إن مُحمَّداً له في القلبِ حُباً
فصلّوا عليه كي يزيد الحُبّ حباً.❤️
*_______________________________*
إنّ اللّٰه لا يضعُ ثماراً على غصنٍ لا يقوى على حملِها، أنتَ دائماً تستطيع...❤️✨
*_______________________________*
فلئِنْ كُنتِ قد تَغيَّرتِ بَعدي . . ورَضِيتِ الغداةَ أنْ تَصرِمينا
لا تَزالِينَ آثرَ النَّاسِ عِندي . . فاعلمِي ذاكَ في الهوَى ما حَيِينا
- عمر بن أبي ربيعة
*________________________________*
طبعاً انا اتأخرت كل ده بسبب امتحاناتي زي ماقولتلكم وبعتذر جدا عارفة ان زمانكم نسيتوا الاحداث لإن انا ذات نفسي كنت ناسياها 😂😂
ظهرت شخصية جديدة وهي لانا مدرسة إياد اللي كانت معجبة بأدهم
مالك اتقدم للينا وباباه ومامته ميعرفوش ولما عرفوا طبعاً حصل اللي حصل وآخر عهدنا بيه انه كان متعلق على شجرة ع النيل وبوليس النجدة جاي ينزله
علي اتفق مع عبد الرحمن هييجي يتقدم لليلى آخر يوم امتحاناتها
كمال عرف اللي رندة بتعمله مع علي وانها بتحبه وانها بعتت لليلى تبتزها عشان تبعد عنه بعد ما وصلها ان عبد الرحمن وافق عليه وكانت خطوبتهم بكرة وراح اتقدم لآية
كان فيه صديق مجهول بيبعت معلومات عن العملاء للواء فتحي وطلعت صح بس ميعرفوش حتى الآن ده مين
وبس كدة ويا رب مكونش نسيت حاجة 😂❤️
يلا صلوا على النبي وادخلوا برجلكو اليمين 😂❤️ قراءة ممتعة يا رب 🧚😉💗
بعد مرور اكثر من اسبوع
في ڤلة معتز وحنان
يعاني معتز من دورة برد حادة ، لا يستطيع التركيز ولا يكاد يستوعب حتى ما يدور حوله ، وعلى جهة اخرى يوجد موضوع تقدم علي لخطبة ليلى بما أنها أنهت اليوم امتحاناتها
علي : يا بابا .. يا بابا ركز معايا ابوس ايدك ، احنا رايحين نعمل ايه النهاردة ؟
معتز وهو يشعر بالدوار : رايحين نزور عمتك .. ولا خالتك ؟
علي : عمتي ايه وخالتي ايه يا بابا .. بابا احنا رايحين نتقدم لليلى .. سامعني ؟ لـيـلـى ، بنت عم عبد الرحمن اللي طلع عين اللي جابوني ، افتكرته ؟
معتز بتعب وصوته مرهق كثيراً : ايوووة ايوة عارف .. ربنا يسامحه
علي : ربنا يسامحه ويسامحنا كلنا يا رب .. ها يبقى احنا رايحين فين ؟
معتز : رايحين نزور حمدي ؟
علي بيأس : حمدي مين يا بابا .. هتعمل ايه عند عم حمدي ؟
معتز وهو يحاول التذكر : هنطلب ايد ليلى
علي بسعادة وكأنه حدثت معجزة ما : احمدك يا رب .. وصلنا لنص المعلومة فاضل النص التاني .. بابا احنا فعلا رايحين نتقدم لليلى صح براڤو عليك يا حبيبي .. بس مش هنطلبها من عم حمدي ، هنطلبها من عم عبد الرحمن .. يبقى احنا رايحين لمين ؟
YOU ARE READING
بحر الفيروز
Randomللهِ ثغرٌ بَيني و بَينهُ ما بينَ البينِ بَيْنٌ ، شيءٌ مِنَ اللاشيءْ ، كقافٍ بعدَ الشينِ وماقَبلَ الشينِ عينٌ _ لقائلها تصميم الغلاف / جنة أشرف
