🍂 လရိပ်ဆင်သည့်ကကြိုး 🍂 ( Season 2) အပိုင်း(၃၃)
" ကျွန်မတို့ သားမာန်ကိုပြန်ခေါ်သင့်ပြီထင်တယ်
အကို ''
ဒေါ်မြခက်ဆီမှအဆက်စပ်ကင်းမဲ့စွာ စကားစလာ၏။ ဒေါ်မြခက်အမှန်တကယ်ပင် သားဖြစ်သူအားရန်ကုန်သို့ပြန်လာစေချင်ပြီဖြစ်သည်။ ဆယ်နှစ်ဆိုတဲ့ကာလပတ်လုံး သားဖြစ်သူလေလွင့်နေသည်ကို ဒေါ်မြခက် လွှတ်ထားခဲ့ရသည်။
သူမမှာဘာလုပ်နိုင်စွမ်းမှလည်းမရှိခဲ့။ အခုတော့သားဖြစ်သူအား မိဘပိုင်ဟိုတယ်လုပ်ငန်းတွေမှာပြန်လည်အခြေချစေချင်ပြီဖြစ်သည်။
" ကိုယ် မပြောတတ်သေးဘူးကွာ မင်းသားကရော ပြန်လာပါ့မလားကွ ''
" အို... သားကိုပြန်ခေါ်ရမှာပေါ့တော်.. ဖြစ်ခဲ့တဲ့ပြဿနာတွေထဲမှာ သားအမှားမကင်းဘူးဆိုပေမဲ့... သူလည်းလုပ်သင့်လို့လုပ်ခဲ့တာလေ... ဟိုရောင်ခြည်သစ်ဆိုတဲ့ကောင်လေးကရော... ဘယ်အချိန်ထိများသားမာန်ကိုပျော်ရွှင်စေမှာမို့လဲ... သားနှလုံးသားထဲက အချိန်တိုင်းအသက်ရှင်နေတဲ့လူက ကကြိုးပဲ... ရောင်ခြည်သစ်ဆိုတာက ရုပ်ရည်ဆင်တူရုံလေးတင်.. အိုတော်... ဘာပဲ ဖြစ်ဖြစ်ကျွန်မကတော့ သားလေးကို ရန်ကုန်ပြန်ခေါ်တော့မယ်... ''
ဒေါ်မြခက် ပြတ်ပြတ်သားသားပင်ထပ်မံအကြုံပြုလိုက်သည်။ လေသံကလည်းပုံမှန်ကဲ့သို့မဟုတ်မာနေသည်။
" မင်းသဘောပါကွာ...ကိုယ်ကတော့ ဘာမှမပြောလိုတော့ဘူး... မင်းတို့သားမိအဆင်ပြေရင်ပြီးပါပြီကွာ ''
ဦးဟိန်းဇေ အမှန်တကယ်ပင်ဘာမှဝင်မပတ်သက်လို သားဖြစ်သူကလည်းခေါင်းမာသည်။ ဆယ်နှစ်လုံးသူ့ကိုဘယ်သူမှထိန်းမထားနိုင်ခဲ့တာကပင်သက်သေဖြစ်သည်။ အခုလည်းပင်းတယကပြန်လာဖို့လှမ်းခေါ်ရင်တောင်လိုက်လာပါ့မလားဆိုတာက မသေချာချေ။
" မနက်ဖြန် ပင်းတယသွားမယ်! သားကိုပြန်ခေါ်မယ်! "
ဒေါ်မြခက် ပြတ်ပြတ်သားသားစကားတစ်ခွန်းကိုပဲဆိုလိုက်တော့သည်။ ဒီလေယက်အချိန်ကြာခဲ့ပြီးမှတော့သားလည်း ကကြိုးကိုမေ့ပစ်ထားနိုင်သင့်ပြီ...အချစ်သစ်ကိုမရှာချင်ရင်တောင်မှ ဘဝသစ်ကိုတော့ရှာဖွေသင့်ပြီ။
🌳🌳🌳
ŞİMDİ OKUDUĞUN
လရိပ်ဆင်သည့်ကကြိုး Season2
Romantizmချစ်တယ်တဲ့..... နှလုံးသားရဲ့အနက်ရှိုင်းဆုံးနေရာကနေ လူသားတိုင်းက တစ်စုံတစ်ဦးကိုပြောဖူးကြမှာပေါ့... ဒါပေမဲ့ ဇာတ်လမ်းလေးတစ်ပုဒ်မှာလူနှစ်ယောက်ဟာ တစ်ယောက်ကိုတစ်ယောက် သိပ်ချစ်ကြပါလျက် ဖွင့်ပြောခွင့်မရခဲ့ကြဘူး... Start Date 13.8.2021 End Date ???
