Part-1
Transmigration (ခန္ဓာသစ်ကို ဝိညာဉ်ကူးပြောင်းခြင်း)
XuRanသတိရရချင်း တစ်ယောက်ယောက်စကားပြောနေတဲ့အသံကိုကြားလိုက်ရသည်။ သို့သော်ဘာတွေပြောနေလည်းဆိုတာကိုသူသေချာမသိပေ။ ထို့ကြောင့်XuRanသည် ထိုသူတို့ဘာပြောနေလဲဆိုတာကို သိရရန် အသည်းအသန်ထကြည့်လိုက်သည်။
"TangTangနဲ့GuoGuo အခုကလယ်လုပ်စရာတွေသိပ်မရှိတော့ဘူး ဒါကြောင့်ပါးပါးကအခုတောင်ပေါ်ကိုတက်ရမယ် မင်းဖေဖေကိုဂရုစိုက်ရမယ်နော် အခြားသူတွေ သူ့ကိုအနိုင်မကျင့်စေနဲ့နော် နားလည်လား ပါးပါးသိပ်မကြာခင်ပြန်လာခဲ့မယ်"
XuRanသည် ယောက်ျားတစ်ယောက်ရဲ့ချိုသာတဲ့အသံကိုကြားလိုက်ရ၏။
"ဟုတ်ကဲ့ပါးပါး ဂရုစိုက်ပါ"
"ဟုတ်ကဲ့ပါးပါး စိတ်ချပါ ဖေဖေ့ကိုအခြားသူတွေအနိုင်မကျင့်စေရပါဘူး"
ပြီးနောက်ငယ်ရွယ်တဲ့ကလေး၂ယောက်အသံကိုပါကြားလိုက်ရသည်။ သူတို့အသံလေးတွေမှာခပ်ဆင်ဆင်ဖြစ်ပြီး နားထောင်လို့လည်းအရမ်းကောင်းသည်။
"လိမ္မာလိုက်တဲ့ကလေးတွေ"
အဲ့နောက်မှာဆူညံသံကိုကြားလိုက်ရသည်။
ထိုအမျိုးသားရဲ့နူးညံ့တဲ့အသံကိုမကြားရတော့တဲ့အခါ XuRanက သူထွက်သွားပြီဟုထင်လိုက်သည်။
"GuoGuo စာရေးလေ့ကျင့်ရအောင်! ဒီနည်းနဲ့ပဲဖေဖေ့ကိုမနှောင့်ယှက်ပဲနေကြစို့"
"အင်း! ငါတို့ငြိမ်ငြိမ်လေးနေသင့်တယ်"
XuRanက ကလေး၂ယောက်ရဲ့အသံကိုကြားရပြီး အကြောင်းပြချက်မရှိပဲ အလွန်ထိတ်လန့်သွားမိသည်။ အဲ့ချိန်မှာသူ့စိတ်ထဲကရှိတာက အိပ်ယာကနေနိုးထလာဖို့ပင်။ သူအိပ်ယာကနေနိုးထလိုက်ပြီဆိုရင် အရာအားလုံးကရှင်းလင်းသွားလိမ့်မယ်လို့ သူယုံကြည်နေခဲ့သည်။
......
အချိန်တစ်ခုကြာပြီးနောက် XuRanကနောက်ဆုံးတော့ သူ့ရဲ့မျက်လုံးများအားဖွင့်နိုင်သွားခဲ့ပြီ။ စူးရှသောနေရောင်က သူ့အမြင်အာရုံထဲသို့ဝင်ရောက်လာခဲ့ပြီးနောက် သူကစုတ်ချာတဲ့အခန်းထဲမှာရှိနေတာကိုတွေ့လိုက်ရသည်။ သူကရုတ်တရက်မတ်တပ်ရပ်ဖို့ကြိုးစားလိုက်သော်လည်း ခေါင်းအရမ်းမူးနေသည့်အပြင် လှုပ်ရှားဖို့ခက်ခဲလောက်တဲ့အထိကိုအားနည်းနေခဲ့သည်။
YOU ARE READING
Transmigration: The Farm Life Of A "Fool" (Hiatus)
Historical FictionXuRanသည် ဘွဲ့ရပြီးနောက် companyတစ်ခုတွင် နှစ်နှစ်ကြာ အလုပ်ဝင်ခဲ့သည်။ ရာထူးတိုးဖို့အခွင့်အရေးရလာတဲ့အချိန်မှာပဲ သူဟာလှေကားပေါ်ကနေ မတော်တဆပြုတ်ကျခဲ့ပြီး အခြားကမ္ဘာမှ သူနဲ့နာမည်တူအမျိုးသားရဲ့ ခန္ဓာကိုယ်ထဲ ဝိဉာဉ်ကူးပြောင်းခံလိုက်ရသည်။ အံ့ဩစရာတစ်ခုက သူဝိဉ...
