Uni#နွန်းထမင်းစားပွဲတွင်ထိုင်ကာလွန်းကိုစောင့်နေလိုက်သည်။
ခနအကြာလွန်းကဆင်းလာပြီးဝင်ထိုင်ကာအေးဆေးလေးစားနေသည်။ သူ့ကိုနဲနဲတောင်အဖက်မလုပ်။"ဟို...လွန်း..အကိုမသီရိကိုကားဂိတ်လိုက်ပို့ချင်လို့"
သူပြောလိုက်တော့လွန်းကအစားမပျက်ခေါင်းညိတ်ပြသည်။
"ရပါတယ်။ ခင်ဗျားမှာလွတ်လပ်ခွင့်ရှိတယ်။ ကျွန်တော့်ကိုခွင့်တောင်းစရာမလိုဘူး။..... တစ်ခုပဲ...."
သူလွန်းရဲ့စကားကိုစိတ်ဝင်တစားနားထောင်လိုက်သည်။
"ကျွန်တော့်ရဲ့ခင်ပွန်းအနေနဲ့အနေအထိုင်တော့ဆင်ခြင်ပေး"
"....."
လွန်းကသူ့ရဲ့ဂုဏ်သိက္ခာကိုတန်ဖိုးထားတယ်ဆိုတာသူမေ့လို့မရတဲ့အချက်တစ်ခု။
"အင်း...."
သူလည်းဘာမှဆက်မပြောဖြစ်တော့။ တိတ်ဆိတ်နေတဲ့ထမင်းဝိုင်းလေးကအတွေးကိုယ်စီနှင့်သာငြိမ်သက်သွားခဲ့သည်။
ဒီလိုအေးစက်မှုမျိုးကိုမှန်းဆထားပင်မယ့်တကယ်ကြုံရတော့
မသက်သာလှ။ နွန်းအတွက်အချစ်တွေကအသွားအပြန်တော့ရှိမှာပါလေ............။+++++++++++++++++++++++++
"အင်း....ကျွတ်...ကျွတ်..ကျွတ်.. "
ကြယ်ယံမျက်လုံးမဖွင့်နိုင်လောက်အောင်ခေါင်းတွေထိုးကိုက်နေသည်။ မနေ့ကအရှိန်များသွားသည်။
"သခင်လေး...နိုးပြီလား...ကျွန်တော်သခင်လေးအတွက်
သံပုရာရည်လေးဖျော်ပေးထားတယ်"ကြယ်ယံထလိုက်တော့Leonကလည်းကူထူပေးသည်။
ကုတင်နောက်ကိုခေါင်းအုံးလေးခုပြီးမှီထိုင်လိုက်သည်။
Leonပေးတဲ့သံပုရာရည်ကိုအကုန်မော့သောက်လိုက်တော့
ခေါင်းထဲတွင်နဲနဲတော့သက်သာသွားရသည်။
သူLeonကိုပြန်ကြည့်လိုက်တော့ပန်ဒါမျက်လုံးများကိုအရင်မြင်လိုက်ရသည်။"Leon...ညကမအိပ်ဘူးလား??မျက်ကွင်းတွေလည်းညိုလို့"
Leonဘယ်လိုပြန်ဖြေရမလဲစဥ်းစားနေမိသည်။
သခင်လေးသီချင်းတွေအကျယ်ကြီးအော်ဆိုလို့မအိပ်ရသေးတာလို့ပြောရမလား??သခင်လေးဖွတဲ့အမှိုက်တွေလိုက်သိမ်းနေလို့မအိပ်ဖြစ်သေးတာလို့ပြောရမလား??သခင်လေးရဲ့ရစ်မှုတစ်သိန်းကြောင့်အိပ်မရတော့လို့ပြောရမလား??
ဘယ်ကစပြောရမှန်းမသိတော့။
YOU ARE READING
With Full Heart
Romance"တကယ်လို့ငါသာအချစ်အကြောင်းသိနေခဲ့တယ်ဆိုရင် .............အဲ့ဒါမင်းကြောင့်ပဲ"