نوڤيلا مستذئبي 💜

تهديد

نوفيلا مستذئبي
الحلقه 5

افاقت ايلول بسبب اشعه الشمس الساطعه من شرفه الجناح
حاولت النهوض وهيا لازالت مغمضه العينان
لتشعر بيده تحيط بها
لكزته ايلول بيدها ظنها منها انه ساره
لتجد صلابه جسده المت يدها
ايلول محاوله فتح عيناها لاكن منعها ضوء الشمس المنعكس ليشوش روئيتها
ايلول : انتي نشفتي كدا ليه يا ساره اي بتشيلي حديد يختي
امسكت بيدها الممسكه بخصرها
لتتحدث بنبره مهزوزه : ساره لو مقومتيش دلوقت وسبتيني هعضك
ليفتح ازر عيناه بملل لتلك الفتاه التي لا تصمت ابدأ وايضأ نسبه غبائها عاليه
ازر ببردو : انتي مبتفصليش خالص ساره نايمه ف جناحها
ايلول وقد صمتت لفتره
ازر بقلق : ايلول انتي ساكته ليه
نظرت له ايلول وكأنها تتأكد من صحه ما سمعته
الم يكن كل هذا حلم
لتبدأ ايلول ب الصراخ
مما افاق كل من بلقصر
وقف ازار مصدومأ من تصرفاتها الغريبه
واقسم بداخله ان عقلها ليس بحاله صحيه جيده نظرا لتصرفاتها
ازار وقد فقد كل ذره في كيانه وبنبره جامده : اخرسي
ايلول وقد وجدت فارق الطول بينهم كبير وقفت علي السرير
ورفعت ابهامها امامه : بص بقا يا بتاع انتاا ايأ كان بقا كنت ذئب ولا بني ادم ولا سمكه حتي
كله الا انك تقرب مني فاكرني اي يا اخويا جاريه اشترتها انا مش هقبل ب الوضع دا
ازر وقد وضع يديه داخل جيوبه : شكلك نسيتي انك دلوقت بقيتي زوجتي زاي ما بتقولو
وانتي اصلا رفقتي فا انتي ملكي من يوم ما اتولدتي اصلا
المفرود تتقبلي الوضع وانا مقربتش منك علي فكره علشان عارف انك هتاخدي وقت علي لما تتقبلي الحقيقه دي
بس يبقا احسن لو تقبلتي الوضع بسرعه علشان صبري بدأ ينفذ
واكمل بهمس : انتي مشفتيش وشي التاني لحد دلوقتي
ايلول بتحدي و سخريه : اي دا انتاا ليك وشين صح ما انتأ ذئب و انسان هتوريني وش الذئب يعني ياريت ولله انا اصلا كان امنيه حياتي اشوف ذئب ودا الي خلاني اقرب من ارضكم
لتكمل بحسره
كانت تتقطع رجلي قبل ما اجي يابني ولله
ازر : هتشوفيه متستعجليش ياحببتي
ايلول بصوت يكاد يسمع : حبك برص يابعيد
ازار بغضب : ايلول
ايلول بتلطيف : بقولك ولله محد حبيبي غيرك يسطا
ازار بتشنج : اي اسطا
ايلول : ايوا ياحبيبي
ازار : مش مطمنلك بس خلي كلامي ف دماغك لو حاولتي تهربي هوريكي الجحيم ب عينك انا مبهزرش يا ايلول اتقي شري
نظره له ايلول وهزت راسها ب موافقه ومن داخلها تكاد تموت رعبأ
ليجدو طرقات علي باب الغرفه
وكان صوت ساره القلق من صراخ ايلول
----*
استيقظت ساره و ارغد علي صرخات ايلول
ساره : ينهار كحلي أكل ايلول
ارغد بدهشه من غبائها : انتي هبله يابنتي
ساره وهيا تجري ناحيه الباب : أكل صحبتي أكلها خلاص
لتجد ارغد امسكها من ياقه بجامتها : رايحه فين كدا
ساره : اشوف ايلول طبعا انتاا مش سامع صريخها ياترا صاحبك المتوحش دا عمل ليها اي
ياحظنا الزفت
دي لعنه الفرعنه اتجسدت فينا انا عارفه
ارغد : طب غيري هدومك واطلعي مش هتطلعي كدا ساره ناظره لملابسها : صح هغيرهم بسرعه احنا هنيجي هنا وننحرف
وتركته ودخلت حجره الملابس
ارغد بتفكير : اكيد قتلهاا اصل الاتنين دول وجودهم كارثه علي الارض
بعد عده دقائق خرجت ساره مرتديه حجابها بعشوائيه
خرج وراء اثرها ارغد محادثأ نفسه : دي مفيش عقل خالص
وقفت امام باب الفاصل بينها وبين ايلول واخذت تطرق الباب
ساره : ايلول افتحي انتي كويسه
وقلقت لعدم رد ايلول
كلك صح ياعيني عليكي
موتي وارتحتي وهتسبيني لوحدي بين المستذئبين
لتجد ازار فتح الباب ورمقها بنظره دونيه لغبائها هيا وصديقتها
ليقابل ارغد يقف يستند علي حرف السلم عاقدأ يديه ناظرأ بلامبالاه
ازار : خلينا ننزل نشوف القطيع احسن القصر اتملي اغبيه
ارغد : صدقت
دخلت ساره وقابلتها ايلول ينظران لبعضهم ببلاهه
ايلول : يقصدو مين ب الكلام دا
ساره : اكيد احنا انتي مشفتيش ازار ولا ازازه دا ايأ كان اسمه اي بيبصلي ازاي
انفجرت ايلول ضاحكه علي صديقتها وحديثها : يخربيت كدا انتي مسخره يابت ولله اساميهم فيها حاجه غلط ازار ارغد لافي
اي المياعه دي
ساره : جتهم البلا ف حلاوتهم ياشيخه اي يختي البياض دا دول ولا مصاصين الدماء
ولا العيون الملونه
ايلول : ولا الشعر حاجه استغفرالله العظيم يابنتي دول احلي مني
ساره : يختي انتصو ف نظرهم ملقوش غيرنا يخطفوهم
ايلول : دي لعنه الفراعنه يابت من يوم ما نقلو المومياء من المتحف القديم للجديد وزفوهم ف الموكب والنصايب نازله علي قفانا مش ملاحقين
ساره : معاكي حق يعني احنا كنا ناقصين لعنه فراعنه كمان مش كفايه عايشين ف ام الدنيا
ايلول : اللهم لا اعتراض
حتي حظنا كان نفسي اتجوز راجل كدا عندو سلسه شركات او ثري عربي حد مميز كدا
واكملت بضحكه شاركتها ساره : اتجوزت مستذئب وقائد قطيع معرفش اي كدا الجحيم
يعني احنا ف الجحيم حاليا
ساره بضحك : اتلم المتعوس علي خايب الرجأ وعيطو
ايلول بضحك : كدا هنغني لعمار حسني ونقلبها نكد وغم انا ممكن اقطع شراييني فيها
ساره : وعلي اي يسطا احنا ف الجحيم اصلا
لتدخل خادمه ومعها عربه طعام
ايلول غامزه لساره
ساره : هوا ممكن اسألك سوال
الخادمه : تحت امرك
لتشير لها ساره علي ذالك الباب الخشبي : هوا ليه الحته دي مفهاش حرس كتير
الخادمه : الباب دا فاصل بين الغابه الخارجيه وبينا وفيه حيوانات مفترسه كتير برا ف اي حد بيحرس هناك بيتأكل
ف بتلاقي عدد قليل لان محدش بيتجراء يروح هناك اصلا المكان خطر
ساره وهيا تبتلع باقي الكلمات : اه تسلمي
وتركتهم يعيدون التفكير
ايلول : ساره احنا هنهرب من هناك
ساره : هنتأكل انتي مسمعتيش
ايلول : كدا كدا احنا ميتين نموت واحنا مستسلمين ودا يعتبر انتحار ولا نموت واحنا بنحاول نعيش
ساره بأقتناع : معاكي حق احنا نتأكد انهم نامو ونهرب
ايلول : بطلي غباء حتي لو الحراس قليلين لسا فيه حراس بردو
لازم نستني لحظه مناسبه ويبقا المكان فاضي نهرب
ساره : هنقعد نستني ل امتاا
ايلول : مش عارفه بس اكيد قريب هيحصل اي حاجه
---* في مجلس القطيع
يترئسهم ازار و بجواره ارغد
تحدث احد الاشخاص : علينا بلتحرك هم يسبقونا بخطوات
هجمو علي معسكر القطيع الشرقي
وقتلو عدد كبير منهم
ابتسم ازار بخبث ونظره وكأن ابواب الجحيم فتحت : امممم اظن انه علينا ان نرد الصاع صاعين لعمي العزيز ولافي
-***
نكمل الحلقه الجايه
هستني رائيكم
#نوفيلا_مستذئبي
#الكاتبه_مي _محمد