بعد يوووم شاااق بالنسبة ليها وصل الليل.... تعشاو وطلعات خلاتو فالمكتب... دوشات وتكات على الناموسية كاتفر هاذ النهار نوعا ما داز عليها صعيب.... حيت مارحمهااااش علمها بززاف ديال لحوااايج.... باغيها تعرف وتفهم فكلشي.... واخا هاكاك مالقاااتش صعوبة.... بطريقتو اﻹحترافية وحتى عقلها لخفيف دغيا كاتعلم.... ومللي كايشوفها تزيرااات وصعاااب عليها الحااال... كايقلبها ضحك حتى تنساااجم ويشوفها مستاعدة عاااد يرجع معاها للمعقول.... فوقت لغدا شدها من يديها بحال شي بنوتة صغيرة خااارج بيها متوجهين للريسطو... خلااوه الموضفين غير كايشوفو... لبنااات حاسدين تحفة... ولما لا... وهما للي خدامين سنوااات عندو جامي شاف فيهوم ولا حتى عرفهوم كاينين فالوجود... وهي قدرات تخليه يعاملها هاكا بحال اﻷميرة.... تغداو ورجعو للخدمة.... هاكاك بقاااو حتى فاات الوقت....
ابتاسمات وهي باقية متكية... لابسة بيجامة قصيرة ديال النعاااس.... ناضت متوجهة للمكتب.... دخلات لقاااتو خاااشي رااسو فشي وراااق... حس بيها تما بلا مايشوف فيها نطق: ماجاكش النعاااس....؟؟
ابتاسمات: لا بغيت نبقا معاااك شوية...
هز يديه كايديرلها إشارة باااش تقرب وهو باااقي كايقرا فدوك لوراااق... قربات لعندو كاااضور حدااه... وتشوف معاااه...: غايجيك الملل.... جرلها البيسي كاينعتلها جيهة رجليه: جلسي ولعبي فيه (مع ابتساامة وغمزة)..... تزنكااات وقلبااات وجهها كاااتشوف لتحت...
أسد: هههههه.... كاندوي على البيسي...
خرجات فيه عينيها.... وجلسات حلات الفااايس كاتشوف فتصاااورها رماتهوووم قدااام وتقرا التعاليييق....
ماكانش كااايشوووف فييها صدمها: عاجبك زيينك....؟؟
شافت فيه مستغربة.... شكات وااش عندو شي عينين حدا وذنو: لا... راااه قدااام.....
أسد: وحتى دوووك عنيبااات للي كايتزللو عليييك تما قدااام ياااك....؟؟
حلات فمها: آه...؟؟ راه غا أصدقاااء...
أسد: اممم أصدقاااء.... علاه كاينة شي آية قرآنية كاتقول بللي اﻷصدقاء من المحااارم...؟؟؟ ضربااات الطم مازادتش الهدرة.... ولكن هو كاع ماكيشوف فيها... كيفاااش داار حتى قرا التعليقااات...؟؟ غموضو شي نهار يقتلها.... قاطع أفكارها صوووت التيلي ديالو للي صونا.... كان حاطو من جيهتها كان هز ورقة فيدو مرجع راااسو اللور كايقراها.... ساط بالجهد بحاليلا المتصل زعجو فهاد الوقت.... مافيه مايجاوب شي حد... شافت فيه كاتسنى ينوض يشوووف يالله بغااات تنوض باش تخليه يتحرك شدها من يدها مااانعها واليد لوخرى دايرها ورا راسو: شوفي شكووون....؟؟ هزاتو كاتقرا السمية حسات بنغزة فقلبها تهجااتها: مروى...
عغمض عينيه وعاود حلهوم بضجر: جاوبي... ماتوقعاتهاش منو... كيفاااش عطاها اﻹذن تجاوب على تيليفونو... لكن عجبها الحااال.... وحتى هو خلاها تجاوب ماااكايحسش بللي عندو خصوصيات عليها داك الشي للي دياالو هو ديالها حتى هي..... وعاد بغاها هي تهضر مع مروى خاااصها تأكد بللي هي حبيبتو وكاينة معاه دابا... واخا عارفها بلي كاتعيط على قبل لخدمة مي متأكد بللي كاديرها غير سبة
YOU ARE READING
⚡ صرتي_ملكي (الجزء_الأول) | ( مكتملة ) ⚡
רומנטיקהصباح الورد ....اما بعد بزاف سولو على هاد القصة لي مسحااتها لكاتبة بدوون مبرر ....لكن جاات وعتاذرات وشرحات وجهة نظرها لي تحترم ..على العموم هاهي القصة بالنسبة لبنات لي كيسولو عليها #منقوووووووووووووول الوحش اﻹمبراطور القوي ولي ماكانت حتى حاجة كاته...
