أريد رجلآ

ج٣١

لماذا نحن ضعفاء لما دوما كبريائنا ومهما كنا ع قدر من الحكمة يحطم اواصر الحب والوئام في حياتنا ونصبح نحن والذين اذونا في كفة واحدة والضحية شخص خارج هذه اللعبة وخارج انا وهم في ..

بعد معرفتي المعلومات عن شذى صرت اراقبها عمود اعرف وين تروح وين تجي ظليت تقريبا شهر لحد مااجه اليوم الموعود شفت شذى بسيارتها ركنت كدام عمارة وتمشت ويا ولد منو هذا ..اكيد هذا الولد كالت علي زينة ..والله وگعتي بالفخ يا شذى ..

احسن شي اصورها عمود اكشفها بس خل اشوف وجهها بس اخلي الصور بيد حسين ..صورتها وماانتظرت رأسا اتصلت ع حسين وطلبت اشوفه ..
وحضرت كوم كلام ..

حسين: هاا..صابرين خيرج متعبتي يومية رافعة دعوى عليه ..

صابرين: انت تعرف اني اهم شي عندي جهال اختي ..

حسين : دام مهمين ليش من طلبت منج تبقيهم مقبلتي ..

صابرين: انت تعرف وضع خليتني بي ...

حسين: هذا حقي واخذته ..

انت تعرف ان هذا مو حقك ..ولطيفة فلوسها اكثر من حقك انت ومرتك ..
وهاي الفلوس الي انقهرت عليهم جان صرفتهم عالقمار بدون ميرفلك جفن ..

بس الموضوع والحچي ماله لازمة ..

اني دا اطلب منك اخذ الجهال يمي انت ماموجود طول للوقت من تنزل من الواجب تعال اخذهم ..

يعني قصدج انتي متأمنين بشذى فوك راسهم ومصرة طلعيها مو زينة ..

صابرين : انت تعرف مرتك لاتكعد بيت ولا متفرغة للجهال ..

يعني انتي المتفرغة ..

شنو قصدك ؟
قصدي اللي بيته من زجاج لايشمر عالناس حجار ..

احترم نفسك اني اشرف منك ومن عشيرتك انت ومرتك الي مدري مين جايبها ..

لو مو كاعدين مكان عام چان علمتج شون تحجين عليه وعليها ..

بدون مااحجي عليها ممحتاجة ..
باوع هذا الفيديو واسال مرتك شسوي بغيابك ..
طز بيك وبيها بس اني مااخلي جهال اختي ويا وحدة منحطة واب مامتفرغ يحمي بيته ..

هاي شنو..ومين جبتيه ..مين جبته المهم عرفت مرتك شنو واذا منطيتني الجهال لا اقدمه للمحكمة واخلي فضيحتك بجلاجل ..

حسين: اني اللي رح اخلص عليها بنت الكلب ..

صابرين: هذا الشي محسبت حسابة جانت النار بعيونه ..
وركض ركب سيارته وللبيت ..
واني لحگته ..
وصل للبيت وفات مثل الصاروخ وصياح من راس الشارع ..

شذذذذذذذذذى..

خير ..شكو شنو السالفة ..

اليوم اخلص عليج ياخاينه ..

ع كيفك حسين فهمني شنو السالفة ..

افهمج...اليوم اصمط ابو ابوج..