Part-23
Potatoes-အာလူးပင်များ
နှစ်ရက်အကြာမှာတော့ အိမ်သစ်အတွက် လိုအပ်သော ဝါးများအားလုံးကို ခုတ်ပြီးခဲ့ပြီး အခုလုပ်ရတော့မည့်အရာမှာ ၎င်းတို့ကို တောင်ပေါ်မှ ရွှေ့ခြင်းပင်ဖြစ်သည်။
ရွှီရန်က ကလေးအဖွဲ့ကိုဦးဆောင်ကာ တောင်ပေါ်တက်ပြီး အလုပ်ကူလုပ်ကြသည်။
သူက သိပ်ပြီးမသန်မာသေးသဖြင့် တစ်ခုပြီးမှတစ်ခုသာ သယ်နိုင်သည်။
ကလေးတွေအနေဖြင့်လည်း တစ်ကြိမ်တွင်ဝါးတစ်ချောင်းချင်းကိုအတူသယ်ကာ ပင်ပန်းလာတဲ့အခါအနားယူကြသည်။သာ့ဟူနှင့်ကောက်ကျီတို့မှာ ရှစ်နှစ်ရှိပြီဖြစ်သောကြောင့် သူတို့နှစ်ယောက်ကတော့ အတူလုပ်ကြပြီး အခြားကလေးများကိုတော့ အုပ်စုနှစ်စုခွဲထားသည်။
ကလေးတွေက ငယ်သေးပေမယ့် လူအင်အားတောင့်တာကြောင့် အားကောင်းကြသည်။ ဒီလိုဖြင့်ဖြင့် ဝါးအမြောက်အများကို အောင်မြင်စွာ ရွှေ့ပြောင်းပြီးသွားကြသည်။ လူကြီးတွေက အရမ်းစိတ်ချမ်းသာပြီး အားပေးချီးကျူးနေတော့ ကလေးတွေကပင်ပန်းတယ်လို့ လုံးဝမခံစားရပေ။
သူတို့အားလုံး ဝါးတွေအကုန်လုံးကို တောင်ပေါ်ကသယ်ဖို့ တစ်ရက်အချိန်ယူရသည်။ ထို့နောက် ဝါးတစ်ချောင်းစီကို နှစ်ပိုင်းခွဲ၍ ခွဲထုတ်ရသည်။ ဒါကလည်း ကြီးမားသောအစီအစဉ်တစ်ခုပင်။
အခု သူတို့မှာပိုက်ဆံမရှိတာကြောင့် တခြားလူတွေကို ပိုက်ဆံပေးပြီးလုက်ခိုင်းလို့မရပေ။ သူတို့ကိုယ်တိုင် ဖြည်းဖြည်းချင်းပဲလုပ်ရသည်။ ကံကောင်းတာတစ်ခုမှာ အခုကအလုပ်များသော စိုက်ပျိုးရာသီမဟုတ်တာပင်။
လူတွေအများကြီးကိုနေ့တိုင်းကျွေးမွေးရသည့်အပြင် အကုန်လုံးကလည်း ဝူမိန်အိမ်တွင်အနားယူကြရသည်။ ရွှီရန်သည် ဤအခြေအနေကို စိတ်ပူပြီး ရှက်ရွံ့စွာ ခံစားနေရသည်။ ထို့ကြောင့်ပင် သူကကလေးတွေကို တောရိုင်းအသီးအရွက်ခူးရန် ခေါ်သွားတတ်သည်။ သူကံကောင်းရင်တော့ စားစရာတွေအများကြီး ရှာနိုင်ခဲ့ပေမဲ့လည်း အစားအသောက် ပမာဏကတော့ လုံလောက်မှု မရှိသေးချေ။
YOU ARE READING
Transmigration: The Farm Life Of A "Fool" (Hiatus)
Historical FictionXuRanသည် ဘွဲ့ရပြီးနောက် companyတစ်ခုတွင် နှစ်နှစ်ကြာ အလုပ်ဝင်ခဲ့သည်။ ရာထူးတိုးဖို့အခွင့်အရေးရလာတဲ့အချိန်မှာပဲ သူဟာလှေကားပေါ်ကနေ မတော်တဆပြုတ်ကျခဲ့ပြီး အခြားကမ္ဘာမှ သူနဲ့နာမည်တူအမျိုးသားရဲ့ ခန္ဓာကိုယ်ထဲ ဝိဉာဉ်ကူးပြောင်းခံလိုက်ရသည်။ အံ့ဩစရာတစ်ခုက သူဝိဉ...