أريد رجلآ

ج٥

حدس المرأة دائما على حق ولااقصد بذلك شكج اليومي المعتاد بدون تفكير اذا كنتي امراة عقلج هو اللي يقودج فحدسج اكيد دائما على حق الزوجة او الحبيبة الي تحب بعقلها قبل قلبها هاي زوجه حبت التفاصيل قبل حبها لجسد وشخصية واقصد بذلك تفاصيل الدقيقة واللي ذاكرتج ابد ماتمسحها  ..

زينب : ورا زواجنا بثلاث اشهر تقريبا لاحظت او غيث وجهة نور اختلف شكله كام يضحك ويتشاقى ويحب يطلع ع العكس من اول ماتزوجنا رحنا اسبوع تركيا وضاج وكالي اشتاقيت لخواتي وامي خ نرجع ومن رجعنا حياته صارت دوام وبيت حتى اهلي عمتي توديني وتجيبني جان نادرا مااحسه فرحان حتى لمن كتله اني حامل كان فرحه مفتعل ومو الفرحة ينتظرها كل اب جنت دائما اقنع نفسي ان هو مدلل وممتحمل مسؤولية اكيد بس اولد كل شي رح يتغير بس ورا فترة تغير وحتى كام يسهر جان وقته عللتلفون واني مااهتميت كان تعامله وياي غير وحتى علاقتنا الزوجية قوت فات وقت وظل بهذا المزاج لحد شهر السابع ..جاني اتصال ورديت جانت اسماء مااعرف ليش اول مسمعت  صوتها ضاق نفسي ومااعرف ليش ضجت ..

سالتني عن احوالي وعتبت علية لأن ماعزمتها ع عرسي وانو هي فرحتلي وتتمنالي السعادة بس قلبي ابد مجان مرتاح ..

وظلت تتصل يوميا بيه وتذكرني باايام الجامعة وشون جنا وتحاول من بعيد تذكرني شون جان غيث ..
بنص هذا الكلام كان لازم اردها واعرفها الحياة الي هي تركتها وانو غيث مااتقربلها اتقري لاافكارها الي جنت اني اوجههة اله وبنص حجيها الي جانت تريد تعرف اخبار عني سالتها عن حياتها الزوجية وشونها ويا اولادها جاوبتني اني حيل سعيدة متعرفين جكد زوجي يحبني ومدللني وحاير شيسويلي وشايلني وشايل الجهال ..

المهم حسيت بغبطة داخل صدري انو اني تزوجت واحاول ارضي غيث عمود اشوف ابتسامته واشوفه فرحان بيه وبالحمل جاي ..

بس مشفته ولاحصلت ع نظرة رضى رغم دائما يقولي اني راضي عنج اني احبج ..

بس الشكوك دائما تساورني ..
كل مرة تتصل بيه اسماء جنت احاول اخبي واظم لحد بيوم جنت نازلة اكمل شغل وصعدت لأن نسيت شي واني صاعدة سمعت غيث يحجي ويا اسماء ويرزلها لأن تتصل بيه وحسب معرفت انو ضميرة انبه وقرر يكطع علاقته بيها وميدخل بخصوصياتها ..

وهي من صار هيج كامت تخابرني كنوع من التهديد اله ..

مااعرف شصار بيه مااعرف اصيح ابجي اطلع من البيت ..
بس لأني انسانة عاقله قنعت روحي ان هي دخلت دتخرب بينا وحسب ماسمعت ان علاقتها بزوجها سيئة وهو ابو نسوان ويشرب اضافة لذلك كاعدة ايجار ..

سويت نفسي مااعرف وبعدها مااتصلت بيه ولاشفت نظره الفرح بعيون غيث لحد مولدت ابني علي فرحت هواي ان بيني وبين غيث صار رابط وجنت متأملة حياتي تتغير  للامانة اهل غيث وخواته طارو بعلي كأنو ماكو حفيد غيره وحارو جابو هدايا وحتى مخلوني اروح لااهلي وعمتي قبل لااولد فتحت غرفتي ع غرفة ثانية عمود ابنا واثثته للطفل الجديد..