LORD OF THE REALMS [GODLY SERIES #5]

Chapter 3

"Kailangan ba talagang umalis kami? Hindi ba pwedeng dito lamang kami sa mga maliliit na bayan na sakop ng kaharian? Pwede naman siguro iyon diba? Maawa naman kayo sa amin lalo na sa batang Prinsipe." Nakikiusap na saad ng matandang babaeng personal na tagabantay ng batang si Prinsipe Luciouss Luxx Vermontt. Kahit napakakulit ng batang pinangangalagaan niya ay hindi naman siguro iyon magiging dahilan para umalis nalang bigla sa kahariang pinagmulan nito.

"Iyong mga nasabi ko ay iyon lamang ang dapat mong sundin Ersula. Isa ka lamang hamak na matandang babaeng napaglipasan na ng panahon ngunit may gana ka pang kwestiyunin ang desisyon ng Mahal na Hari at Mahal na Reyna. Isa ka lamang hamak na tagabantay ng prinsipe. Wala kang karapatang magtanong kung ayae mong ang mismong Haring Eros Vermontt at Reyna Rebecca Vermontt ang pumunta rito at pagsabihan ka ng dapat mong gawin hahaha!!!!" Nakangising sambit ng Personal na Royal Guard ng Mahal na Hari at Mahal na Reyna. Bakas sa tono ng pananalita nito ang pagbabata at pangmamaliit sa matandang babaeng tagabantay lamang ng Prinsipe Luciouss Luxx Vermontt.

"Pero-----" magsasalita pa sana ang matandang babaeng si Ersula ngunit agad siyang natigilan ng magsalitang muli ang personal na Royal Guard ng Mahal na Hari at Mahal na Reyna.

"Siya nga pala, may ipinabibigay ang Mahal na Hari at Reyna sa iyo. Dapat ay inumin niyo ito ng batang si Luciouss Luxx dahil kung hindi ay malilintikan ang buong pamilya at angkan mo Ersula na hindi mo gugustuhing mangyari. Optional naman ang sa iyo pero kung gusto mong kalimutan ang walang hiyang angkan mo na ikaw ang ginawang pambayad kapalit ng salapi ay mas mabuti hindi ba?! Atleast wala ka ng iisipan pa hindi ba." Kalmadong sambit ng personal na Royal Guard ng Mahal na Hari at Reyna na may kasama pang nakakalokong ngiti. Ang totoo niyan ay natutuwa ito sa paglisan ng dalawang nilalang na ito. Marami pang importanteng bagay siysng inaasikaso ngunit dahil tapat siya sa Mahal na Hari ay pinagtitiisan niya ito. Natutuwa nga siyang makitang huli na itong trabaho niya o punta niya rito.

Napatahimik na lamang ang matandang babaeng tagabantay ng prinsipe na si Ersula at lihim itong napakuyom ng sarili nitong kamao habang hindi nito namamalang nakaalis na pala sa loob ng malawak na silid na ito ang personal at tapat na naninilbihang Royal Guard ng Haring Eros Vermontt at ng Mahal na Reynang si Reyna Rebecca Vermontt. Hindi nito lubos aakalaing darating sa puntong lilisanin nila ng batang Prinsipeng si Luciouss Luxx Vermontt ang kahariang ito ng Heaven Arcane. Hindi mapigilan ng ginang na manlupasay sa sahig dulot ng masamang balita o masasabing napakasamang balita para sa batang prinsipeng si Luciouss Luxx Vermontt na bunsong anak ng Haring Eros Vermontt sa asawa nitong si Reyna Rebecca Vermontt.

"Hindi ko aakalaing itatakwil nila ang sariling anak nila sa tahimik na pamamaraan. Napakasama nila, napakabata pa ng prinsipe at mas masahol pa ito sa kamatayan." Makahulugang sambit ng matandang babaeng tagabantay na si Ersula sa kaniyang isipan lamang. Hindi nito lubos na maisip na magagawa ito ng Mahal na Hari at Mahal na Reyna. Itinatak niya sa isip ng batang si Prinsipe Luciouss Luxx Vermontt na wag magtanim ng sama ng loob o hinanakit sa sariling mga magulang nito ngunit sa balitang nakarating sa kaniya ay tila ba hindi niya madedepensahan ang sariling mga magulang ng batang Prinsipeng si Luciouss Luxx Vermontt dahil sa oras na wala na sila sa teritoryong sakop ng Heaven Arcane Kingdom ay nangangahulugan lamang na itinakwil na ng tuluyan ng sariling mga magulang nito ang kanilang anak.

Agad niyang inayos ang kaniyang sarili at mabilis siyang pumasok sa loob ng Mirror Dimension.

POOOOOOOOFFFFFFF!!!!

Tila nawala naman bigla ang katawan ng matandang babaeng si Ersula at mabilis niyang nakita ang kaniyang sariling nasa isang bagong lugar. Hindi maipagkakailang ito nga ang loob na parte ng Mirror Dimension.

Hindi naman ganoon kalawak Ng loob ng Mirror Dimension na ito Isang maliit lamang na isla ito na napapalibutan kaagad ng katubigan. Masasabing isang simpleng bahay lamang ang nakatirik sa dito na siyang bahay ng batang si Prinsipe Luciouss Luxx Vermontt.