسات بالغيرة... نفضااات كتافها زعما ماكايهمهاش...؟؟ دخل دخلات وراااه دار إشارة لهذيك تمشي من بعد ماعطاااتو لوووراااق وعلماتو باﻹجتماااع.... شاف فيها: غايبدا واااحد اﻹجتماااع دااابا جمعي شعرك.... جمعاتو بإهمال بواحد القلم كان محطوط فوق البيرو وشافت فيه زعما واااش تهنيتي؟؟ ابتاسم برضى.... جلسات فوق الفوطوي بعيدة عليه... بعد دقائق بقاااو الموضفين كايدخلو... شاف فالساعة ورجع شاااف فيهوم: لوكان بقيتو عاد شوية كان حسن... كلشي مخلوع وكايترعد جلسو حانيين راااسهوووم... ماكايكملوش الشوفة فتحفة خااايفين حيت مادام هي هنا ومع أسد إلا وكاتعنيلو شي حاجة... بداو الخدمة والنقاااش كانت مركزة معاااه... هو ماشي من طبيعتو يكون مهدن هاد الشي غير ملي يكووون معاها هي... خافت فبلاصة هادوك الناس كايبان صعيب بززااف ومايبغيش الغلط... شحال مخلوعين بحاليلا كايدوزو فشي محضر... كملو اﻹجتماااع فضرف ساعة وخرجو... توجه لعندهاا كاتحس بالخوووف منو... استغربااات داير بحال الحرباااء دغيا كايتبدل كايشوف فيها مبتاااسم جلس حداها كايقرب بالشوية غايعاااود يعتادر ومايستسلم حتى تسمحليه لكن.... دخلااات وحدة كاتجري والسكرتيرة تابعاااها كاتبررلو بلي غلباااتها ودخلات حيت هو كاان مااانع تخلي شي حد يدخل... كااانت ماااري عينيها دااامعين كاتشوووف فتحفة بحقد وترجع تشوووف فيه هو