*______________________*
" اللهم إني أحاول فأعِنِّى ، وأخاف فآمني ، وأتعثر فأقمني "💙
*______________________*
الحُبُّ أَوَّلُ ما يَكونُ لِجاجَةً
تَأتي بِهِ وَتَسوقُهُ الأَقدارُ
حَتّى إِذا اِقتَحَمَ الفَتى لُجَجَ الهَوى
جاءَت أُمورٌ لا تُطاقُ كِبارُ
وَإِذا نَظَرتَ إِلى المُحِبِّ عَرَفتَهُ
وَبَدَت عَلَيهِ مِنَ الهَوى آثارُ ..💙🌊
_العباس بن الأحنف
*______________________*
في الشركة
كرم : كل اللي عرفته انه بعد حي (_____) بشارعين .. وبيقولوا منطقة مقطوعة يعتبر وخطر يعني
زين : مهو طبعاً واحد زي ده هيكون عايش فين يعني .. بس هو فين الحي ده انا اول مرة اسمع عنه ؟
كرم : مانا مش عارف انا استغربت زيك كدة
زين: يعني غيبت كل ده امبارح وموصلتش لمكانه بالظبط بردو ؟
كرم : يابني مانا اتأخرت عشان كدة انا طلعت روحي وفي الاخر مطلعتش غير بإنه قريب من الحي ده وفي منطقة خطر
زين : طيب وبعدين ؟ هنعمل ايه دلوقتي ؟
كرم : مش عارف .. استنى لما نروح البيت ونسأل الكل هناك يمكن اي حد فيهم يبقى عنده فكرة
زين : ماشي
كرم : هو صحيح مين اللي هيروح ؟ اعفيني انا بقى لإن انا فعلاً اتمرمطت امبارح
زين : لا كفاية عليك انت كدة انا اللي هروح .. ده لو حصل وعرفنا مكانه يعني
كرم بإصرار وحزم : لاازم نلاقيه وإلا هنضيع
زفر زين بضيق شديد : انا بجد حاسس اني متلخبط اوي .. الوقت بيضيق بينا وكمال بقاله كتير مستني
كرم : ربنا ييسر انا عندي امل نلاقي حد من العيلة عارف المكان ده فين بالظبط .. انا سألت ومفيش حد سمع عنه قبل كدة
زين : يظهر انه بعيد علشان كدة محدش من اللي حوالينا عارفه
كرم : ايوة .. طيب فكنا من الموضوع ده دلوقتي وقولي .. خلصت التصميم ؟ الصفقة المفروض تتم بكرة .. اوعى تقولي لسة مخلصتهوش
زين : ايوة الحمد لله
تنفس كرم الصعداء واردف : اخيراا يا شيخ كفارة ده من واحنا في اسكندرية والتصميم ده كإن عليه لعنة من يوم المكتبة .. ثم أردف بخبث : بس اشمعنى خلصته بس لما رجعنا هاه؟ ولا لقيت ضالتك اللي كانت شاغلاك فبالك خلاص ارتاح ؟
زين بغضب محذراً : كررررم .. تفكيرك مايروحش بعيد ارحمني
كرم بخبث : طب بذمتك يا شيخ مش عشان كدة ؟
زين : لا .. واتفضل لو سمحت بقى عشان احنا ورانا شغل كتير
كرم : يابني ربنا هيحاسبك ع الكذب ده .. يلا انا خارج
خرج كرم سريعاً كمن يهرب قبل أن ينفجر فيه ابن خاله العزيز فهو يدرك أنه اوصله لِـقمة مراحل غيظه الآن
*_________________________*
المدير وهو يضرب بيده على المكتب امامه بغضب : ده استهتار .. انتو فاكرين نفسكو فين هاه ؟ انتو في مدرسة محترمة مش في الشارع، ده حتى الشارع لازم تلتزموا فيه بآدابكم عن كدة .. ممكن افهم ايه المنظر اللي انا شايفه ده ؟ ده منظر طلبة محترمة جايين يتعلموا وكمان في اول يوم دراسة ؟؟
كان الخمسة يقفون امامه وشعرهم مبعثر ومنهم من في وجهه آثار الكدمات ومنهم من قطعت أجزاء من ملابسه
مهند : يا مستر هما اللي بدؤوا من الاول واتسببوا في طردنا والله ولما جينا نتكلم قلوا ادبهم معانا
المدير : ده مش مبرر عشان تعملوا في بعض كدة انت مش شايف مناظركم ؟؟
عمر : غصب عننا هما اللي استفزونا
احدى الفتيان : بيكذبوا يا مستر هما اللي بدؤوا من الاول
المدير : طيب انا المفروض اصدق مين دلوقتي
عمر : حضرتك تقدر تسأل المدرس اللي كان عندنا في الفصل هو شاف كل حاجة
المدير : مستر سامح مشى لإن مكانش عنده غير الحصة الاولى .. نظر المدير إلى مهند فهو يشبه عليه منذ أن رآه فأردف متسائلاً : انت اسمك ايه ؟
مهند : مهند الراجحي
رفع المدير حاجبيه بدهشة : انت من عيلة اكرامي الراجحي ؟
أومأ مهند مؤكداً : ايوة يا مستر
المدير : ابن مين في عيلة الراجحي ؟
مهند : ابن رأفت الراجحي
المدير : هممم .. تمام .. حاد المدير بنظره إلى مروان مردفاً وقد لاحظ انه يبدو اصغر منهم : انت في سنة كام ؟
مروان : تانية اعدادي
رفع المدير حاجبيه بدهشة : طيب هما وكان فيه مشكلة بينهم وبين بعض من لما كانوا في الفصل .. انت دخلك ايه بالموضوع ده ؟
مروان بكل بساطة : الله مش ابن عمي اسيبه يضرب ويتضرب لوحده يعني ؟
المدير بدهشة اكبر : يعني انت متعرفش اصلا سبب الخناقة ايه بس انت لقيت ابن عمك معاهم روحت حاشر نفسك معاه في النص
مهند : معلش أصل احنا عيلة واحدة وبنحب اللمة يعني
المدير بغضب وهو يضرب على المكتب : فصل اسبوع من المدرسة كلكو .. اتفضلوا برا مكتبي
اتجه الخمسة خارج المكتب جميعهم
المدير بحزم : استنى يا مهند انت وابن عمك وصاحبك
التفت مهند وعمر ومروان إليه فأردف المدير : انا لولا ان عرفت انك من عيلة الراجحي وانها عيلة محترمة جداً انا كان زماني عملتلكم استدعاء ولي أمر وكبرت الموضوع عن كدة بكتير بس انا خليتها على قد فصل اسبوع .. ده غير انكم شكلكم محترمين وولاد ناس محترمة فعلًا .. بس اتمنى الموقف ده ميتكررش تاني ولما يحصل حاجة تيجوا تقولولي وانا هجيبلكم حقكم مش تاخدوا حقكم بدراعكم .. احنا مش في غابة يا أساتذة ، ارتقوا بأخلاقكم ماتنزلوش لأخلاق غيركم
أومأ ثلاثتهم بأدب، ثم سألهم عن أسمائهم (أسماء عمر ومروان )
عمر : عمر عز الرفاعي
مروان : مروان مؤمن الراجحي
المدير : تمام .. تقدروا تتفضلوا
خرج الثلاثة بقرار فصلهم لمدة أسبوع ولا يدري الثلاثة كيف سيخبرون اهلهم بأنهم فصلوا من المدرسة من اول يوم دراسيّ
مهند : مش عارف احنا هنمشي ازاي في الشارع بمنظرنا ده والله داحنا واكلين علقة ماكلهاش حرامي غسيل في مطلع
مروان : يلا منهم لله، ايديهم مرزبة
عمر : يابني سيبنا منهم دلوقتي خلينا في نفسنا انا مش عارف هدخلهم البيت ازاي
مروان : لا وكمان عندنا فرح بنت عمتي بعد 3 ايام
مهند وهو يضحك بسخرية : فرح ايه بس يابني متعيطنيش على نفسي احنا بمنظرنا ده هيقولوا شغالين في مافيا
عمر بضحك : طب يلا يا بتاع المافيا فكر هنقول لاهلنا ايه لما نرجع
مروان : احنا مش هنلحق نبرر يا باشا احنا لو اهلنا عرفوا ان اتفصلنا م المدرسة هيدفنونا بالحيا ويوزعوا شرْبات
مهند : استعنا على الشقا بالله
YOU ARE READING
بحر الفيروز
Randomللهِ ثغرٌ بَيني و بَينهُ ما بينَ البينِ بَيْنٌ ، شيءٌ مِنَ اللاشيءْ ، كقافٍ بعدَ الشينِ وماقَبلَ الشينِ عينٌ _ لقائلها تصميم الغلاف / جنة أشرف
