أريد رجلآ

ج٣٨

وانت بنهاية المحطة وگاعدة تنتظرين نصيبج ومأجة لاتحزني لاتيأسي لاتركبين قطار مرح يوديج لبر الامان رح يوديج لمكان عمرج بحياتج ماتخيلتي رح تعيشين بي لذا نصيحتي الچ ابدا لاتركبين القطار الخطأ حتى لو بقيتي وحيدة صدگيني مرح تكون صحبة بعض الناس نهاية لوحدتج رح تكون سجن تتعذبين بي لوحدج ومرح يرحمج ولا يكون احسن من سيارتج وحريتج لاترضين بالاقل ورب العالمين يكتبلج الاحسن دوما ..

صابرين: خلينا نرجع للبيت ..

ليش مو وصلنا هذا محل حلويات اشتريلج ..

لا بطلت مااريد ..رجعني للبيت وروح جيب زينة ..

شبيچ ؟

مابية بس لعبت نفسي ودخت خل نرجع حارة الدنيا ..

ماشي ..اوديج طبيب ..

لأ..بس رجعني للبيت رحمة لاامك ..

شبيج ..فجأة انكلب لونج خل اوديج مستشفى نزل ضغطج ..صابرين ..شو صار بيج ..

ماااابية گتلك بس رجعني الله يخليك ..

حاااضر..حاضر ..

طول الطريق والعبرة خانگتني ليش ياربي خليتني اوصل هالمستوى معقول العيب بية أني ..اخلي ناس تلعب بگلبي ومشاعري وتتركني بنص الطريق ليش كل يوم انعاف وانترك مثل الچلبة الجربانة الي حب غيري واللي شخصيتي مو مناسبته واللي تركني بالمنتصف لا أني حبيبة ولا الي مسمى بالگوة چنت ضامة دموعي ..

فتحت الجامة رغم جو حار مااريد تنزل دموعي ويشوفها كرار ..

كرار: مو فاتح تبريد ..

لا طفي خليها مفتوحة خاف استرجع ..

اوگف سيارة ترتاحين شوي خاف خضة سيارة اذتج ..

لا كرار اني اعرف نفسي هسة ارجع اغسل وانام من اگعد افك ..
انت ذبني يم البيت وروح جيب زينة ..

خل اجيبلكم غدا ..

ذبني وجيب انت وزينة بس خل اوصل ..

اول ماوصلت للبيت نزلت سديت باب سيارة وركض للبيت ..

فتت للحمام كرار خاف بية شي توني دا ابچي ..
سكتت فتحت البوري ..

كرار ..روح جيب زينة مابية شي ..

يمعودة خاف متسممة امشي اوديج للطبيب..

گتلك مابية شي روح زينة لاتخليها تنتظر ..

ماشي ..هسة عالسريع اجيبها وارجعلج ..

كملت غسل بسرعة وصعدت فوگ بدلت ونمت ..
سمعت صوت كرار وزينه جوا..

روحي شوفي خالتج خاف بيها شي ..عمود موجود اوديها ..
يلة صعدي ..

سويت روحي نايمة ..

خالة ..خالة..

ها زينة حبيبتي ..مابية شي روحي غسلي وبدلي اني رح انام شوي عمود ارتاح ..