أريد رجلآ

ج٣

ولانك تصمت أحيانا يظنو انك لاتشعر مرات هواي الناس الحواليك يسمعوك حجي ويأذوك بي اي يتنمرو عليك الناس بمجتمعنا واللي مااعرف ليش يبحثون عن نقاط ضعفك عمود يستغلوها ويبدأون التنمر بيها وتكون كلمة صغيرة منهم جرح يدوم مدى الحياة.

بعد ماكملت شغلي رجعت للبيت وبالطريق امي خابرتني وعرفت من صوتها انو هي مزعوجة مني لأن طلعت وهي حايرة بزعاطيط الفريق الي يظلون يتعاركون طول اليوم وهي متعرف شون تصرف وتجي سالي تتعارك ويا جهال اخواني لأن متعاركين ويا جهالها ..

صابرين: الو...هلو ماما شلونج ..

هلا ..يعني شوني شتعرفين راسي رح ينفجر من ورا الهوسة الهنا شوكت تجين ..

ليش ..خير شنو صاير مرجعت سالي ؟

لا خطية ..سودة عليه بالي عليها مثل النار ادك عليها متشيلة بس لا بيها شي..

صابرين: لا ماما اطمني مابيها شي ..

اني قلبي مقبوض ..ولج اخاف لاصاير بيها وانتي باردة هيج..

صابرين : لان ماما قلقج ماله داعي هسة تلاكين بنتج جايتج وعرج مايطكها..

لچ انتي عليمن هيج حاقدة طالعة ..اكو وحدة تحقد ع اختها..

صابرين: ماام اني بالطريق راجعة من ارجع كملي كلامج عود ..

شوفي شلون معجبج كلامي ..
طبعا تعرفين نفسج غلطانة من ساسج لراسج..

صابرين: يووووم ..مع السلامة..

دائما امي من يجي ع بالها رزالة كلام يغث ماتنتظر ارجع لازم تخابر وتسمعني كم كلمة تغثني بيها ..

صرت حاسة نفسي ملطشة العائلة اي شخص مضغوط تعبان مريض يطلع حركته بيه ..

التفت سايق التكسي وضحك ..

الظاهر حجيتكم مثل حجيتنا متصبر الا تقول الي بقلبها..
حركت تلفوني ..وابتسمت واني بالي معقول صوت تلفون عالي وسمع حجي أمي ..

وصلت للبيت وصوت أمي طالع للشارع والجهال الي يبجي واللي يتعارك وامي بعد شوي تنفجر ..

كأنو البيت بي حرب واني داخلة ابوية خابرني وقال اني مرح ارجع حسين قال جهاله بالبيت واكيد البيت فوضى صاير..

واني فايته سلمت ع ابوية وامي بدت صياح ..

اي انتي وابوج مزاجكم برتقالي طلعو سيرو وطيرو واني بهالقبر كاعدة لاطبة لاطلعة

الي تتونس شامره جهالها ..
واللي تروح طبيب بقي جهالي..
واللي اهلها ميحبون هوسة واحفادج يحبوج ومقشمريني بهالكلمتين ..
الله ياخذني واخلص ...

دارت وجهها واني في ذهول ونفس الوقت حجيها عصبني ..
مسلمت ..عود هي زعلانة ..
مااعرف ساعات احس ان ذولة جهالي واني مجبرة اتحملهم واسكتهم ..
جان البيت مهجوم بمعنى الكلمة بس جتي العمة الشريرة والخاله العانس بس ضابطة البيت كلة ..