روحي بها هائمه

البارت الرابع عشر

البارت الرابع عشر من روحي بها هائمه
متنسوش الڤوت وكومنت برأيكم 🤍
By: basmala Hassan
_____________________________________

دخل زيد لشقته ووجد والده يجلس علي الاريكه ف الصاله وهو يشاهد التلفاز
القي التحيه عليه ثم جلس امامه وبعد دقائق قليله
التفتت حوله ثم قال بتساؤل لابيه : البت زينه تحت ولاايه

شهاب بانتباه: لا ما هي نزلت هي وراسيل عشان يشتروا شويه حاجات ..انت متعرفش ولاايه
اعتدل زيد ف جلسته وقال بتركيز وقد بدأ غضبه يتصاعد : راسيل !! ..خرجوا امتي وليه محدش قاالي
شهاب وقد لاحظ غضب ابنه : اهدي ياابني ..هما خرجوا من شويه وبعدين زينه قالتلي وانا وافقت ف ايه مالك
قال زيد بغضب وهو ينهض من مكانه : مفيش

رحل زيد واتجه لغرفته بخطوات غاضبه
ظل يسير ف الغرفه ذاهابا وايابا ولم يتمالك اعصابه ف جذب هاتفه وقام بالاتصال علي زينه
وبعد ثواني اتاه صوت زينه وهي تضحك واستطاع ان يسمع صوت ضحكه راسيل ايضا
قالت زينه والابتسامه علي وجهه: ايوه ياابيه

زالت تلك الابتسامه عندما سمعت صوت زيد الذي لا يبشر بالخير : انتو فين ؟!
ردت زينه عليه بتردد وهي تنظر لراسيل : احنا ف المول وبنش...
قاطعها زيد وقال بنبره لا تقبل النقاش : خمس دقايق والاقيكي قدامي يازينه انتي والهانم االلي معاكي فاهمه
زينه باستغراب وقلق : في ايه ياابيه

علت نبره زيد هذه المره فائلا بغضب شديد : سمعتي انا قولت ايه ولا لا
زينه بتردد وهي تبتلع ريقها بخوف : حاضر ياابيه
وبعدما انهي زيد الاتصال نظرت زينه الي راسيل التي قالت بقلق عندما لاحظت تبدل حاله زينه: ف اي يازينه
زينه بعدم فهم وقلق : مش عارفه ياراسيل ..زيد كلمني وشكله متعصب اوي وقالي اننا نروح دلوقتي
قلقت راسيل هي الاخر وقالت : انتي عملتي حاجه ضايقته
هزت زينه رأسها نافيه وقالت وهي تجمع اغراضها : لا معملتش حاجه والله ..المهم يلا نروح دلوقتي عشان منتأخرش ويرن تاني
اومأت راسيل رأسها وقالت : ماشي هطلب اوبر وان شاءالله يجي بسرعه ..

وبعد مرور ربع ساعه
كانت راسيل وزينه ف السياره متجهين نحو منزلهم
ولم تتوقف زينه عن التفكير ف زيد وسببه غضبه المفاجأ هذا
وبعد تفكير طويل نظرت نحو راسيل وقالت بتساؤل : راسيل انتي قولتي لابيه انك خارجه انهارده

نظرت لها راسيل باستغراب وقالت : لا ليه
زينه والقلق مرتسم علي وجهه : يبقي عشان كده
ثم تابعت عندما لاحظت نظرات راسيل الغير مستوعبه قصدها : شكل ابيه متضايق بسبب كده انك خرجتي من غير ما تقوليله
راسيل باستغراب : طب ما انا قولت لحمزه وهو وافق عادي
زينه بتنهيده : ايوه بس زيد جوزك دلوقتي والمفروض يبقي عارف بردو

ابتلعت راسيل ريقها وقالت بقلق وتبرير : مكنتش اعرف اني لازم اقوله..
ابتسمت زينه ابتسامه صغيره وقالت وهي تربت علي يدها بخفه: اهدي ..ان شاءالله الموضوع هيعدي انتي بس لو كلمك حاولي تهديه وتعتذريله وهو هيفك علطول ان شاءالله
اومأت راسيل رأسها ثم تابعت النظر امامه وبدأ شعور داخلها بالقلق من زيد ومن غضبه عليها..