روحي بها هائمه

البارت الحادي عشر

حبايبي❤️.. مواعيد الروايه اتغيرت وبقيت اتنين وجمعه بدل حد وخميس
____________________________________

البارت الحادي عشر من روحي بها هائمه
متنسوش الڤوت وكومنت برأيكم 🤍
By: Basmala Hassan
______________________________________

كان حمزه يقود سيارته متوجها الي منزله
وعقله مازال يفكر ف مقابلته مع رودي واتفاقه معاها

فلاش باك
تحدثت رودي عندما لاحظت صمت حمزه بعد عرضها له: للدرجه دي الموضوع محتاج تفكير ..انا قولت اول لما اعرض عليك هتوافق علطول

قال حمزه بهدوء : بفكر ياتري ماجد عمل اي معاكي يخليكي تنتقمي منه .. وبقول بردو انا ايه اللي يخليني  اقتنع بكلامك وده ميبقاش مثلا اتفاق مع ماجد ضدي

ابتسمت رودي ابتسامه خفيفه : كنت حاطه احتمال ف بالي انك ممكن تقول كده ..استني هوريك حاجه
مدت يدها نحو حقيبتها وفتحتها اخرجت هاتفها وظلت تبحث فيه لمده ثواني
وكان حمزه يطالعها بهدوء ينتظر ما ستقوله

مدت رودي يدها نحو حمزه بهاتفها
جذب حمزه منها الهاتف ورأي صوره عقد زواج
قرأ ما بها بعدم استيعاب : ده عقد جواز ..
وبعد ثواني قليله قال باستفهام : انتو متجوزين !!؟

اومأت رودي رأسها بهدوء وملامح وجه جامده وقالت: اه ..زي ما قولتلك انا سكرتيرته وشغاله عنده من حوالي سنه من قبل ما ياخد امالكم ..اتجوزته من ٨ شهور ولسه مكلمين

حمزه بابتسامه سخريه وهو يعيد لها الهاتف : وياتري حرمه المصون وولاده عارفين بده
رودي : اكيد لا ..بس هيعرفوا ..انا هقولهم ودي هتبقي اخر ضربه لماجد
حمزه : انا مفهمتش لحد الان ليه عايز تنتقمي منه
قالت رودي بشرود وكره : يكفي اني اقولك ان حياتي ادمرت بسببه .. خسرت اهلي وصحابي واحتمال كبير اني اتحرم من اني ابقي ام وكل ده بسببه

صمتت لثواني ثم تابعت بنبره متألمه وقد سقطت دمعه من عينيها : انا حملت منه بعد تلات شهور جواز .. ولما عرف صمم اني انزله ولما رفضت وعاندت معاه .. سقطني هو بنفسه فضل يضرب فيا كتير اووي ومحستش بنفسي غير وانا ف المستشفى واللي عرفته ان بسبب ضربه فيا حصل اضرر كتير للرحم ممكن بسببها مقدرش اخلف تاني..

حمزه باشمئزاز : طول عمره ***
مسحت رودي الدمعه التي نزلت منها وقالت بكره : وعشان كده مش هسيبه غير لما اخد حقي منه ..وحقي مش هيرجع غير لما اشوفه مذلول قدامي ..وانا مرتبه كل حاجه بس ناقص مساعدتك واللي هتفرق معايا جدا ..ها قولت ايه موافق تبقي معايا ؟!

صمت حمزه لثواني ينظر اليها
وبعد فتره قال بهدوء : معاكي ..
رودي بابتسامه واسعه : تمام ..كده نبتدي نشوف هنبدأ منين ..
باااك

فاق حمزه من شروده علي صوت رنين هاتفه
التقط الهاتف ووجد ان المتصل روناء ففتح الاتصال قائلا : الو
روناء : اي ياحمزه انت فين ..المفروض كنا نروح للناس بدري
تنهد حمزه وقد تذكر امر ذهابهم لعائله زيد بعد اصرار والد حمزه وعمته بعزومتهم ليتعرفوا اكثر علي العائله ..
حمزه : ااه ..معلش كان عندي مشوار مهم ..ربع ساعه وابقي عندك
روناء: تمام ياحمزه مستنينك ..متنساش تبقي تجيب معاك اي حاجه نقدمهالهم
حمزه بتنهيده: حاضر ياروناء ..عايزه حاجه تاني
روناء بابتسامه : سلامتك يا حموزي ..يلا سلام
حمزه : مع السلامه
اغلقت روناء معه ثم توجهت لغرفه اختها تحاول التقليل من توترها من هذه الزياره..