نوڤيلا مستذئبي 💜

اصابه

نوفيلا مستذئبي
الحلقه 6

افاقت ايلول من شرودها
عقب اغلاق باب الغرفه
لتجد ازار. دخل الغرفه
نظر ازار ل ايلول الجالسه في الشرفه
لتنظر له عقب اغلاقه لباب الغرفه
اتجه ناحيه حمامه
نظرت ايلول ل اثره
وعزمت علي تنفيذ خطتها
توجهت لخزانه ملابسه واخرجت له ثيابه ووضعتها علي السرير
خرج ازار واضعأ المنشفه اسفل خصره.
ليجدها اخرجت ثيابه
وتجلس علي الطرف الاخر من السرير
التقط ازار ملابسه
في صمت مريب
وخرج بعد فتره
ايلول : هوا مينفعش انزل المطبخ واتفرج علي القصر كدا
ازار ناظرا لها ولم يتحدث فقد كان يحاول فهم ماذا تفكر
توترت ايلول
: متقول مينفعش وخلاص متبصليش كدا
ازار : ينفع مينفعش ليه
ايلول بحماس : اهو الواحد يفك شويه بدل الحبسه دي
و اردفت : طب و ارغد مش قاعد ف القصر بردو اقصد ممكن يدخل وكدا
لتجده ينظر لهاا بدقه ثم اردف : اولا طالما قولت ليكي عادي يبقا مفيش جنس مخلوق هيدخل القصر غير الخدم والي هما اناث و ارغد قاعد ف الناحيه التانيه من القصر وهعرفه ميدخلش غير من الباب بتاعه
ولما تعوزي تطلعي الجنينه ، الجنينه الخلفيه ليها بابا والحراسه من برا. ف متخافيش
وحاجه كمان
اقترب منها اكثر : متجبيش اسم اي راجل علي لسانك غيري تمام
ايلول : احم تمام.
عوزه انزل المطبخ اعمل حلويات
وقفت تحت نظر ازار
وامسكت بيده : يلا ننزل نعمل
ازار ببسمه ساخره : ننزل فين
ايلول : يلا بقا يا ازار بليز هنعمل معي بعض انا معرفش حاجه ف القصر ممكن اتوه وكمان هخاف لو نزلت لوحدي
وبقت تهز بيده
وازار تائها بملامحها الطفوليه ونبرتها المهلكه
ايلول : يلا بقا يا ازار بليز
وقف ازار علي مضد : اهو يكش تبطلي زن
ايلول بضحكه سحرته : احلي مستذئب دا ولا اي
ظلت ممسكه بيده لحين خروجهم من الغرفه فتراجعت لخلفه وامسكت يده
ابتسم ازار علي طفولتها
ايلول بخوف : هوا ليه كل حاجه سوده كدا
ازار : بحب اللون
ايلول : مش للدرجه دي ياعم يعني علشان تحبه انتا تخلي كل القصر اسود والاثاث اسود كمان
ترعبنا احنا
ليشير لها اتجاه المطبخ
وتدخل لتشهق من دهشتها فكان كبير جدا بدرجه مهوله
وتصميمه رائع تكاد تقسم ان هذه الديكورات والاشياء لم يتم صناعتها في عالمهم الي الان
لتجد ثلاجه بلون الاسود لها بابين
فتلك هي الشيئ الوحيد الذي تعرفه ايلول
وقفت امامها لتفتحها حتي تري ما بها
لتفتح فمها بدهشه اكبر
فكان وكان يوجد داخلها عالم اخر
فكان بها جميع ما تشتهيه الاعين
وجميع انواع العصائر
ايلول : ازاي دا انتو بتأكلو زينا
ازار مستندأ علي الباب ببسمه مثيره : كنتي مفكره اي مثلا عايشين في عصر جوسون
ايلول : الله بقاا اوعي تقولي فيه عندك تلفزيون
ازار : القصر هنا فيه كل حاجه زاي عندكم
احدث الحجات الي عندكم ويمكن لسا منزلتش او تعرفو عنها حاجه موجوده انتي مفكره اي
ايلول : علي كدا انت ولا الثري العربي
ازار بضحكه : انا اغني
ايلول بضحك وعدم تصديق : بطل هزار مش للدرجه ازار : مش مصدقه انا هثبتلك
واخذ يدها ونزلو اسفل القصر
كانت ايلول خائفه :انت هتقتلني ولا اي انا اسفه ولله ازار : متخافيش
ذهبو امام غرفه مغلقه
قام ازار بوضع يده علي بابها ففتح
وكل هذا تحت دهشه ايلول
التي شهقت عندما رات ما ب الغرفه
فكانت واسعه بطريقه كبيره
ومملوئه بصناديق ذهب و لولؤء
ايلول : ينهار قوس قزح كل دا دهب و فلوس
ليفتح صندوق اخر لتجده مليئ ب الالماس
لتقترب ايلول وتاخذ خاتم قد اعجبها فكان منظر خيالي
ايلول : اي يابني دا كله
ازار بضحك : دول حاجه قليله انتي مشوفتيش حاجه من باقي الكنوز الي عندي
ايلول : لا كفايه عليا كدا مكنتش احلم اشوف المنظر دا اصلا
احنا نطلع نعمل الاكل احسن احتمال اقع من طولي دلوقت
ضحك ازار وتبعها بعدما اغلق الغرفه
وقفت ايلول تفكر ماذا تصنع للطعام
ازار : هتفضلي تفكري كتير
ايلول : استنا بس انا
ثم ابتسمت : هنعمل مكرونه اسباكتي وبطاطس محمره
اكلتي المفضله
وظلت تبتسم بهيام
لينظر لها ازار بعدم فهم : دا كله علشان بطاطس ومكرونه
ايلول : ايش فهمك انتاا دا ادمان
حط يلا حاجه نسلق فيها المكرونه
ازار : احم يعني اي
ايلول : متقولش ليا اول مره تدخل مطبخ
وظلت تضحك
ازار : لو مبطلتيش هسيبك واطلع
ايلول محاوله ان تتماسك : حاضر
وظلت تنظر له وتضحك
ليبتسم ازار
ظل ناظرا لها وهيا تتحرك بخفه داخل المطبخ تستكشف جميع الاماكن
اخرجت بعض اطباق المخلل من الثلاجه
وضعت المكرونه داخل الطبق الخاص بها
وايضأ البطاطس
ايلول : يلا شيل بقا
حمل ازار الصينيه بعدم اعتراض
ايلول : ناكل قدام التلفزيون بقا انا زهقت من الاوضه اشار لها ازار لمكانه
وجلسو امام شاشه العرض ذات حجم كبير
ايلول : الله بقاا
واخذت الريموت وظلت تبحث عن قناه محدده الي ان وجدتها
فكانت قناه تعرض مسلسلات اسياويه مترجمه للعربيه
ايلول بحماس : هوا دا الكلام ليجدو انه سيعيدون بث مسلسل الورثه الكوري و الان تبدا اول حلقه له
ايلول ل ازار : اهو دا اول مسلسل كوري بدات بيه مسيرتي ف عالم الدراما الكوريه
هيعجبك اوي.
ما ان سمعت بدايه لحن المسلسل ظلت تقفذ : كيم تان ياعمري
واخذت تشير ل ازار : دا اسمه كيم تان ويبقا البطل بيقولوله تان
يبقا من عائله من غنيه بس هوا طالب في الثانويه لسا كان في امريكا وهناك هيتقابل هوا والبطله الي راحت تشوف اختها
وبعدها هيرجع كوريا وهتطلع البطله بنت الشغاله عندهم البطله اسمها اون سانج
وتبدا قصه الكفاح
لم يسمع ازار ايأ من حديثها فكان يركز علي تفصيلها بشرود
اخذت طبق المكرونه الخاص بها واعطت ازار طبقه : يلا دوق وقولي رايك الحاجه الوحيده الي بعرف اعملها وبتطلع جامده مني
ابتسم ازار واخذ يأكل باستمتاع
انهي طبقه قبل ايلول
وظل يتأملها لاول مره يأكل بأستمتاع لاول مره تظل البسمه مرافقه له لاول مره يخطو بقدمه للمطبخ فكانت كل لحظه يقضيهل معها هيا الاولي بلنسبه له فقد انارت القصر المظلم والهادئ دائما باصوات ضحكتها و غضبها وجنونها
ايلول وقد لاحظت شروده بعد الاعلان الفاصل للدراما : بتبصلي كدا ليه
ازار ببسمه : مفيش حاجه اي مينفعش ابص
ايلول بمشاكسه : لا ينفع بس لازم تدفع ضريبه الاول زاي سبيكه دهب او خاتم الماس اي حاجه من الكنز بتاعك دا
ولتضيف انا مش بحسد خااص
ازار بضحكه : واضح
ايلول : هوا مفيش حد عايش هنا غيرنا اقصد يعني اهلك فين امك ابوك اخواتك
اجاب ازار بنبره غامضه : مفيش حد عايش هنا غيري انا و ارغد
اهلي ماتو ومليش اخوات
اكتفت ايلول ب طرح الاسئله فقد وجدت في نبرته انه لا يريد الحديث عن هذا الامر
ايلول : هروح اعمل قهوه واجي دا انت عندك ماكينه الاكسبريسو
خمس دقايق وجايه
وتركته شارد في سوألها
وقد اظلمت عيناه ببريق انتقام وغموض
خرجت ايلول
وناولته كوب القهوه الخاص به
وجلست ترتشف القهوه باستمتاع وتلذذ
مر وقت ليس بكبير الي ان اندمج ازار في الدراما معي ايلول وظل يسألها عن ماذا سيحدث مستقبلا
تم عرض خمس حلقات للدراما
ثم جاء مسلسل اخر
ازار :اووف جايين يوقفو علي الحته دي
ايلول : هييجي بكرا هنكمله
حاليا هموت وانام
حملت صينيه الطعام الفارغه للمطبخ
وتقدمت لتغسلهم
ازار : الشغالين هييجو بكرا كفايه انك عملتي
ايلول : تمام
صعدو للاعلي
ونامت ايلول فور ان وضعت رئسها علي السرير
ولحقها ازار
*---- بغرفه ارغد و ساره
منذ لحظه دخولهم الغرفه وهما جالسان في شرفه الجناح
ساره تتأمل الطبيعه و تفكر في ماذا ستفعل مقدما فعليها المشي في مخططهم الي ان تحين اللحظه
هوا مينفعش الواحد يخرج ويغير جو
ارغد : تخرجي فين
ساره : اي حته غير القصر دا اي مبتخرجوش
نروح نخيم ف الغابه نطلع جبل مثلا
نقعد علي ضفه نهر اي زفت المهم نخرج
ارغد : ينفع
ساره : طب متخرجني
ارغد : مليش مزاج
ساره : يو بقاا، لتضيف اي خايف اهرب منك ومتعرفش تمسكني
ارغد بخبث : انا مبخفش
ساره : واضح
ارغد : تمام هخرجك ووريني هتهربي ازاي
ابدلت ساره ثيابها
واخذها ارغد وظلو يتمشون بعيدا عن القصر
الي ان وصلو لشجره رائعه علي ضفه النهر جلسو تحتها وضع ارغد صندوق الطعام امامهم
ظلت ساره تقفذ وتجري امام ارغد وانزلت قدميها داخل النهر
ظلت تبتسم وتلعب كلطفله الصغيره
بعد فتره جلست بجواره متعبه
: اخيرا تعبتي
ساره : دا انا هموت من التعب اعملي سندوتش بسرعه جعانه اوي
ارغد : انتي طفله يابنتي
ساره : ايوا انتاا اول مره تعرف
ليناولها ارغد احد الساندوتشات
ساره : يلا نقوم نتمشي قبل ما الشمس تغيب والدنيا تبقا ضلمه المنظر روعه
ارغد : اما اشوف اخرتك
ساره : زلني بقا علشان خرجتني
ارغد : يابت بطلي كلامك دا
ساره : لو سمحت امشي وانت ساكت عوزه استمتع ب الطبيعه الخلابه
ارغد : خلابه طيب
لتتعثر ساره في حجر امامها وتصرخ المأ
ارغد بقلق : وريني رجلك
ساره ببكاء : لا لا دي اتكسرت متلمسهاش بتوجعني
ارغد : اهدي بس وريني
ساره ببكاء ورفض : قولت ابعد
ارغد بعصبيه وغضب : ساره مسمعش صوتك
خافت ساره من نبرته
ليجدها قد لوت كاحلها فامسك بقدمها وعدلها بحركه سريعه جعلت ساره تصرخ من الالم
وفقطت الوعي بين يديه
--------
نكمل الحلقه الجايه
رايكم يهمني

#نوفيلا_مستذئبي
#الكاتبه _مي _ محمد