بسمة ناعمة
بعد مدة قصيرة هاهو خااارج من الدار كايبااان وسيم بزززاف للحضة حسات بالغيرة أكيد غايخرج وغايشوفو فيه لبنات مايمكنش مايعحبش لشي وحدة... كان لابس كوستيم فلكحل مع قاميجة بيضة بارزة عضلاتو.... ابتاسملهوم وجلس بداااو كايفطرو كيف ديما هي كاتلعب فطبسيلها وتنقب بالشوية وهو حاضيها كايحطلها فالطبسيل ويخنزر فيها باااش تااكل كاتحاووول تفادى نظراتو....
أسد: كملي طبسيلك...
تحفة: والله شبعت مانقدرش...
أسد: شبعتي؟؟ علاه آش كليتي باااش تشبعي نتي بعداا...؟؟
تحفة: أسد والله ماقدرت...
نساو مريم لي تما غير كاتشوف وتضحك عاجبها هاد الجو أول مرة تشوف ولدها هاكا فرحان.... كانت ساهية كاتلعب فطبسيلها كاع مامسوقة لهدرتو حتى حسات براسها تحركات غوتات... شافت فيه لقاتو مبتاسم كان هو لي جبد الكرسي ديالها برجلو قربها ليه هز الفورشيط كايوكلها بزز منها عيات تهرب فاﻷخير كملاتو.... مفقوصة كاتمسح فمها وهو كايضحك عليها ناض باس مو فوق راسها وسلم عليها هي فحنكها حشمها... وخرج مشا للخدمة....
بقات هي ومريم تغداااو بجوووج من بعد خدااات منها اﻷذن باش تمشي تبات هاد الليلة فدارهوم هي عااارفة أسد غايتقلق لكن محتاجة تبعد وتجلس مع وليديها شوية
عطاتها مريم اﻹذن هي ماعندهاااش مانع جلسات حتى للعشية ومشاات فالطومو ديالها... وصلات لدارهوم دخلات تعرضاتلها ماماها فالباب عنقاااتها.... زادو للصالون كايضحكو لقات باباها تما ناض عنقها حتى هو جلسات معاهوم كايتعاودو وجدااات الخدامة الكوطي سولوها قالتلهوم بلي توحشاتهوم وجات تشوفهوم وبلي مريم عطاتها اﻹذن.... بقات معاهوم لعشية كاملة وصل الليل تعشاو وبقاو قصارين حتى لواحد الوقت ومن بعد طلعات تنعس فبيتها
أسد وصل للدار بافي غير يشوفها دخل مالقا حتى واااحد فالصالون سول الخدامة قالتليه بلي ماماه فالجردة وتحفة خرجااات... بقات كاترددلو ديك خرجات فودنيه.... مشا بالزربة لعند مريم لقاعا واقفة حدا لابيسين مربعة يديها وصل لعندها لا سلام لا كلااام: فين تحفة...؟
ضارت لعندو: الله أولدي خلعتيني قول غير السلام.... ماحاوبهاش كايشوف فيها منتاضر الجواااب.... البنت توحشات عائلتها ومشات تشوفهوووم....
أسد: آه واخا غانمشي نجيبها...
وقفاتو: لا راه عطيتها اﻹذن باااش تبات
أسد: كييفاش؟؟؟؟ مريم: وباشمن حق غانمنعوها حنا وزايدون هذوك راهوم وليديها ضروري تشوفهوم وتبات معاهوم واخا تكون راجلها.... مشات وخلاتو كايفكر بصح هي عندها الحق ماعندوش الحق يمنعها لكن كيف يدير يتقبل تبعد عليه..؟؟ هو الخدمة كايساليها بالزربة باااش دغيا يشوووفها.... غايحاول يصبر هاد الليلة.... لكن لا مايقدرش.... رجع هز سوارتو وخرج...
تحفة ناعسة فالبيت ضرباتها الفيقة فنصاص دالليل برد قوي واصل ختى لعندها شعرها كايمشي ويجي حلات عينيها بتثاقل جااات فالبالكون لي محلووول... لكن كيفاااش عاقلة بلي سداتو قبل ماتنعس ناضت باغية ترجع تسدو الرعد كابضرب من عادتها كاتخاف منو.... وقفات والخوف ضاهر عليها.... كاترجع شعرها ورا ودنيها بطريقة مغرية.... ريحتو مالية البيت.... ماضارتش من وراها لابسة لباس قصير وخفيف ديال النعاااس....
YOU ARE READING
⚡ صرتي_ملكي (الجزء_الأول) | ( مكتملة ) ⚡
Romanceصباح الورد ....اما بعد بزاف سولو على هاد القصة لي مسحااتها لكاتبة بدوون مبرر ....لكن جاات وعتاذرات وشرحات وجهة نظرها لي تحترم ..على العموم هاهي القصة بالنسبة لبنات لي كيسولو عليها #منقوووووووووووووول الوحش اﻹمبراطور القوي ولي ماكانت حتى حاجة كاته...
