ဝိညာဥ်​ရေးရာအပင် ဆရာသခင်အဖြစ် ကူး​ပြောင်းလာခြင်း

Chapter 100: Meet an acquaintance

Unicode

နေဝင်ချိန်တွင် ရှောင်ကျင့်ထျင်သည် လှည်းကို ပုံမှန်အတိုင်း မောင်းနှင်ခဲ့သည်။ သူသည် ကြယ်မြို့တော်သို့ ဦးတည်သွားရာလမ်းတွင် ကြီးမားသော ယာဉ်တန်းတစ်ခုနှင့် တွေ့ဆုံလေ၏။

ရှောင်ကျင့်ထျင်သည် ထိုယာဉ်တန်းတွင် အသိမိတ်ဆွေအများအပြားကိုတွေ့ရှိခဲ့ပြီး တစ်ဦးမှာ အိုးယန်မင်ယွဲ့ဖြစ်ပြီး ကျန်နှစ်ဦးမှာ အိုးယန်ကျင်းနှင့် အိုးယန်ကျင်းယွဲ့ဖြစ်သည်။ မှန်ပါသည်၊ ရှောင်ကျင့်ထျင်သည် ကြယ်မြို့တော်သို့ ဦးတည်နေသည့် အိုးယန်မိသားစုနှင့် တွေ့ဆုံခဲ့ခြင်းပင်။

ရှောင်ကျင့်ထျင် မောင်းနှင်လာသောလှည်းသည် အိုးယန် မိသားစု၏ ယာဉ်တန်းအနီးသို့ရောက်သည်နှင့် တပြိုင်နက် ၎င်းတို့အား ယာဉ်တန်းနှင့် ခပ်လှမ်းလှမ်းတွင်နေပါရန် အိုးယန်မိသားစု အစောင့်အဖွဲ့မှ တောင်းဆိုခဲ့လေသည်။

ပျင်းရိငြီးငွေ့နေသော အိုးယန်ကျင်းယွဲ့သည် ရှောင်ရှောင်ဖန်တို့ကို မြင်သောအခါ စကားပြောရန် ထွက်လာခဲ့သည်။

“ဦးလေးရှောင်.... ဦးလေးရော ကြယ်မြို့တော်ကိုသွားဖို့ စိတ်ကူးထားတာလား?” အိုးယန်ကျင်းယွဲ့သည် ရှောင်ကျင့်ထျင်ဆီသို့ လျှောက်လာပြီးမေးသည်။

ရှောင်ကျင့်ထျင်က ခေါင်းညိတ်ပြီး “ဟုတ်တယ်! မင်းရောသွားမလို့လား?”

အိုးယန်ကျင်းယွဲ့က ခေါင်းညိတ်ပြီး “ဟုတ်တယ်!”

ရှောင်ရှောင်ဖန်က နို့ဘူးကိုကိုင်ထားလျက် မြင်းပေါ်တွင်ထိုင်ကာ အိုးယန်ကျင်းယွဲ့ကို စူးစူးစိုက်စိုက်ကြည့်ရင်း မေးလိုက်၏။

“ညီမလေး.. မင်းကကြယ်မြို့တော်ကို ဘာသွားလုပ်မှာလဲ?”

အိုးယန်ကျင်းယွဲ့က ဒေါသတကြီး ဖြစ်သွားပြီး

“ငါက အစ်မကြီးပါနော်”

ရှောင်ရှောင်ဖန်က သူတို့ရဲ့ အရပ်အမြင့်ကိုနှိုင်းယှဉ်ဖို့ လေထဲတွင် တွဲလောင်းကျနေသည့် သူ့ခြေထောက်တွေကိုလှုပ်ယမ်းလိုက်ပြီး

“ကြည့်စမ်း၊ ငါမင်းထက် ပိုမြင့်နေပြီ” ဟု ပြောလိုက်သည်။