بحر الفيروز

يا انا يا الفستان

قبل اي حاجة حابة اشكر الناس اللي تتعد ع الصوابع اللي بيعملوا ڤوتات للبارتات حقيقي شكرا من كل قلبي ويا رب باقي الرواية تعجبكم اكتر ❤️🥺

اما الباقيين اللي بيراقبوا في صمت حتى لو البارت عجبهم مالهومش عليا جمايل وقلبي غضبان عليكم 🙂💔😂😂

بهزر طبعاً انا بحبكم كلكم حتى من غير ما اعرفكوا يكفي انكم بتقرؤوا اول تجربة ليا في الكتابة وده كفيل انه يشجعني فبحبكم قد ده كدة 👈🌍❤️😍😂

قراءة ممتعة 💕😍

*______________________*

يأتيك الخذلان من الجهة التي عصيت الله من أجلها !⁦❤️⁩
*______________________*

‏أُخفي الهوى وهوَ لا يخفى على أحدٍ،
إنّي لمُستَتِرٌ في غيرِ مُستَتَرِ!

_ العباس بن الأحنف

*______________________*

ريم وهي تقف أمام علي تشده من ذراعه نحو الحديقة بتذمر : انت قولت هتلعب معايا يا خالو بطل حركاتك ديه

علي : يا ريم ولله جاي تعبان مش قادر وبعدين هو ايه اللي بطل حركاتك ديه انتي ليه يا بت بتحسسيني ان انا ابنك ؟

ريم : انت وعدتني

علي : طب خلاص هطلع اغير هدومي حتى و آخد شاور وانزل مش هعرف العب كدة

توقفت ريم عن شده وأردفت وهي ترفع سبابتها في وجهه : اوعى تنام يا خالو مانا عارفاك

علي : لا يا ستي مش هنام ولله انا حلفت بالله

ريم : طيب بس مش تتأخر

علي : حاضر

*_______________________*

*مهند متحدثاً على الشات مع صديقه عمر 📱
عمر : يا مهند اتصرف وانزل انا زهقان اوي عايز العب كرة
مهند : يابني مش قادر وبعدين بابا مش هيرضى
عمر : ليه ده الساعة 8 .. ولا انت اللي مكسل وبتعمل حجة باباك ؟
مهند : بصراحة مش عايز انزل ماليش مزاج
عمر : مهند الراجحي مالوش مزاج ينزل !! اكيد فيه حاجة خطيرة هي اللي مقعداك في البيت
مهند : أحلى حاجة انك فاهمني .. بصراحة اه اصل فيه موضوع كدة سمعت بالصدفة وانا في المطبخ اختي بتتكلم مع زين اخويا فيه .. فالموضوع خطير اوي يعني وعايز اعرف بالظبط اللي حصل
عمر : بتتجسس على زين ده هيعمل منك شاورما لو عرف
مهند : طب بس متفولش في وشي .. وبعدين بقولك سمعت بالصدفة كنت في المطبخ والبيت كله ساكت وكانوا هما بيتكلموا يُعتبر جنب المطبخ فطبيعي في وسط الصمت الرهيب اللي في البيت ده كنت هسمعهم
عمر : في كل الحالات زين هيعمل منك شاورما
مهند : انت عاوزه يموتني وخلاص ؟ هيعمل مني شاورما ليه انا معملتش حاجة