أريد رجلآ

ج٨

تحسبونه هينآ وهو عند الله كبير كله ولاكسرة النفس والخاطر اول ماشفت ابوية داخل وباايدة زوجته الجديدة او هي مكانت جديدة عرفت كسرة أمي وزعلها چان بسبب هالموضوع ..

عادل: زين ملتمين اعرفكم ع زوجتي أم جوان .

صابرين: چنت حاسة تصرفات ابوية مكانت طبيعية طلعاتة وطباته وتصرفاته عنايته بنفسه الي أمي چانت دايما تتعارك ويا عليهم واني چنت اضوج من أمي اگول هي مبهذلة روحها وتريد أبوية هم يتبهذل ثاري كل هذا عمود الخاتونة ..

عادل: شبيكم واگفين تعالو سلمو ع خالتكم ..

محد تحرك الكل تبسمرو مثل التماثيل الا المنافقة سارة ركضت سلمت على ابوية وزوجته وع نفس كعدتنا كعدو ويانا وعم الصمت المكان الى ان ابوية صاحني ع انفراد ..

تعالي بابا صابرين اريدج..

احمد اني هم جاي
ابراهيم وخليل انتو هم تعالو ..

يابنات دير بالكم ع مرة عمكم..

سارة : اي بعيونه عمي ...

عادل : تعالو فوتو ....
خليل سد الباب وراك ...

اعرف بيكم تفاجأتو واني چان لازم ابلغكم قبل لااجي بس صارت ضرووف خلتني هيج افاجئكم..

صابرين: هي من جهة مفاجأة فهي مفاجأة ..
بس ليش مگلتلي يابابا چان شفتلك وحدة تناسبك ونعرفها ..

عادل: أني وام جوان عشرة عمر ..

صابرين: هههه بهاليومين صرتو عشرة عمر بابا انتي امي عشت وياها ٤٠سنة ماصرتو عشرة ام جوان الي يومين تعرفوها صرتو عشرة ..

عادل : صحيح اني وامج عشنا ٤٠ سنة سوا بس أمج لاعرفتني ولا ارتاحيت وياها وأمي الله يرحمها مقبلت لااطلگ ولاازوج وصرتو ٧ يعني ماكو مجال ابد ..

صابرين: شنو لازمة هالحجي بابا امي وجديتي ماتو يعني مو شايف الحجي ماله داعي ..

عادل: اني متزوج من زمان وامج تعرف..

صابرين: شنوووو..يعني امي تعرف انت متزوج عليها وساكته واني اگول أمي ماتت بحسرتها ودمعتها ع خدها ثاري انت متزوج عليها مااتحملت .

عادل : صااااابرين.. اني متزوج هاي المرة صار ١٥ سنة ..

احمد: شننننننو... شوكت وشلون وليش منعرف..

عادل : بعد ماتوفت امي الله يرحمها واني وامكم حياتنا صارت لاتطاق لاتفهمني ولا اكدر ابقى وياها ..گلتلها هذا بيتج وبيت جهالج ورح ظلين معززة مكرمة بس اني رجال وعمري كله خلص واني مو راضي ..

صابرين: اذا انت عمرك هسة ٧٠ يعني جان عمرك ٥٥ وزوجت يعني مو صغير وجان عندك احفاد ..
دم امي برگبتك واني مادام هاي المرة بالبيت اني ماابقى بي ..