ဝိညာဥ်​ရေးရာအပင် ဆရာသခင်အဖြစ် ကူး​ပြောင်းလာခြင်း

Chapter 30: Xiao Jinfeng's Downfall

Unicode

ရှောင်ကျင့်ထျင်၏ မျက်နှာသည် မည်းမှောင်လာပြီး ဒေါသများ ပြည့်နှက်လာသည်။ ရှောင်ကျင်းဖုန်းဟာ ​​ဘယ်လိုလူစားမျိုးဖြစ်နိုင်မလဲ?

ရှောင်ကျင်းဖုန်းသည် ကြေးစားအဖွဲ့တွင် သုံးနှစ်နေခဲ့ပြီး ၎င်းတို့နှင့်အတူ အလုပ်များစွာလုပ်ခဲ့သည်။ ဤကြေးစားအဖွဲ့သည် ရှောင်ကျင်းဖုန်းကို နှင်ထုတ်ရန် အမှန်တကယ်ကိုအသည်းမာလွန်းသည်။ ရှောင်ကျင်းဖုန်းသည် ကျိုးခန်းချီ၏ သားကောင်ကို လုယူမည်ဟုသူမယုံပေ။ နားလည်မှုလွဲတာတွေ ရှိရမယ်။ ကျိုးမိသားစုနှင့် ရှောင်မိသားစုတို့သည် ရန်သူဟောင်းများဖြစ်ကြသည်။ ဖြစ်နိုင်တာက ကျိုးခန်းချီက ရှောင်မိသားစုသည် ယခင်ကလောက် အင်အားမ​ကောင်း​တော့ဘူးလို့ထင်မြင်ပြီး ရှောင်ကျင်းဖုန်းအား တမင်တကာ ဖိနှိပ်ခဲ့ခြင်း ဖြစ်နိုင်သည်။

ကျိုးမိသားစုက ရှောင်ကျင်းဖုန်းကိုလုပ်ကြံပြီး ရှောင်မိသားစုက သူ့ကိုယ်သူ ခုခံကာကွယ်ဖို့ အခွင့်အရေးတောင် မပေးခဲ့ပေ။ ရှောင်မိသားစုက တကယ်ကို ရှုပ်ပွနေလေသည်။ ဖုန်းရွှယ်အာက ဘယ်အချိန်ထဲက ရှောင်မုဟုန်ရဲ့ဇနီးဖြစ်လာခဲ့တာလဲ? ဖုန်းရွှယ်အာသည် မူလက အကအိမ်မှအကမယ်ဖြစ်ပြီး ရှောင်မုဟုန်၏ ကိုယ်လုပ်တော်အဖြစ် လက်ခံခြင်းခံခဲ့ရသောကြောင့် သူမအား လူအများ၏အမြင်တွင် သင့်လျော်သောကိုယ်လုပ်တော်အဖြစ် မလေးစားခဲ့ပေ။

အကမယ်မိန်းကလေးအတွက်ကြောင့် ရှောင်မိသားစု၏ မှန်ကန်သောသခင်ငယ်ကို နှင်ထုတ်ခြင်းမှာရယ်စရာကောင်းလှသည်။

ရှောင်ကျင့်ထျင်သည် ရှောင်ကျင်းဖုန်း၏ အမူအကျင့်ကို သိသည်။ ဤလူသည် မကောင်းမှုနှင့်မတရားမှုကို မိမိရန်သူအဖြစ် ခံယူပြီး အတန်ငယ်တဖြောင့်ကြီးတွေးထားသောကြောင့် ထိုသို့ပြုရန် မဖြစ်နိုင်ပေ။ ဒါ့အပြင် ရှောင်ကျင်းဖုန်းဟာ ​​အရက်သောက်တာတော်ပေမဲ့ သူကမိန်းမလိုက်စားတာမျိုးတော့ မရှိပေ။

" အဘိုးက ဘာမှပြန်မပြောဘဲ ဒုတိယအစ်ကိုကို အိမ်က နှင်ထုတ်တာကို ကြည့်နေတာလား? " ရှောင်ကျင့်ထျင်က မကျေမနပ်နဲ့ မေးလိုက်တယ်။