Unicode
"မင်းအားလပ်နေရင် ဒီပိယွိမက်မွန်ဘုရင်ကို သွားလေ့လာပါ။ ဒီပစ္စည်းကို ဈေးကောင်းကောင်းနဲ့ ရောင်းနိုင်လိမ့်မယ်"
"အဲဒီလူ မုယွင်က သူ့ခန္ဓာကိုယ်ထဲက မီးအဆိပ်ကို မထိန်းချုပ်နိုင်ဘူးဆိုရင် အခြေတည်ဝိညာဉ်အဆင့်ကို ဘယ်တော့မှ တက်နိုင်မှာ မဟုတ်ဘူး၊ ဒီပိယွိမက်မွန်ဘုရင်က ဒါကို နှိမ်နင်းနိုင်မလားဆိုတာ အဓိက သော့ချက်ပဲ"
"ပိယွိမက်မွန်ဘုရင်က မီးအဆိပ်ကို အချိန်အတိုင်းအတာတစ်ခုအထိ နှိမ်နင်းနိုင်ပြီး သူ့ရဲ့အကျိုးသက်ရောက်မှုက အရမ်းကြီးမများဘူး၊ ဒါကြောင့် အဲဒီလူက သိပ်ဂရုမစိုက်ဘူး။ မင်းက ပိယွိမက်မွန်ဘုရင်ကို မပျက်မကွက် ပြုစုပျိုးထောင်နိုင်ရင်တော့ မုယွင်က မင်းကို အနှေးနဲ့အမြန်ဆိုသလို လာတောင်းလိမ့်မယ်" ချိုးယွင်က ရှောင်ကျင့်ထျင်ရဲ့ ပခုံးကို ပုတ်ပြီး ပြောလိုက်လေသည်။
ရှောင်ကျင့်ထျင်သည် ချိုးယွင်၏ လက်ဖြင့် ပုတ်ခြင်းခံရသောအခါ တွေးမိသည်။ 'ချိုးယွင်က ငါ့ကို တမင်တကာ ပြင်းပြင်းထန်ထန် ပုတ်နေတာလား? ဒါမှမဟုတ် ရွှေအမြုတေအဆင့်ကျင့်ကြံသူ ဖြစ်နေတာကြောင့် သူ့ရဲ့ ခွန်အားကို မထိန်းချုပ်နိုင်တာလား? ငါ့ပခုံး ကျိုးတော့မလိုဘဲ!'
"ဘဏ္ဍာစိုးချိုး ကျုပ်ကို အထင်ကြီးနေပါပြီ။ ဒီ ပိယွိမက်မွန်ဘုရင်ရဲ့ အသွင်အပြင်က ရှားရှားပါးပါးဖြစ်ပြီး မပျက်မကွက် ပြုစုပျိုးထောင်ပေးနိုင်မယ်လို့ ကတိပေးနိုင်မယ့် အရာတော့ မဟုတ်ဘူး"
ချိုးယွင်က "မင်းဘာကိုကြောက်နေတာလဲ? ဘာပဲဖြစ်ဖြစ် အဲဒီလူ မုယွင်က အသက်ရှင်ဖို့ အချိန်ကျန်သေးတာမလို့ မင်းအချိန်ယူနိုင်တယ်"
ရှောင်ကျင့်ထျင်က ပြုံးပြီး အတင်းအဖျင်းပြောလိုက်သည်။
"ဘဏ္ဍာစိုးချိုး အဲဒီ မုယွင်က အထူးနည်းပညာနဲ့ ကျင့်ကြံနေတယ်ဆိုတာ ကျုပ်ကြားတယ်၊ သူက အခြေတည်ဝိညာဉ်အဆင့်ကို ရောက်ချင်ရင် လူပျိုဖြစ်နေရမယ်။ သူသာ အခြေတည်ဝိညာဉ်အဆင့်ကို မတက်နိုင်ဘူးဆိုရင် တစ်သက်လုံး လူပျိုဘဝနဲ့ပဲ နေရလိမ့်မယ်"
YOU ARE READING
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
SpiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
