نوفيلا مستذئبي
الحلقه 4
وقفت الفتاتان بجوار بعضهم فأزر وارغد كانو يتحدثون معي بعض الاشخاص
ايلول.: ساره احنا ف اي فرصه هنهرب اوعي تستسلمي
ساره : حاسه كأني ف حلم
ايلول وهيا تحتضنها : هوا حلم وهنفوق منه قريب المهم اننا نبقا مركزين علشان الوقت الي هنلاقي فيه مخرج من هنا هنهرب ومش هنرجع تاني
ساره : تمام امتاا بقاا نطلع انتي شايفه البنات دي بتبص لينا ازاي
ولا كله كوم والكائن احادي الخليه دا كوم تاني
نظرت ايلول للشخص الذي تشير اليه صديقتها لتجده لافي ابن عم ازر
ايلول بتقزز من نظراته : انسان ملزق
ساره : لا تصحيح حيوان
ايلول : بس هما نص بني ادمين ونص مستذئبين
ساره وقد تركو الزفاف ووجودهم ف تلك الغابه وانهم وسط قطعان مستذئبين واخذو يتناقشو ف هل الجانب الانسان الاكثر ام الحيواني
ساره : لا الموضوع محتاج دراسه
ايلول : ايوا زاي الفضائيين كدا متعرفيش جنسهم اي بس هما مخلوقات مختلفه عننا وخلاص
تقدم ازر وارغد
ليجدو الفتاتان تتهامسان ويتحدثن بجديه
ساره : بس حاليا سوال هيجنني
احنا اتجوزنا ذئاب ولا بني ادمين
ايلول بأطاله تفكير جعلت ازر وارغد ينظرن لبعضهم ببلاهه علي تلك الفتاتان المجنونتان
ارغد ب سخريه : اتجوزتم ديناصورات
ايلول بصدمه : اي دا بجد اصلكم ديناصورات وانا اقول بردو اي اصل المستذئبين
ساره بدهشه : يعني ممكن تتحول لديناصور
ازر : ارغد خد رفيقتك وكفايه كدا انا مليت اصلا ودول شكلهم هيفضحونا من اول يوم
ارغد : انا بقول بردو
احتضنت الفتاتان بعضهم
ايلول بشجاعه مصطنعه : مش هنتحرك غير معي بعض
قال خد رفيقتك
خدك ربنا يابعيد
ازر ببرود ونظره خبث : انتي قد الكلام دا
لتبتعد ايلول عن ساره بسرعه
ايلول : لا دا انا كنت بهزر انت صدقت انا معرفهاش اصلا
ساره بنظره استحقار : بعتيني علشان ضحكلك بس
ايلول بخوف : دي الضحكه الي بيضحكها السايكو قبل ما يقول ب جريمه قتل
امسك ارغد بيد ساره واخذها بعيدأ ناحيه القصر
ايلول وهيا تمسح دمعه وهميه : اشوفك ف الجنه ياساره
لتنظر ل ازر الواقف يطالعها ببرود
ايلول : تلاجه اول مره اشوف تلاجه متنقله
ازر : هعمل نفسي مش سامع
ايلول : انا قولت انك مستذئب محترم وكيوت محدش صدقني
ازر بتشنج : كا اي
ايلول : كيووووت
ازر : امشي قدامي يا ايلول
ايلول بهمس : طالعه منك زاي الزفت
ليحملها ازر
لتصرخ ايلول : نهار ازرق نزلني ياعم انتاا
دي مش اخلاق مستذئبين
ظلت تتحدث
الي ان صرخ بها ازر
صرخه اسكتتها باقي الطريق الي ان وصل الي جناحه فألقاها علي السرير
ايلول : اي الغباء دا يابني
دخل ازر لحمامه
ظلت ايلول تنظر وتستكشف الغرفه
الي ان وصلت لشرفه الغرفه المطله علي الحديقه فكانت تري خط الاشجار الفاصل بين الغابه وعالمها
اغلقت عيناها تستنشق ذالك الهواء المنعش الطبيعي الخالي من اي ملوثات
فتحتهم ناظره للطبيعه امامها
شعرت بهدوء وسكينه فقدتها منذ طفولتها فلم تشعر بهذا الشعور منذ ان كانت طفله. وكانو يعيشون ف الارياف معي جدتها وبعدها عاشو ب المدينه الصاخبه. ظلت تجول البلاد بحثأ عن هذه الطبيعه وهذا الهواء ولم تجد فقررت العوده لجدتها لتبحث عن السكينه والراحه
لم تكن تتوقع ان يرمي بها القدر في هذا المكان للان تظن ان كل هذا حلم وستفيق منه قريبأ
ولاكنها قررت الاستمتاع بهذا الحلم الي ان تفيق منه
خرج ازر واضعأ منشفه اسفل خصره
ممسك باخري صغيره ينشف بها خصلات شعره الاسود الغزير
احست ايلول بخروجه لتستدير
وتجده بتلك الحاله لتصرخ : اي قله الادب دي ياعم انتاا خلاص مبقاش فيه حياء عند الناس
ازر : وقد القي بوجهها المنشفه
فقد كان يرتدي شورت قصير
صرخت ايلول : عااا ياقليل الادب الحقيني ياساره
ازر وهوا يرتدي تيشرته : اخرصي وبطلي صريخ يازفته انتي
ايلول : خطفتني واتجوزتني ليه طالما انا زفته صحيح صنف مهزق
ظل ازر يقترب منها الي ان كادت تقع
فأمسكها ازر
واخذ فرشاته من جوارها
اعتدلت ايلول في وقفتها واخذت تحمحم : احم انا عوزه اغير
ازر : وانا ماسكك
ايلول : انا قصدي فيه ليا هدوم ولا يا خفيف
ازار اشار لها علي غرفه ملحقه في جناحه : هتلاقي هناك
اسرعت ايلول بلذهاب من امامه
جلس ازار علي حافه السرير
الي ان دق باب الغرفه
دخلت الخادمه بيدها عربه طعام
اشار لها ازر بتركها
بعد مده قصيره خرجت ايلول مرتديه احد البيجامات التي وجدتهم
كانت عباره عن بيجامه من الحرير بلون البنفسجي وبها بعض النجوم
خرجت وهيا تضعها علي شعرها
تقدمت واخذت فرشاه الشعر من جواره
وجلست علي الحرف الاخر من السرير
كان ازر يتابعها بهدوء مركزا بتفصيلها
هائما بعيونها وشعرها
وكل تفصيلها
لملمت ايلول شعرها وعقدته فوق راسها
تمردت بعض الخصلات
لتزيدها جمالا علي جمالها
كان ازر يطالعهاا بغرابه فكيف لتلك الفتاه المجنونه ان تكون بهذا الجمال
وضع يده علي قلبه محاولا تهدئته
ايلول : هتفضل ساكت كتير انا جعانه والاكل هيبرد اعزم عليا علشان انا ميته من الجوع
ازر بدهشه لتلك المجنونه : انتي محتاجه عزومه بردو
ايلول : الله يكرم اصلك يابني انت بقول البيت بيتي بردو
وتقدمت لتجلس امامه وعربه الطعام تفصل بينهم
لتجد ايلول شرائح لحم مشويه و كوبين من عصير البرتقال
اخذت تأكل ايلول بشراهه
فمنذ وصولهم هنا لم تذق الطعام
لتتزكر ساره
وتترك الطعام من يدها
ازار وقد لاحظ تغيرها : مبتكليش ليه
ايلول : ساره زمانها مكلتش
ازار بسخريه : ساره اي انتي لسا فاكره دا انتي ناقص تدخلي علي دراعي
ايلول : مبكلش لحم ذئاب او بني ادمين للاسف
ازار : لا شكرا ليكي بجد طمنتيني
ايلول برجاء : هوا ينفع اشوف ساره
بليز عوزه اطمن عليها بس دقيقه
ازار ولم يقدر علي رفض طلبها والحاحها
طيب هخليها تجيلك
ايلول بفرحه امسكت يده : شكرا شكرا بجد
ازار وقد توتر اثر حركتها : احم هنزل وهيا شويه وهتطلع ليكي
ايلول بخجل : اسفه انا تحمست بس
ازار وهوا يغادر الجناح : لا عاادي
ما ان خرج ازار اخدت ايلول تتنفس بعمق
*-
في جناح ارغد
كانت ساره تغلق باب الشرفه من الخارج
وارغد يحاول جعلها تفتحه
ساره : ولله لو اتنطط ما انا فتحاه دا انتا جواك ذئب يعني ممكن تاكلني هأمن ليك ازاي
ارغد محاولا تمالك نفسه : اكلك اي بس يابنتي الله يهديكي افتحي يا ساره متعصبنيش
ساره : متتعصب ولا تتفلق حتي انا مالي انا عوزه اروح والا هفضل قافله الباب وقاعده هنا
ارغد بخبث : طيب براحتك
واخذ ثيابه وخل لحمامه الملحق ب الجناح
وخرج بعد فتره
وجلس امامها واضعأ الطعام
: خليكي جوه وموتي من الجوع بقا
ساره بأعاده تفكير : انا في الحالتين ميته يبقا اموت وانا شبعانه ولا اموت وانا جعانه
لم تفكر اكثر من دقيقه وفتحت الباب وخرجت جلست امام ارغد : معندكش قلب صحيح
ارغد : ليه كدا ياروحي
ساره : طلعت روحك انا مش روح حد يا اخويا
ارغد : هعمل نفسي مش سامع وبعدين خرجتي ليه مش خايفه اكلك
ساره : خايفه ولله بس كدا كدا هموت ف الحالتين يبقا اموت وانا شبعانه ولا اموت جعانه
ارغد : وجهت نظر
ساره :اومال انا مفيش ف ذكائي
ارغد : علي ايدي انتي هتقوليلي
ساره : مبحبش اشكر ف نفسي كتير
تناولو الطعام
اخذت الخادمه الطعام واخبرت ارغد ان ازار يريده
فخرج
بقت ساره تنظر لخارج الشرفه تبحث عن مخرج
لتجد منطقه بعيده نسبيا ليس بها حراس كثيرون
ويفصلها هيا والغابه باب من الخشب
ساره : امم لازم استكشف المكان دا
يمكن نعرف نخرج من هناك
دخل ارغد ليجدها تقف ف الشرفه
ارغد : لو خلصتي تفريج يلا امشي قدامي
ساره : هنروح فين
ارغد : عند صحبتك ولا مش عوزه تشوفيها
ساره : لا عوزه اشوفها طبعا بالله عليك وديني عندها بسرعه
وخرجت ورائه بسرعه
لتصل عند باب جناح ازار
واخدت تدق علي باب الغرفه
وكان بيدها طبله
ساره : اخلصي ياعجله يا ايلول
ايلول من الداخل : لا بالله طبلي كمان شويه وزغرطي ب المره
ساره : ولله امشي
فتحت ايلول الباب بسرعه
ودخلت ساره واغلقت الباب
احتضنتها ايلول
ساره بسرعه : اسكتي لقيت مكان ممكن نهرب منه
ايلول بدهشه : لا بجد فين
ساره اشارت لها من الشرفه : شايفه المكان دا
ايلول : ايوا
اخذت ساره تقص لها ان موقعه مثالي لعد وجود حراثه كثيره
ايلول : طيب احنا لازم نسأل حد عن المكان
ومش هينفع نسأل ازر او ارغد
ساره : اكيد هنسأل اي شغاله هنا اي رايك
ايلول : تمام بس خلي بالك لو شمو خبر هيدفنونا
اعتبري انك ف حلم لحد ما نرجع
ساره : بحاول
اخذت الفتاتان يتحدثن الي ان غلبهم النوم
ارسل ارغد الخادمه لتجلب ساره
اقتربت منها بخوف وحاولت افاقتها بحرص
افاقت ساره لتجد الخادمه تخبرها ان ارغد يريدها قامت وعدلت من حجابها
وخرجت
دخل ازار بعدها ليجد ايلول نائمه بعمق ليفرد جسده جوارها
ليجدها تحتضنه ظنا منها ان ساره لازالت هنا
فوجئ ازار واخذ مده ليست بطويله الي ان بادلها العناق ونام بعمق هوا الاخر
--*
داخل جناح ارغد
ما ان وصلت ساره اخذت بيجامه واخذت حمامها
وخرجت لترمي بنفسها علي السرير وغطت في النوم في اقل من ثانيه
ابتسم ارغد
ونام مقابلها يطالعها بنظرات متفحصه الي ان غط في نومه
*--- صباح يوم جديد
افاقت ساره. و ارغد علي صوت صرخات ايلول الذي افاقت كل من بلقصر
....
نكمل الحلقه الجايه
#نوفيلا_مستذئبي
#الكاتبه _مي _محمد
أنت تقرأ
نوڤيلا مستذئبي 💜
Werewolfفتاه بشريه تقضي عطلتها في منزل جدتها بالريف لتقابل صديقه طفولتهاا ساره مره اخري وتبدا مغامرتهم في الغابه السحريه
