⚡ صرتي_ملكي (الجزء_الأول) | ( مكتملة ) ⚡

البارت 2

بسمة ناعمة
صافي قررات خاصها تنهي هاد المهزلة هي عارفاه علاش هو هنا وشنو بغا إذن بلاش من هاد الدراما كاملة غاتنطق هي ماغاداش تسبو إذن علاش خايفة آش واااقع؟؟؟ شافت فيه وضغطات على خوفها ناطقة: السي أسد نتا... ججيتي على قبل اﻷم ديااالك يااااك؟ هي بيخير أنا.. أنا غير لقيتها مريضة وعيانة وديتها للسبيطار...
أسد كايسمعلها وراد البال لشنو قالت بحاليلا كايسمع لشي أغنية حنينة.... آش هاد الصوت راه تغلغل ﻷعماق أعماقو... لا هذي فاقت توقعاتو وفدقايق معدودة كاتحفر بلاصة ليها فقلبو زادت فيه بزززاف خاصو يسالي هاد المهزلة شكون هي حتى تستولي عليه من أول لقاء
أسد: آه آشمن مستشفى؟؟
تحفة: نعطيك سميتو غاتلقاها تما
أسد: (ماعرفش علاش ولا كيفاش مي هاد الشي لي بغا) لا غاتزيدي معايا توريهالي نتي
تحفضة:(لحضة استغراب لكن سرعان ماتلاشات يمكن ماتايقش فيها وماغايطلقها حتى يشوف اﻷم ديالو على خير) واخا لي بغيتي لكن سمحلي مانقدرش نخلي الدري بوحدو حتى تجي المربية
نزل عينيه كايشوف فالولد وشاف فيها بنصف ابتسامة: خوك؟
تحفة: لا ولد جارتنا طلباتني نبقا معاااه
هو: حك على لحيتو... أمممم وااخا نستنااااو
هي: (ضورات عينيها كاتشوف فدوك لي كارد وشافت فيه شوفات ترجي) إلى بغيتي قول لرجالك يبعدو الدراري الصغار خايفين منهوم
شاف فيها بضحكة خلاتها دوب ونتي ماخايفاااش؟؟؟؟
شافت فاﻷرض عطا إشارة لرجالو بيديه دخلو كلهوم للطوموبيلات وبعدو... هو رجع باللور كايشوف فيها تكا فوق الطومو مربع يديه كايشوف فيها نزلات راسها كاتشوف فدوك الصغيورين باقيين معنقينها خايفين هبطات لعندهوم جلسات قرفصاء كاتهدنهوم ملي شافوهوم بعدو شدوها من يديها كايبوسوها ويعنقوها زعما خايفين عليها وهي كاتضحك فوسطهوم وهو حاضيها من بعيد لا لا يا تحفة حركااااتك دارت فيه لعجب صاااافي السيطرة مابقااااتش عجبااانو بززززاف

جات المربية كاتجري وتعثر فجلايلها الصدمة باينة عليها يمكن شافت شي حاجة فطريقها شكون عرف... وقبل ماتنسا زادت صدمة على ختها شااافت أسد المنصوري شخصيا أسد لي مشهور ومعروف وماكايعطي وقت لحتى شي حد واااقف حداااها دااابا ياااريتها تقدر تمشي لعندو واااخا غير تقيسو زعما ممكن؟؟؟ شوف شحال زوببببن ناااري سعدات هاذو لي كايدوزو معاااه اللحظة ركزااات النظر فعينيه مفيكسين فبلاصة وحدة فين ياترى؟؟ أكيد غاتبع الخط المستقيم لتتلقى صدمة أخرى تحفة لي جالسة فوسط الدراري الصغار كاتلعب ولا على بااالها... كايشوف فيييها وهي مامسوقاااش زعما عجباااتو وعلاااش لااا ياااك هي زوييينة بزززاف ولكن هو ماكاتعجبو حتى واااحد وهي هي كاع مامسوقة علاااش؟؟ زعما ماكاتعرفهاااش هي هاكا دايرة ماكاتأثر فيها حتى لكن أجي علاااش هو هنا هاهي رجعااات لنقطة البداااية.... أول حاجة غاتمشي لعند تحفة منها يشوفها حيت عينيه فديك لبلاصة ومنها تسولها شنو لي خلا السي أسد يشرفهوم.... مشات بخطوات متساااارعة كاتسااابق مع الوقت وقفااات حداااها بابتسامة اعتذار حيت عارفة راااسها تعطلااات وزادتها ملي شااافت لي كارد فالتالي ديال الدرب بقااات واقفة شحااال باغية تعرف شكون وعلاش وكيفاااش؟؟ وكملاتها وصلات لهنا وجالسة كاتحفك وتحل غير راسها... ههههه بركاكة من الطراز الرفيع...: السلام ختي تحفة سمحيلي تعطلت عليك راه مع الزحام والطاكسيات والووو... تحفة رفعات راسها كاتشوف فيها لقاتها كاتدوي وعينيها فأسد ماعجبهاش الحال أولا يمكن غارت لكن ثانيا حيت ماكايعجبهاش البنت تولي مذلولة وتحلون هاكاك....: ماشي مشكل مي دابا إلى ساليتي شدي الدري خاصني نمشي راه تعطلت أوفاااااء...
ضغطات على سميتها باااش تفيقها عمدا وتخليها ترجع لخدمتها....
مع العلم بلي هو كايسمع حيت كان قريب ملي جات هاد المربية شافها كادير دوك الشوفااات وجبد التيلي بقا كايلعب بيه باااش يبعد عليه هاد الفضيحة.... لكن ودنيه تما  ماعارفش علاااش لكن يمكن كايستنا السؤال لي غاطرحو ديك وفاااء ويعرف جوابها لتحفة وماعارفش بلي غايتصدم يعيا مايتخيل كاع إلى كانت مامسوقاش غاتجاوبها بصراااحة وتقول بلي جا على قبل ماماه المهم هو هنا كايستناها هي... لوكان كانت شي وحدة فبلاصتها غاتقول بلي كايبغيها ولا عندو معاها علاقة المهم هذي فرصة لا تعوض باااش تبان عليهوم راه أسد هذا لكن ماشي هاد الشي لي وقع من بعد السؤال لي كان كالتالي: شنو كايدير السي أسد هنا؟؟ وآشمن شغل عندو فهاد البلاصة؟ هذي أول مرة كانشوفو مباشرة وفين فبلاصة خدمتي أكيد أنا محضوضة
تحفة: بضحكة استهزاء... ههههه وأنا باااش غانعرف آش كايدير هنا....؟؟؟
وفاء: نتي ماعارفاااش؟؟؟ يعنييي كيييفاااش وشكون غايقولي؟؟؟!!!
تحفة: ونتي ماااابك دخلي الدري غاتفرعو الشمس
وفاء: واااخا يالله بسلااامة
طلعات للدار وتحفة متبعالها العييين وضارت كاتشوف فأسد لي علامات الصدمة باينة على وجهو ورجعااات كاتشوف فوفاء كاتأكد بلي دخلات يعني راها باينة مابغاتهاش تشوفها بل ضورات عينيها فكل اﻷنحاء مابغات حد يشوفها... لا هاد الشي فات توقعاتو ماسوقهاش شكون يكون المهم كايبقا راجل وماخاص حد يشوفها معاه كرامتها وشرفها فوق كلشي.... سلمات على دوك الدراري وزادت فاتجاهو بخطوات بطيئة وقفات وخرجاتو من شرودو: سمحلي تعطلت عليك
هو: اكتافا فقط بإشارة بيدو باش تركب
شافت يمين وشمال وعلات عينيها فيه: سمحلي بلاش مانركب معاك غانمشي فالطاكسي ونتا تبعني
عينيه رجعو نقطة حمرة لا لا لا.... هذي زادت فيه بزززاف
بلا تفكير مشا للجهة اﻷخرى وحلها الباب شاف فيها شوفات خلاتها دوب فبلاصتها: غاطلعي ولا نديرلك شي شوهة هنا وكاع هاذو لي مابغيتهومش يشوفوك معااايا غايحضرو لشوهتك وأنا ماعنظيش الوقت لي نضيع معااااك (حرك يدو جيهة الطومو) يالله طلعي
تحفة: كاتشوف فيه مخلوعة خوفها رجعات لنقطة الصفر كاتخاف منو علاااش دار هاااكا ولش خايفها تهرب وااش ماغايقدرش يشد الطاكسي إلى حاولات ديرها هذا كاع خوف على ماماه؟؟ وعلاش مايخافش راها ماماه هذيك نفضات راسها من هاد اﻷفكار وركبات وهي حاضية جنابها خايفة... زدح عليها الباب خلاها تكمش فبلاصتها وطلع حداها ضور الساروت ديمارا معصب الطريق كاملة وهما ساكتين حدها سولها على العنوان عطاتولو بس ولي كارد من وراه بالطوموبيلات....
وصلو ومعا هي كانت شاردة ماوقفها غي الطومو لي مشات وجات بيها
شافت فيه مخلوعة وعينيها تقريبا دامعين وجات هابطة شدها من يدها وجبدها لعندو حتى تخالطات أنفاسهوم... كاترجف بين يديه حاس بيها وزادت جدباتو بخوفها هزات يدها الثانية وحطاتها على يدو باش يرخف منها ويخليها تمشي لكن ماعرفاتش شنو دارت بهاد التصرف هي زادت رغماتو يبقا.... قررات تدوي ماغاتبقاش هاكا كاتحس بالموت قريبة لها..: عفاك رخي مني ويالله نزلو نوريك ماماك فين راه تعطلت عليها وأنا مواعداها غانجي نشوفها...
مواعدة ماماه باش تشوفها أكيد دخلات لخاطرها من أول لقاء كيف ما وقع معاه هو يعني أي واحد شافها وجلس معاها ولو مرة وحدة غاتعجبو وغايتعلق بيها ولا يمكن يبغيها كاع ماشي بعيد... هاد اﻷفكار كلهوم ضارو فراسو وكل فكرة كاتخليه يزيد يضغط على يديها حتى حسات بيها غاتقطع
عينيها دمعو بلا سابق إنذار.... شاف فيها مطولا عينيها كايحرقوها خاصها ضروري تحايد العدسات كيفاش غادير مستحيل ديرها وهو حداها لا ماتقدرش مايمكنش وعلاش مركز الشوفة فعينيها لا بل علاش هاد التصرفات كاملة كلشي فيه غريب من قبيلة وهو شادها مادوا ماخلاها تنزل مال هذا....؟؟؟؟
صدمها بهدرتو: علاش دايراهوم؟؟؟ يالله غاتساءل علاياش كايدوي لكن كان السباق وجاوبها.... علاش مخبية عينيك شنو لونهوم ياترى شنو لي خلاك ديري عدسات فلون عادي؟؟
كيفاااش شنو قااال؟؟؟ وهو باااش عرف بلي دايراهوم؟؟ لا هذا بززززاف هاد الموقف مابقاتش قادرة عليه خاصها تتخلص منو: رخي مني راك قصحتيني عفااااك
طلق من يديها وعينيه باقيين فعينيها بعد عليها وهي جات تنزل نطق وخلاها تجمد فبلاصتها حايد عينيه من عينيها وكايشوف قدامو مباشرة: ماتنزليش مزال ماساليت هدرتي جاوبيني علاش مخبية عينيك؟
تحفة: م...و..الو غير كايعجبني هاد اللون
أسد: وشنو لونهوم الطبيعي؟؟
استغربات علاش هاد اﻷسئلة هو معروف عليه ماكايعطي وقت لحتى واحد زعما علاش هي بالضبط...؟ ماكايهمش المهم تسالي هاد الشي....: كحل.... هاد الشي باش نطقات لونهوم كحل
أسد شاف فيها: واخا نزلي
مازال ماكمل هدرتو حتى لقاها فباب المستشفى: أووووه باغا تهنى منو حتى لهاد الدرجة نزل تبعها ولي كارد غطاو باب المستشفى منعهوم مايدخلوش وزاد من وراها مشات مباشرة للغرفة ديال ماماه لقاتخا جالسة شافتها من الباب ابتاسمات لها... بادلاتها اﻹبتسامة: سمحيليا أخالتي يالله قدرت نجي تعطلت عليك
المرأة: لا أبنتي حتى أنا يالله فقت عطاوني شي دوا كاينعس ويالله حليت عينيا... تحفة: آه أخالتي فطرتي بعدا؟؟
المرأة: آه فطرت أبنتي الله يرضي عليك
بقاو كايدويو ويضحكو ونساو هذاك لي واقف فالباب كايشوف مستغرب من الرقة والحنان ديال هاد البنت لي خداتليه عقلو من أول يوم... شوف شحال متفاهمة مع ماماه المرة لي ماكتعجبهاش الحاجة بسهولة صعبة الذوق بحال ولدها تحفة هي ذوقهوم بجوووج وااااو صدفة زوينة...
شاف بلي نساوه عاﻵخر وقرر يدخل