بسمة ناعمة
أسد كايمشي ويجي فداك الصااالون لي جااات حداااه كايضربها برجلو عقلو ماااشي معاااه كايحل كل كلمة قالتها ماماه ويقلب على معاااني ليها كااايحاااول يلقا شي تفسير مزيااان ومريح بالنسبة ليه لكن لا يا هذا داك الشي لي قااالت ودااارت تحفة ضرو ضرو بزززاف فقلبو شاااف فمو لي كانت غير حاضياااه عينيه حمريين هاااز صبعو جيهتها: شكووون قااالها أنا تشااافيت آه؟؟ أنا ماتشافيتش وماعمري نتشااافى هاد الشي علاااش هي غااتبقا حيااتها كاملة معااايا.... فهمتي....
مخلاهاش تجاااوب هز سوارتو وخرج بالجرى معصب ركب كسيرا مخلي وراااه لعجاااج......
تحفة كاتمشى حدا لبحر وتفكر فحياتها وحبها لأسد لي ماخلف وراااه غيييير لعداااب.... جلسااات شحال تما حتى لعشية وركبات فسيااارتها متوجهة لدااارهوووم..... وصلات دخلات الطومو للكراج لي حلولها العساس ملي شااافها ونزلات حلات الباااب بالساروووت دخلات كاتسمع الهدرة بقاااات واقفة حدا الباااب... زادت بخطى متثاقلة ودخلات للصالون كاتشوف باباها وماماها مع راااجل آخر عاطيها بالضهر ريييحة فنيفها آه ريحتو نفس هذيك الريحة لي شماااتها داك النهار فالمستشفى كاتحمقها... يمكن غير ماقدراااتش تخلص منها وصااافي شااافتها ماماها وناااضت لعندهاا: بنتي مرحبابيك جيتي فين كنتي؟؟ أسد عاطيها بالضهر كايستناها تكدب باااش تفرش تقول زعما كااانت خدااامة وهو راااه سبقها وقالهوم خرجااات بكري من عندو لكن تفكيرو ماكنش فمحلو: كنت حدا لبحر أماما غير حيت السي أسد ولا مزيااان دابا صااافي مابقيتش غانخدم تما دابا من غدا غانرجع للمستشفى.... كايسمعلها ويزير على السوااارت فيديه.... خلاها حتى كملت وضااار لعندها بابتسامة جانبية: لا أمادموزيل نتي غاترجعي لخدمتك...
بقااات واقفة مصدومة بلا حراااك شنو كايدير هنا علاااش جا...؟ باباها فرحااان بزززاف وعلاااش لا هو راااه معجب بززاف بأسد وشخصيتو ودابا هو جااالس حداااه بلا حواااجز شافت فماماها هي لي كانت واااقفة حداااها كاتسناها تعطيها تفسير فهماتها وجاوبتها: بنتي السي أسد كايقول بلي ماماه عيااانة وهما رتاحولك نتي وبغاااوك تبقاااي معااها فالدااار حسن ماتبقا كل مرة غادة جاية للطبيب.... كاتشوووف فيه زعما آش هاد الشي؟؟ هي خلاتها بيخير ياااك هو ماكيبغيهاش علاش باغيها تبقا حداااه؟؟ شافت فباباها عاطيه وقت وكايدوي معاااه فرحااان... زادت لعندهوم جلسااات حدا اﻷب ديالها كاتشوف فأسد: مال لالا مريم؟؟ ياك خليتها فوق البخير.... أسد: داير رجل على رجل وكايشرب فالقهوة... تزاد عليها الحال شوية هذا ماكان وبغاتك حداها.... آه ماشي غير هاد الشي نتي غاتبقاااي تباتي تما واااحد المدة
تحفة: شنو؟ شافت فوليديها زعما واااش وافقتو؟؟ اﻷب: بنتي هذا راه السي أسد وعاااد اﻷم ديالو كاينة بصراحة أنا فاللول موافقتش لكن قدر يقنعني...
تحفة: ولكن أنا ماغانوافقش وماغانمشيش تما صافي غانرجع لخدمتي ودابا سمحولي عيانة وغانمشي لبيتي... ناضت مخنزرة فاأسد لي تعصب فعاد الجرءة والرد المباشر ديااالها
سعد: حط القهوة فوق الطبلة.... سمحلنا السي أسد مانقدرش نبزز عليها دير شي حاجة.... أسد: ولكن الوليدة غاتقلق خليني ندوي معاها شوية على انفراد يمكن نقدر نقنعها.... بقاو ساكتين مالقاو مايقولو: ماتخافوش غادي غير ندوي معاها.... عطا سعد إشارة لمراتو توريه لبيت بقات مترددة وهو وقف كايستناها ابتاسم ليها وزادت حداه وهو تابعها وراتو بيت تحفة ورجعاات لعند راجلها
YOU ARE READING
⚡ صرتي_ملكي (الجزء_الأول) | ( مكتملة ) ⚡
Romanceصباح الورد ....اما بعد بزاف سولو على هاد القصة لي مسحااتها لكاتبة بدوون مبرر ....لكن جاات وعتاذرات وشرحات وجهة نظرها لي تحترم ..على العموم هاهي القصة بالنسبة لبنات لي كيسولو عليها #منقوووووووووووووول الوحش اﻹمبراطور القوي ولي ماكانت حتى حاجة كاته...
