بسمة ناعمة
هزات راسها بالموافقة ابتاسملها... يالله سيري دااابا علمي وليديك والمدير ديالك حتى هو رتاحي حيت هاد النهار عييتي وبصراااحة تكرفست عليك آسف.... مستغربة كاتشوف فيه ماهذا يا هذا سبحان مبدل اﻷحوااال.... عارفها مصدومة نسات راسها وهي كاتشوف فيه فيقها بصوتو: سيري ولا نبدل رأيي قفزها ناضت كاتجري وقفها بصوتو: غدا نصيفطلك الشيفور يجيبك لعندي أنا غانخرج دابا...
وقفات شحال وضارت شافت فيه كاتدوي وتلعب بصباعها متوثرة: واخا ولكن مايكونش عريييض بحال هذو لي برااا
ضحكة من قلبو لا راه تفرشخ بالضحك هههههههههههععع... كاتخافي هههههههععع...واااخا واااخا صااافي..هههههه... ياااه ضحكتو شحااال زوينة كايقولو جامي ضحك وحتى ماماه معتارفة بهاد الشي للصحافة زعمة هذي أول مرة مانعرف... خرجات توجهات لعند عمها علماتو وقالتلو بلي هو غايتكلف بداك الجرح هي غير الماكلة والشي لاخور حس بلي كاينة شي حاجة بتاااسم.... سلمات عليه وخرجات مباشرة لدارهوم
آسفة راه كتبتو وعاود قريتو مي كيفاش حتى مشا والله ماعرفت؟؟
تحفة وصلات لدارهوم دوشات وصلات ومن بعد تكات كاتسنا فوليديها وتفكر فأسد وكيف غادير معاااه ومرة مرة ملي تفكر شي حاجة كاتبتاسم تلقائيا...
أما هو مباشرة من بعد ماخرجات من عندو خرج من المستشفى تفاجئ بداك الكم لكبير ديال الصحافة حدا الباب لي كارد منعو عليهوم الطريق ولاخرين كايديرولو منين يفوووت ركب فالطومو ديالو وديمارا أما لاخرين تبعوه والوجهة كانت الديبو لي خارج على المدينة فين كاين داك لي ضربو وصل ونزل هز السلاح من الطومو وزدح الباب متوجه للداخل شاف هذاك مكمش وكاهل مضروب وقف شحال كايشوف فيه ومن بعد جر الكرسي الشي لي خلا لاخور يعيق بلي جا شاف فيه والدم هرب من وجهو جلس على داك الكرسي بابتسامة خبيتة ودار رجليه فوق الكرسي لي جالس عليه لاخخور: مالك تخلعتي ياااك ماكنتي تسنا خبار موتي؟؟
جاوب لاخور مخلوووع: لا لا... غير ماكنتش عااارف غاتجي اليوم
أسد: بابتسامة أممم وهدوء قاتل كايلعب فداك السلاح بحاليلا كايوجدو باش يسدد... غانسولك وجاوبني بصراحة
الراجل: آه آه سول نجاوبك
أسد: ملي كلفوك تقتلني كنتي عااارف شكون أنا...؟؟ هز راسو بمعنى آه كنت عااارف.... أسد: وعلاش وافقتي واااخا عااارف بلي حسااابك معااايا عسييير؟؟
الراجل: حيييت... هددوني بعائلتي... مع الكلمة اﻷخيرة ضربو أسد بركلة لوجهو وهو باقي بنفس الهدوء: ياك قلتلك الكدوب لا.... هذاك هز راسو بتساءل وأسد تابع هدرتو... عائلتك آشمن عائلة كاتدوي عليها ياااك مامراااتك لي قتلتيها بيديييك آه؟؟ الراجل استغرب كيفاااش عرف وهي حتى البوليس ماعرفوهاش كيفاااش تقتلات؟ قاطع تفكيرو حاجة ذهبية بين عينيه كانت رصاصة هازها أسد كايوريهاليه: هذي الرصاصة لي حاولتي تقتلني بها لكن لﻷسف غاتكون هي أداة موتك نتا....
لبنات هاد لبارت كنت كتبتو وتأكدت بلي لحتو لكن ماعرفتش كيفاااش حتى تمحى المهم أنا عاودتلو لكن ماشي بحال اللول حيت راه كتبتو من حديد وأنا ماعقلاش على لي قبلو.... وماعنديش نسخة أخرى كيف قلتليكوم راااه من عقلي مباشرة للتيلي يعني غايكون مختالف عليه لي قرااات اللول بلا ماتعاود لهذا
أنت تقرأ
⚡ صرتي_ملكي (الجزء_الأول) | ( مكتملة ) ⚡
العاطفيةصباح الورد ....اما بعد بزاف سولو على هاد القصة لي مسحااتها لكاتبة بدوون مبرر ....لكن جاات وعتاذرات وشرحات وجهة نظرها لي تحترم ..على العموم هاهي القصة بالنسبة لبنات لي كيسولو عليها #منقوووووووووووووول الوحش اﻹمبراطور القوي ولي ماكانت حتى حاجة كاته...
