(Uni)
အလွန်သေးငယ်လှသောအိမ်ကလေးသည်အိမ်ဟုပင်ပြောလို့မရပေ။တဲ...တကယ်ဆိုတဲသာသာကလေးပါပဲ။လုံးလုံးပုပုသေးသေးလေးနဲ့ခြောက်ကပ်ကပ်ခြံဝန်းလေးဟာအထီးကျန်နေပါ၏။
"ဒါကငါတို့နေတဲ့နေရာပါဝမ်...မင်းနေတဲ့နေရာနဲ့ယှဉ်ရင်တော့သိပ်သေးကျဉ်းတာပေါ့..ငါတို့ဘဝတွေကဝမ်အိမ်တော်ပျက်စီးသွားကတည်းကစုတ်ပြတ်သတ်နေခဲ့တာပါ"
အစ်ကိုကအပြုံးနဲ့ပြောနိုင်သော်လည်းရိပေါ်ကမူမယုံနိုင်ဖွယ်အကြည့်တို့နှင့်သာ။
ဒီအိမ်လေးကအစ်ကိုနဲ့အစ်မတို့ရဲ့နားခိုရာလေးလား?
သေးငယ်လွန်းတဲ့ဒီအိမ်လေးတစ်လုံးထဲကိုပဲအစ်ကိုတို့ကပိုင်ဆိုင်ခဲ့တာလား?
"လာလေကွာ...အထဲမဝင်ဘူးလား"
ဟောက်ရွှမ်းကအပေါက်ဝမှနေ၍အော်လိုက်သည်။ရိပေါ်ကလိမ္မာသောကလေးငယ်တစ်ယောက်လိုသူ့ဘေးကနေတောက်လျှောက်ငြိမ်သက်နေသောခမည်းတော်ကိုကြည့်လိုက်၏။
"သွားလေ..ဝင်သွား"
"ခမည်းတော်ကရော"
"ငါအပြင်မှာနေခဲ့သင့်သလားလို့"
ခမည်းတော်၏မျက်နှာလေးကသေးငယ်စွာပင်။အခုချိန်ခမည်းတော်ဘာတွေတွေးနေမလဲသူကောင်းကောင်းသိပါသည်။
အစ်ကိုနဲ့အစ်မအရင်းကိုပြန်တွေ့ခွင့်ရတော့အရင်လိုမျိုးသူ့အပေါ်မတွယ်ကပ်တော့မှာကိုခမည်းတော်တွေးပူနေလောက်မှာပါ။သူခမည်းတော်အပေါ်အေးစက်သွားမယ်လို့တွေးမိနေမှာအသေအချာပဲ။
ခမည်းတော်၏လက်ဖဝါးနုနုလေးကိုဖွဖွဆုပ်ကိုင်လိုက်ရင်း...
"ခမည်းတော်...ခမည်းတော်ကကျွန်တော့်ရဲ့အဖေဆိုတာထက်ပိုတဲ့လက်တွဲဖော်ပါ...သူတို့ကမောင်နှမ...ကျွန်တော်ကခမည်းတော်ရဲ့အရိပ်အောက်ကနေတစ်သက်လုံးမထွက်သွားဝံ့ပါဘူး...လာပါ....အတူအိမ်ထဲဝင်ရအောင်"
ရိပေါ်၏စကားတိူ့ကြောင့်ရှောင်းကျန့်ရင်ထဲကပူပန်မှုတို့လျှော့ပါးသွားသည်။တကယ်လည်းသူစိတ်ပူမိပါ၏။
ရိပေါ်ကသူ့ထက်မောင်နှမအရင်းတွေပေါ်သံယောဇဉ်ပိုသွားမှာကိုသူကြောက်မိသည်။
YOU ARE READING
"ခမည္းေတာ္" (ခမည်းတော်)(Complated)
Romanceငါ့ကိုယ္ေပၚကလက္ေတြဖယ္လိုက္စမ္းဝမ္...ငါကမင္းရဲ႕ခမည္းေတာ္...မင္းမရိုင္းနဲ႔။ ခမည္းေတာ္၏ခ်စ္ဖို႔ေကာင္းသည့္အမူအယာေတြေၾကာင့္ရိေပၚေပါက္ကြဲထြက္ေတာ့မည့္စိတ္ေတြကိုထိန္းခ်ဳပ္ထားရသည္။ထို႔တိုင္ခမည္းေတာ္၏အျပစ္ကင္းစင္လွေသာအၾကည့္ေတြေၾကာင့္ခ်စ္ျခင္း၏အခိုးအေငြ႕တစ္ခ်ိ...
