أريد رجلآ

ج٢٠

صار يومين اريد اكتبلكم بارت ومترددة ،مترددة لأني واني اكتب مثلكم تماما يعني اسمع من البطلة واكتب الكم بارت واظيفة للقصة واللي حچتليا البطلة حيل احزنني ومااريد احزنكم بس حرصا مني عالمصداقية والواقعية والتداخلات الي ادخلها بالقصة مرح ازين الوقائع ولااكتبلكم شي مو حقيقي لأن الغرض من القصة نساعد البنات المقبلات ع الزواج الاختيار الصحيح للشريك ونفهم المتزوجات من خلال القصص شنو يخلي قصص الحب والزواج تنتهي بالطلاق ونحاول نصلح الاخطاء فتشجعت ورح ابدي اكتبلكم  نبدي البارت بسم الله الرحمن الرحيم

......
٢٠٠٦
كرار: يوووم اني جايبلج شي رح يفرحچ..
سليمة : خير يمة ..رح ترجع تكمل دراستك ..

كرار: يوووم ..يادراسة ..شي ثاني ..
سليمة: خير يمة ماتحچي ..

كرار: يوووم انتي مو رح تزوجين حسين ؟

أي يومة ان شاء الله..

ماتزوجيني اني هم ويا ...

ههههههه..ولك يازواج وهاي ياهي تاخذك ..لا شهادة لا شغل لك لحد هسة تاخذ مصرفك مني ومن ابوك ...

كرار: اني رح اشتغل اطلع للمسطرة اشتغل عمالة ..اطوع للجيش ..اشوف حسين يشوفلي وضيفة ..

ولك يمة انت شغلة ماتعمر بيها طبعك حامي ومتتحمل الاوادم ..والجيش ولك اني حسين ينزل واحط ايدي ع گلبي الدنيا مو زينة ليش تكسر گلبي عليك ..

كرار: يمة ..اني رح اتخبل ..زوجوني ..احسن ..واني ادبر اموري ..

سليمة : وانت من تگول زوجوني ماتگول مين تجيب مقدم وذهب وحفلة وصالون وعرس ماتشوف اخوك حاف ومات يلة جمعلة كم فلس واحنا ساعدنا ..تعرف اهلك ع كد حالهم ..

كرار: يوووم ..صابرين رح تروح من ايدية ..وانتي تقوليلي انتظر ..يوم اني هي بذاك البيت واريد اخطفها احبسها مااريد تطلع وتطب اريدها مرتي عمود كلمتي تصير فوكاها متكدر تحجي..

سليمة : شنوووو...صابرين ..ولك اني ردتها لحسين امها كالت البنية دتكمل دراستها وحسين بالجيش والاوضاع مو زينة ولو مو اخوية چان حتى سالي مرضى ينطينياها ...

ليش يمه أحنا شبينا هم بشنو احسن منا ..

يمة هم احسن منا بهواي واخوية لما يحبني ماينطي بناته ..

هاي انتي گلتيها ..يحبج وينطي بناته..كوليلة ع صابرين ..واذا يحبج صدك رح يقبل ...

سليمة : كرار ..حتى لو قبل اني مااقبل اني مو تالي عمري ازعل اخوية واذل بنت اخوية لأن انت حاب ..

كرار: لچ يمة احبها..احبها والله مامتخيل حياتي بدونها يمة تريديني اكتل زلمة يلة ترتاحين ..

سليمة: لك يمة شتكتل ويا زلمة قصدك ..

كرار : يمة صابرين اذا زوجت غيري مااخليها تبات متزوجة الا اخليها تصبح ارملة ..