LORD OF THE REALMS [GODLY SERIES #5]

Chapter 2

Hindi nakatiis ang isa pang nakatayong Elder at mabilis din itong nagwika.

"Hahaha... wala kang respeto sa aming namumuno sa Heaven Arcane Kingdom pero ang titulo ng Reyna Rebecca Vermontt ay dapat mong alalahanin dahil isa ka lang insignificant figure ng kahariang ito. Wag kang bastos sa harap ng nakararami!" Tila mababakas ang galit sa boses ng isa pang Elder na si Elder Darro na namumuti na ang buhok nito dahil na rin sa katandaan. Nakita niya kasing hindi na nito binigyang respeto ang mahal na reyna.

Imbes na makaramdam ng hiya ang dalaga ay bigla nitong tiningnan ang mulha ng matandang lalaking Elder na si Elder Darro na halatang pinaglipasan na ng panahon.

"Heh! Ano naman ang pakialam mo tanda. Usapan namin ito ni Rebecca. Did you just scold me? Kahit magkampihan pa kayo ay wala kayong magagawa laban sa akin!" Matapang na sambit ng magandang babaeng si Prinsesa Adreianna.

Bigla namang nakaramdam ng tensyon si Reyna Rebecca Vermontt kaya mabilis itong namagitan sa naging pag-aaway ng nasabing kapatid niyang si Prinsesa Adreianna at ng apat na mga Elders.

"Uhm, pwede bang huminahon kayo. Alalahanin niyong napakarami niyong naririto at pinapanood kayo. Adreianna, ano na naman to ha?! Ano bang pinunta mo rito kung sa una pa lamang ay wala kang interes sa negosasyong nangyayari sa pagpupulong na ito?!" Sambit ni Reyna Rebecca Vermontt nang mapansin nitong ito ang unang beses na pumunta ito sa oras ng pagpupulong ng mga miyembro ng may mga mataas na katungkulan sa loob ng kaharian ng Heaven Arcane.

"Simple lang naman kapatid. Gusto ko ang malaking silid na nakabakante lamang sa isang magandang lugar doon na may magandang view ng buong kaharian." Nakangiting sambit ng magandang babaeng si Prinsesa Adreianna habang makikita ang nagpuputiang mga ngipin nito.

Tila biglang kinabahan naman si Reyna Rebecca Vermontt maging ang Mahal na haring si Haring Eros Vermontt ay tila kinabahan sa gustong mangyari ng magandang dalagang si Prinsesa Adreianna. Hindi nito mapigilang magsalita ng kaniyang saloobin bilang hari ng Heaven Arcane Kingdom.

"Prinsesa Adreianna, alam kong gustong-gusto mo ang malaking silid na iyon ngunit hindi ko maaaring tuparin ang kahilingan ng kapatid ng asawa ko." Seryosong sambit ni Haring Eros Vermontt na pilit na nagiging mahinahon.

Nang marinig ito ng magandang babaeng si Prinsesa Adreianna mula sa bibig mismo ni Haring Eros Vermontt ay mabilis na naningkit ang nagagandahang pares ng kulay asul na mga mata nito.

"Hahaha... mawalang-galang na Eros pero kapatid ko ang kinakausap ko patungkol sa gusto ko at hindi ko hinihingi ang suhestiyon mo." Pasupladang sambit ng magandang babaeng si Prinsesa Adreianna. Napa-cross arms pa ito dahil sa narinig niyang sinabi ni Haring Eros Vermontt sa kaniya.

"Bilang asawa ni Reyna Rebecca ay alam mong hindi maaaring gawin ang nais mong mangyari. Isa pa ay asawa ako at hari ako ng Heaven Arcane Kingdom kaya mahalaga ang salitang sinasabi ko." Seryosong sambit ni Haring Eros Vermontt na tila pinipigilan lang nitong magburst out sa labis na inis sa magandang babaeng si Prinsesa Adreianna na kapatid ng kaniyang sariling asawang si Reyna Rebecca Vermontt.

"So ginagamit mo pa ang titulo mo para magdesisyon sa bagay na ito?! Ako si Prinsesa Adreianna at hindi ko kailangan ang opinion mo. Gusto kong marinig mula kay Rebecca ang desisyon na nais kong mangyari. Kung tutuusin ay isang maliit lamang na espasyo lamang ng kaharian ang gusto kong mangyari. Sayang naman kung hindi ko gagamitin iyon. Ayaw niyo naman sigurong andun ako sa mga pangit na view na silid kasama ang mga iba't-ibang mga taong naroroon hindi ba?!" Sambit ng magandang babaeng si Prinsesa Adreianna na tila ba makikitang tila takot ito sa maaaring mangyari kung doon siya mananatili kasama ang ibang mga kasapi ng mga Royal Blood.

"Why not diba? As if na mananatili ka dito sa kaharian buong buhay mo. Tanging ang mga bagong henerasyon lamang at direct descendants lamang ng Hari at Reyna ang maaaring manatili sa King's and Queen Manor." Sambit ni Haring Eros Vermontt habang makikitang hindi ito magpapatalo sa nakababatang kapatid ng kaniyang sariling asawa na si Reyna Rebecca Vermontt.