LORD OF THE REALMS [GODLY SERIES #5]

Chapter 4

Mabilis na umusad ang sinasakyang karwaheng pangkawal sakay ang matandang babaeng si Ersula kasama ang natutulog na batang si Prince Luciouss Luxx Vermontt. Makikitang ang matandang babaeng si Ersula ay makikitang tila malalim ang iniisip nito haabng may kung ano itong naiisip lalo na sa kasalukuyang sitwasyon nito.

Panay buga lamang ang nagagawa nito at makikitang napakatahimik nito sa mga oras na ito. Karaniwan kasing palaging nagsasalita ang matandang babaeng si Ersula at kung normal na pangyayari lamang ito ay baka ginising niya na ng sapilitan ang batang si Prince Luciouss Luxx Vermontt lalo na at hindi naman siya yung tipong magiging mabuti sa batang prinsipeng hindi kailanman kikilalanin ng magulang nito.

Hanggang sa nangyari na nga ang inaasahang pangyayari ng matandang babaeng si Ersula habang katabi lang nito ang mahimbing na natutulog na batang lalaking si Prince Luciouss Luxx Vermontt ay nakarating na sila sa mismkng tarangkahan ng nasabing border o malaking gate ng kaharian ng Heaven Arcane Kingdom.

Napansin ng matandang babaeng si Ersula na tila nakita niyang unti-unting nagliwanag ang nasa harapan nila.

"Teleportation Array hmmm... Hindi ko aakalaing aalis at lilisanin na namin ang lugar na ito sa kasalukuyan." Sambit ng matandang babaeng ng mahina. Hindi niya aakalaing hahantong sa sitwasyong ito at darating ang hindi inaasahang araw at pangyayaring ito.

Biglang nagkaroon ng mas nakakasilaw pa na liwanag na siyang sumakop sa buong katauhan ng matandang babaeng si Ersula maging ng nasabing karwaheng pangkawal.

Ngunit lingid sa kaalaman ng matandang babaeng si Ersula ay mayroon pa palang mangyayari na hindi niya lubos aakalaing mangyayari pa na mas masaklap pa sa mismong inaakala niya.

May limang kawal na bigla na lamang tumingin sa papasaradong teleportation Array ang bigla na lamang ngumisi ng malademonyo.

Bigla na lamang nagliwanag ang kamay ng mga ito at may nagmaterialize na mga kakaibang disenyo ng pana sa mga ito.

Sabay-sabay na hinawakan ng mga ito ang gitnang bahagi ng nasabing strings ng pana at lumitaw ang isang isang kakaibang kulay itim na palaso.

Sabay-sabay na nagsagawa ang mga ito ng kakaibang Arrow skill.

"Arrow Skill: Dark Locking Multiple Arrows!"

Napakabilis ng pangyayari kung saan ay mabilis na bumulusok ang limang mga nagbibilisan o humahagibis na mga nag-iitimang mga palaso sa loob ng mismong teleportation Array. Tila ba hindi maipagkakailang malakas ang nasabing Arrow skill na ito at hindi lamang basta-basta ito.

Nang makita ito ng isang lalaking kawal na mayroong  isang ginituang badge ay mabilis na naningkit ang pares ng mata nito.

"Mga pangahas. Talagang ginawa niyo ang bagay na ito? Hindi ba kayo natatakot sa maaari kong gawin sa iyo?!" Sambit ng lalaking kawal habang makikitang tila mayroong kung anong pambihirang bagay ang nasa tinig nito. Tila mararamdaman mo ang pagiging ma-awtoridad sa tono ng pananalita nito. Isa lang naman siyang Royal Guards na mas mataas ang posisyon kumpara sa mga nariritong mga nagtitipong mga kawal rito.

Ang limang mga kawal na siyang nagsagawa ng Arrow skill ay tahimik lamang habang nagsasalita ang nasabing lalaking Royal Guard na mas mataas ang ranggo sa kanila.

Pagkatapos magsalita ng nasabing Royal Guard ay imbes na itago ang kanilang mga panang hawak ay ngumisi lamang ang mga ito.

Nang makita ng ibang mga kawal lalong-lalo na nang nasabing Royal Guard ang nasabing pagngisi ng limang mga kawal ay mabilis na nagsibunot ng iba't ibang mga sandata ang ito. Karamihan sa mga ito ay mga matatalim na mga espada at mga naglalakihang mga pana.