အပိုင်း(၁)....💞 (Unicode)ညအချိန်လမ်းမကြီးဘေးမှာ ၆ နှစ်အရွယ်ကောင်လေးတစ်ယောက် ငုံ့တုပ်လေးထိုင်ကာငိုနေ၏..
လမ်းသွားလမ်းလာ မည်သူမျှမရှိတော့သည့်အချိန်ဖြစ်ကာ လမ်းမီးတိုင်၏ ဝါဖန့်ဖန့်အလင်းရောင်အောက် တစ်ယောက်ထဲအထီးကျန်နေသည်..
ကောင်လေးငိုနေစဉ် လူတစ်စုလမ်းလျှောက်လာသည်နှင့်တိုးလေ၏..
ထိုလူများက ၃ယောက်အဖွဲ့ မူးယိုင်နေကာ ဆေးသမားများပုံစံ...
ထိုလူ၃ယောက်က လမ်းဘေးမှာထိုင်ငိုနေတဲ့ကလေးလေးအားတွေ့သွားကာ ခြေလှမ်းများရပ်တန့်သွားလေသည်...
" ဟျောင့်တွေ..ဟိုမှာကလေးတစ်ယောက်ကွ "
" အေးကွ သူ့ size ဆိုရင် စျေးကောင်းကောင်းရနိုင်တယ် ငါတို့ဆေးဖိုးရတာပေါ့ "
သူတို့ပြောသည့် ဆေးသည် မူးယစ်ဆေးပင်..
ထိုလူ၃ယောက်က အကြံဥာဏ်ဖြင့်ထိုကောင်လေးအနား ချဉ်းကပ်သွားကြ၏...
" အီးဟီးဟီ..အဟင့်..အီးဟီး..."
" ဟေ့ ကောင်လေး..
မင်းဘာလို့ငိုနေတာလဲ "
" သားလမ်းမှားလာလို့ပါ..
ဘယ်သွားရမလဲမသိတော့လို့ "
ထိုကောင်လေး၏စကားကိုကြားလိုက်ရတော့ လူ၃ယောက်က အချင်းချင်းကြည့်ပြီးခပ်မဲ့မဲ့ပြုံးနေကြသည်..
" ဦးတို့လိုက်ပို့ပေးမယ်လေ "
" ဦးလေးတို့ကဘယ်သူတွေလဲ လူကောင်းတွေဟုတ်ရဲ့လား.."
အမေ့ရဲ့သွန်သင်မှုအရ လူတိုင်းကိုမယုံဖို့ ဒီကောင်လေးခေါင်းထဲမှာစွဲမြဲနေပါသည်..
ယိုင်တိယိုင်တိုင်ဖြစ်နေတဲ့လူတွေကို ကောင်လေးမျက်လုံးထဲမှာ ယုံကြည်သောအရိပ်အယောင် တစိုးတစိမရှိပါ...
" ဟေ့ ကောင်လေး..
ငါတို့ကမင်းကိုရောင်းစားမယ်လို့ထင်နေတာလား..
တကယ်ကူညီမှာပါ "
ထိုလူပြောလိုက်သောစကားတွင် အဖြေကပါနေသလိုကြီး..
YOU ARE READING
ကျွန်တော့်ရဲ့ကောင်လေး(ZhanYi) COMPLETE
Fanfictionfb မှာ တင်ပြီးသားလေးတွေ ဒီမှာပြန်တင်ပါလို့ အသဲတွေကပြောလို့တင်လိုက်တာပါ😘 wp မှာလည်းတင်ပါပြီ ဖတ်ကြပါအုံးနော် ပြန်ဖတ်ချင်တဲ့အသဲတွေ အဆင်ပြေပါပြီ☺ ဖတ်ကြနော် vote မရှိရင် ပြန် un မှာမို့🤭 ZhanYi romance Happy ending fan fiction ❤💚 fb မွာ တင္ၿပီးသားေလးေ...