أريد رجلآ

ج٣٥

ولدت وحيدا وعشت وحيدا ،حزنت لوحدي كنت خلف الجدران البالية اخفي شعوري كنتم حولي ولستم حولي ،كنت اتألم وتروني بلا دم، جرحت،بكيت ندمت ولكن الوقت قد فات وان معاد الفراق أت ،كنت اود ان أخبركم أنني كنت هناك لم اكن شفافا كنت مرئيا جدا لم اتكلم فالضجيج حولي يحبس صوتي ورويدا رويدا حبس نفسي ورماني في ظلمات اليأس قررت ان ارحل بعيدا عن عالمكم الظالم المعتم المليئ بالانانية والظلم لن اسامحكم أبدا..أبدا ..

صابرين : جنت حيل متحمسة اليوم لطيفة جتني من الصبح وشاركتني فرحتي كرار مارجع لسة ولاخابرني شنو راحت علي نومة احنا اتفقنا ..

دگيت علي ميرد ، عفتة احتمال زعلان ..
اني كل الهامني ذولة الطفلين خطية راحو بالرجلين ..

بدلت وحتى تريگت نص ريوگ وركبت سيارتي وطلعت ومفكرة وين اخذ الجهال عمود نتغدا وارجع ارتب غرفة لطيفة ليزن واني وزينة سوا ..اي سوا أحنا بنات ..

چنت طايرة من الفرح بس داخلي غصة ماعرفت شنو هي حتى حچيت بسري وگلت لروحي تعلمت ع الحزن والالم لهذا خايفة افرح ..

وصلت للبيت چان ناس متجمعين قريب بيت حسين مااعرف شنو صاير نزلت وتجاهلت وگفتهم وفتت دا ادگ الباب صاحني ولد ..
خالة وين رايحة ..

صابرين : هذا بيت ابن عمتي ودا ادگ عليهم ليش خير انت منو ؟

اني جيران بيت ابو زينة والبارحة بالليل الاسعاف طبگت يم بابهم ..

ليش خير منو منهم وگع ليش ..

الجهال خطية گالو متسممين ونقلوهم لمدينة الطب ..

مااعرف شنو صار بية بس ذكريات مرت من كدامي سالي وهي توصيني عليهم ..
امانةالله ياصابرين دير بالچ ع جهالي مالي غيرج ومالهم الا انتي لاتعوفيهم رحمة حسين مو گدها..

صوت عمتي وهي تكلي لحكي ولد اختج رح يضيعون ..
حتى صوت حسين وهو يريدني ادير بالي عليهم مشيت متخبطة مااعرف شبيةوالولد بعده يصيحني خالة ..خالة شتصيرين منهم ..
خالة ..

اني مااستاهل الكلمة هاي ..لا يربي لاتعاقبني بيهم يارب ..

يارب جنت امشي بسيارتي بالشارع وابچي واصرخ يارب..يارب ..فدوة لعينك لاتفجعني بيهم ..يااارب ..

وصلت للمدينة ركنت سيارتي بالكراج وركضت للطوارئ مااعرف شون اجمع الكلمات وبعدين سألت وبعدين كالو ذولة الاخوان الاثنين خطية نقلوهم دار تمريض ..

رحت ركض من مستشفى لمستشفى لما وصلت وسألت عليهم ...
جان كرار واحلام وحسين وشذى واگفين ..ركضت وصحت وينهم وينهم الجهال لزمت شذى خنگتها كتلتيهم ارتاحيتي كتلتيهم ..

حسبي الله ونعم الوكيل عليج ماعفتيهم يجوني ليش كتلتيهم ..

كوة خلصوها من أيدي..واحلام كالتلي استهدي برحمانج خل الجهال يگومون بالسلامة ونفتهم شبيهم ..