روحي بها هائمه

اقتبااس

وقف علي بعد مسافه من تلك المتسطحه  امامه علي الفراش تدفن وجهها ف الوساده وتبكي بصوت عالي
تردد ف التقدم منها يؤلمه بكاءها بهذا الشكل وبنفس الوقت لا يعرف ماذا يقول ف هذا الموقف ولا يعرف كيف يهدأها
لاول مره يشعر بهذا التردد ف حياته
حاول عدم الهروب تلك المره وعدم تركها بمفردها ف هذه الحاله كما يفعل دوما منذ ان تعرف عليها

اقترب منها وتنحنح وقال بصوت اجش : متعيطيش!!
رفعت رأسها تنظر له وقد حزن وتألم قلبه اكثر عندما رأي وجهها الذي يسود عليه اللون الاحمر وعيونها المنتفخه من كثره البكاء
نظرت له بلوم وعتاب ف هو السبب ف بكاءها وحزنها بهذا الشكل
ابتلع ريقه عندما رأي نظرتها تلك وللهروب منها ومن ضميره الذي يؤنبه بشده
قال وهو يصطنع الجمود : متبصليش كده انتي اللي غلطانه من الاول واللي انا عملته كان رد فعل للي عملتيه
وده يعلمك ان تاني مره تسمعي كلامي ومتحاوليش تتمردي عليه

تحدثت بصوت باكي قائله وهي تعتدل علي الفراش:ايووه بس
قاطع كلامها قائلا بنبره لا تقبل النقاش : مفيش بس والموضوع ده يتقفل خاالص ..وقولتهالك وهقولهالك تاني
ملكيش دعوه بااي حد ف البيت ده والتعامل يبقي بحدود
لا لينا دعوه بمشاكل حد ولا حد ليه دعوه بمشاكلنا ..وانا مش مستعد اخسر حد من ولاد عمي عشان خاطر كلام ستات ملوش لازمه ..

ثم تابع بنبره تهكم وتحذير : وااه وياربت بقا بلاش شغل الاطفال اللي بتعمليه ومتروحيش تشتكي لاخوكي ..اكبري شويه وافهمي انك خلاص ست متجوزه ..

انهي كلامه ثم تركها وخرج من الغرفه ومن الشقه بااكلمها وهو يغلق الباب خلفه بقوه متجاهلا شعوره بالذنب تجاهها
اما هي ف بعد خروجه عادت للبكاء مره اخري
تتساءل ف نفسها لما شخصينه جامده هكذا معاها
رغم حبه لها الا ان حنانه لا يظهر إلا نادرا
وهي لم تعتاد علي شخصيات جامده كهذه
ف كان والدها الراحل يدلالها بشده وكان لا يتحمل حزنها ابداا وبعد رحيله احتل مكانه اخيها الاكبر
ولكن هو مختلف تمامًا ولا تعرف هل ستسطيع التعايش مع شخصيه هذه ام انها ستستسلم وتختار البعد عنه والذهاب لاخيها ونصفها الاخر ..
__________________________________________

وفي مكان اخر
اخذ نفس عميق ثم وجهه بصره الي زوجته التي تنظر له باستغراب قائله : في ايه ياحبيبي ..ايه الموضوع المهم اللي عايزاني فيه وبعدين حسااك متوتر كده في ايه؟!

رد عليه وقال بثبات : احم..انا قررت قرار وقبل ما انفذه كان لازم اقولك الاول
قالت هي باستغراب اشد : قرار ايه ده
ثم تابعت بقلق : في ايه ياايوب انت خوفتني

صمت لثواني ثم قال فجأه : انا قررت اتجوز!!
نظرت له بعدم فهم وقالت : قررت ايه ؟؟
ثم تابعت بضحكه : بطل هزارك ده لو سمحت ي

قاطعها الاخر قائلا بصوت هادئ: انا مش بهزر انا بتكلم جد ..
ابتلع ريقه وتابع وهو يتابع صدمتها توسع عينيها غير مصدقه حديثه : في بنت شوفتها من فتره كبيره ..كنت بشوفها باستمرار ..حسيت بانجذاب ليها عجبتني
حاول اتجاهل شعوري ده واعدي الموضوع ..بس كل ما الايام بتعدي كل ما اعجابي بيها بيزيد ..وانا مقررتش  القرار ده غير لما اتاكدت ان الموضوع مش مجرد اعجاب بس لا ده اكبر من كده

نزلت دموعها بصمت وحاوطت بطنها المنتفخه ..فهي حامل بشهرها الخامس
قالت بصوت محتشرج بعد فتره دامت من الصمت : وانا!!
رد بثبات يتجاهل شعوره بالذنب مخبرا نفسه ان هذا حقه : انتي هتفضلي مراتي .. انا اه حبيتها بس انتي هتفضلي ليكي مكانه مميزه عندي انتي اكتر واحده برتاح معاها .. عمري ما هنسي انك استحملتيني كتير اووي ووقفتي جمبي في ظروفي الصعبه .. انا عايزك جمبي بردو وعايز ابننا لما يجي يتربنا وسطنا

ردت عليه بضعف وانكسار شديد : ليه
نظر لها بعدم فهم فتابعت قائله : ليه حبيتها ..احلي مني مش كده
هز رأسه نافيا وقال بسرعه : الموضوع مش موضوع جمال .. مش عارف حبيتها ليه وازاي بس
قاطعته وقالت بابتسامه منكسره : ربنا يسعدك ..مش هقدر اقولك غير كده ..كفايه عندي اني اشوفك مبسوط
حتي ..حتي لو مع واحده غيري
انهت كلامه بصوت منخفض باكي

فقال الاخر بشفقه عليها : انتي عارفه ان قلوبنا مش باايدينا ..
ثم تابع مطمئنا اياها : بس اوعدك ان علاقتي بيكي مش هتتأثر ابدا حتي بعد ما اتجوز ..هتفضلي انتي مراتي وصحبتي اللي بستريح معاها في الكلام

نهضت من مكانها وقال وهي تمسح دموعها : ربنا يسعدك مره تانيه ..وان شاءالله تلاقي فيها اللي ملقتوش فيا
بعد اذنك انا تعبانه وعايزه انام

لم تترك له المجال ليتحدث لانها تركته وتوجهت الي غرفتهم مغلقه الباب خلفها
توجهت نحو الفراش بخطوات بطيئه واهنه والدموع تنهمر علي وجهها وكلامته تردد في عقلها
تسطحت علي الفراش واتخذت وضع الجنين ثم دفنت وجهها في الوساده واخذت تبكي بعنف شديد قائله من بين بكائها : ليه ليه ..ده انا محبتش حد قدك ..ليه تكسرني كده لييه ...
__________________________________
ڤوت وكومنت برأيكم
وشجعوني كده ياجماعه بلاش المتابعه ف صمت دي 🌚🙃😂
ان شاءالله البارت الاول هينزل يوم الحد

واحتمال انزل اقتباس تاني الاسبوع ده لو عايزين يعني  🌚❤️