أريد رجلآ

ج٤١

أصعب شعور على الأم انو تشوف اولادها سعيدين ومرتاحين فتخاف تقلق سعادتهم تخاف ع استقرارهم تخاف من نظرة الناس والمجتمع تخاف تواجه مخاوفها بس بالنهاية ليش نسميها حياة ، الحياة خلقت عمود نعيش ونستمتع والزواج وجد عمود الانسان يحس بالاستقرار مو يگضي حياته بالخوف والشك بس مع هذا لمن نختار اسباب للبقاء لازم نشيل الخوف من حياتنا ونتقبل الدنيا شكاتبة النا احداث ونحمد رب العالمين بكل الاحوال هذا قدرة وهذا قضاءة وهاي مشيئته لاتخافي واجهي ومن تواجهين خلي بالج شغلتين الاولى ممكن تنتهي علاقتج الزوجية ولازم تكونين محضرة بعد الطلاق شرح يصير او تواجهين وتكونين مجبرة تتحملين هذا الخطأ عمود اولادج عمود ماعندج بديل او خوفا لا اولادج يضيعون بهالمجتمع والسبب امهم المطلقة بس اذا السبب مو منج وهو اختار يهدم بيته فهذا ابد مو بسببج وتحسبي الله وكوني قوية عمود تواجهين المجتمع..

هواي ايام مااگدر انام اظل افكر والحسرة تكتلني خايفة انصدم يوميا افكار تودي وتجيب ..
دگ التلفون ..
الوووو..
الووو..هلو اسماعيل ..

الله يساعدج شونج ..

الحمدلله ..انت شونك مكملت شغل ..

لازم اشتاقيتيلي..

اي كلش ..

ان شاء الله مامطول تريدين شي اجيبلج منا ..

لا سلامتك ..

زينة شونها اخبارها دتدرس زين لو تزاغل ..

لا الحمدلله دتقرا ..ودا اوديها للدروس ان شاء الله تبيض وجهنا يارب ..

أن شاء الله ..يلة روحي نامي تأخر الوقت ..اني هم اروح ..

هيج بسرعة شعندك مرح تنام ..

لا والله جماعتنا سهرانين رح أكعد وياهم شوي ..تريدين شي ..

لا عبالي شوي احچي وياك ضايجة..

ليش ضايجة ؟

لا هيج مو شي مهم روح جماعتك ..

انتي اهم من جماعتي شبيج ..

مابية ..

دااحجي ..ضايجة بالشغل بالبيت ..

لا مااعرف ..ضايجة وبس ..

ليش ما بنهاية اسبوع تاخذين زينة وتروحين تزورين اخوتج وبالمرة اخذي زينة خ تشوف عماتها ها ..خابرني كرار يريد ياخذ زينة بااجازة نصف السنة يريد يروح للشمال  ..

وانت شكلتله ..

گتلة اسأل خالتها واسألها اذا ماعندها دروس عمود تروح وياك ..

زين سويت ..اني گلبي يلعب منه مامقتنع  ببقاء زينة يمنا ..خاف ياخذ البنية واني اظل محتاسة كله سادس ومتكدر تطلع كافي بهذلة ومشاكل ..

خلص روحي لعماتها وگوليلهم هالحجي ..عمود يحسب حساب مايلهي بنية ..

لا اسماعيل شيوديني هم تعرف شون ماخذين موقف مني ..