بسمة ناعمة
وقفات شحال كاتفكر ياااك هو فطر وشرب الدوا ديااالو علاااش غاتمشي لعندو من دااابا وهي خايفة منو كاترجف؟؟ تمشي تخدم فبلاصة أخرى هو بلاتي وتدخل لعندو....
رجعات اللور بدلات الطريق انهامكات فالخدمة كاتدخل لعند المرضى وتعطيهوم الدوا تستقبل الكليان خدامة من هنا ومن لهيه... فااات الوقت ساعة جوج الله أعلم المهم تعطلات عليه بزززاف حاول وحاول وأخيرا قدر يوقف على رجليه هاد الشي ساااهل بالنيبة ليه غير حيت نعس بزززاف بالنسبة ليه راه يومين هي عااام بقا كايتمشى بالشوية فالشومبر لكبيرة لي ناعس فيها زوينة وبطابع رجولي ثار انتباااهو لبالكون مشا باتجاهو بخطوات متثاقلة لابس تيشورط عند القب كايتسد بالسنسلة نصو محلول من الفوق صدرو خااارج وتوني.... حل البالكون وخرج بقا واااقف شحااال كايشوف لتحت كاينة واااحد الحديقة كبيرة تما كايجلسو فيها المرضى لي مطولين فالمستشفى زوينة وكاملة خضرة وفيها الورد باﻷنواع واﻷشكال.... لقا واحد الكرسي حداه جره وجلس فوووقو دار رجل فوق رجل ورجع براسو اللور يديه وحدة دايرها تحت دقنو متكي بيها على الكرسي واﻷخرى حاطها على جنبو.... لفتات انتباهو هي آه هي خرجااات مع واااحد الطبيب كايضحكو من قلبهوم هااازين كيسان ديال القهوة فيديهوم ومرة مرة كايتشادو باليدين خرجو حتى لبرا وقفو حدا واحد الدري صغير نزلات لمستوااه سلمات فوق راسو وجبدات شي حاجة من جيبها عطاتهالو عنقها وسلم عليها بقات كاتهضر معاااه حتى جرها داك الطبيب وهي كاتضحك ودير بايباي لداك الولد وقفو تحت واحد الشجرة كاتشير لهذا وتبتاسم لﻵخر مجموعة ديال اﻷطباء والممرضات جاو لعندهوم انساجمو فالهدرة والضحك صوتهوم كايتسمع من بعيد دااابا هي ولااات قريبة من كلشي كاتضحك مع كلشي.... بقا شحال كايتفرج فهاد الفيلم لي حداه عروقو خرجو عينيه رجعو نقطة دم واااعععععععع.... هاد الغوتة خرجااات من أعماقو ملي دخل الداااخل هز داااك الكرسي زدحو مع اﻷرض حتى تشتت قلب داااك السيروم كامل كلشي تهرس حتى حاجة مابقات مجبرة.... ديك البيت رجعااات دار مهجورة من بعد الحرب العالمية... دخلو لي كارد لي كانو حدا الباب مخلوعين... ياااك لباااس أسيدي كايرجفو خايفين منو وزاد خلعهوم ملي غوت عليههوم برررررااااا خرجو كايتسابقو عيطو لطبيب لي جا كايجري...
دخل مخلوع أسد كان بحال شي وحش تما ماكاينش لي يقربلو وقف فالباب كايشوف فيه مااالو شنو واااقعلو يدو كاتنزف أكيد ضربها مع شي حاااجة شاف فالغرفة كلشي مهرس شنو هاد الحاجة لي خلاتو يرجع بحال هاااكا أكيد شي حاجة فالخدمة ناااري يحسن عوان هذا لي كان سبااابو ماغايرحموووش..
ماشي جاي فديك لبيت غايتسطى ولي جات حداااه ضربها برجلو جا واحد من لي كارد كايحاول يشدو ضربو ببونية حتى طاااح كاااو... الطبيب مقنت فالباب خاااايف يدخل خاصو يهدنو لكن كيف غااايدير.... أسد مشا رجع جيهة البالكون باقية واقفة معاهوم ولا على بالها.... صااافي مابقاااش قااادر يصبر أصلا اﻷلم ديال ضهرو مابقاااش حاااس بيه مشا نيشان متوجه جيهة الباب ناوي على خلاااها غايقتلها ويقتل دوك لي معاااها آه هاد الشي لي ناوي يدير جا خارج لكن ماخاصوش يخرج لا مستحيل غايدير شي كارتة وعاد يدو وحتى ضهرو كاينزفو.... ليبرة لي فيها المهدئ كاينة فيدو خاصو يضربهااالو مي كيفاااش غايديرلها هذااا راه صعيب عليه...
غمز لليكارد لي داروها فيد الله وتعرضولو واخا كايضربهوم كايرجعو يشدوه حتى قدر الطبيب يدكلهالو يبرة دااات مفعول خطييييير أكيد واحد بحال أسد خاصو شي حاجة بحااال هاااكا تهدن نوعا مااا شدوه لي كارد داااوه لبلاصتو تكا نضفلو الطبيب الجروح يدو وضهرو صاوبلو الفاسمات هاد المهدئ كاينعس خاااصو ينعس لكن هو مانعسش قدر غي يهدنو آش هاد اﻹنسااان...
بغا ينوض يخرج يمشي لعندها لكن كايحس براسو فاااشل وماقادرش هضر مع الطبيب بنبرة حادة: ديك الممرضة تحفة بغيتها دااابااا ونتا غير سير قولها تجي دااابا وبلا ماترجع لعندي
ماعاودش معاااه لهدرة خرج لعندها
YOU ARE READING
⚡ صرتي_ملكي (الجزء_الأول) | ( مكتملة ) ⚡
Romanceصباح الورد ....اما بعد بزاف سولو على هاد القصة لي مسحااتها لكاتبة بدوون مبرر ....لكن جاات وعتاذرات وشرحات وجهة نظرها لي تحترم ..على العموم هاهي القصة بالنسبة لبنات لي كيسولو عليها #منقوووووووووووووول الوحش اﻹمبراطور القوي ولي ماكانت حتى حاجة كاته...
