Unicode
“သခင်မလေး.. မတွေ့ပါဘူး” အစေခံတစ်ဦးသည် အိုးယန်မင်ယွဲ့အနီးသို့ ရောက်လာပြီး စကားပြောသည်။
အိုးယန်မင်ယွဲ့က သက်ပြင်းချလိုက်ပြီး လက်ကိုဝှေ့ယမ်းကာ “ဒါဆို ထားလိုက်တော့” ဟုပြောလိုက်သည်။
“အိုးယန်သခင်မလေး.. မင်း ဘာကိုရှာနေတာလဲ” ရှောင်ကျင့်ထျင်က စိတ်ဝင်တစား မေးသည်။
အိုးယန်မင်ယွဲ့သည် ပခုံးတွန့်ကာ ပြောလေ၏။
“ကြယ်မြို့တော်မှာ ဆေးလုံးတွေ မကြာခဏရောင်းတတ်တဲ့ အဂ္ဂိရတ်ပညာရှင်တစ်ယောက်ရှိတယ်လို့ ငါကြားတယ်။ အစပိုင်းမှာတော့ ရိုးရိုးဆေးအချို့ကို ရောင်းချခဲ့ပေမယ့် နောက်ပိုင်းမှာ အဆင့်ပိတ်ဆို့မှုတွေကို ဖောက်ဖျက်နိုင်တဲ့ ဆေးလုံးတွေကိုလည်း ရောင်းချခဲ့တယ်။ ပြီးတော့ သူက ကြာပွင့်ဆေးလုံးတစ်သုတ်ကိုလည်း ရောင်းချခဲ့သေးတယ်။ အဲဒီလူက အရမ်းလျှို့ဝှက်ဆန်းကြယ်ပြီး သူ့ရဲ့အင်အားကို ဘယ်သူကမှ မသိကြဘူး။ ငါသူ့ကို ခေါ်ယူနိုင်မလားဆိုတာ စောင့်ကြည့်ဖို့ ဒီကို ရောက်လာတာပါ”
ရှောင်ကျင့်ထျင် “...” အိုးယန်မင်ယွဲ့က အခု သူနဲ့ ရွှီမုရန် အကြောင်း ပြောနေတာလား?
“အဲဒီ အဂ္ဂိရတ်ပညာရှင်က ကြာပွင့်ဆေးလုံးကိုတောင် သန့်စင်နိုင်တဲ့အတွက် သူ့မှာ အဂ္ဂိရတ်နည်းပညာကောင်းတွေ ရှိရမယ်။ ဒါ့အပြင် သူက သူ့ရဲ့ အထောက်အထားကို ထုတ်ဖော်ချင်ပုံမရတာကြောင့် သူ့ကို ခေါ်ယူဖို့ဆိုတာ မလွယ်ပါဘူးလေ” အိုးယန်မင်ယွဲ့သည် အလွန်နှမျောစရာကောင်းသည်ဟု ခံစားမိသည်။
ရှောင်ကျင့်ထျင် “....” အဂ္ဂိရတ်ပညာရှင်တိုင်း ရဖို့မလွယ်တဲ့ ဝိညာဉ်ဆေးပင်အမြောက်အမြားကို ပိုင်ဆိုင်ထားသည်။ အဂ္ဂိရတ်ပညာရှင်အများစုသည် ၎င်းတို့နောက်တွင် ကြီးမားသော စွမ်းအားအထောက်အပံ့ရှိကြပြီး စွမ်းအားမရှိသော အဂ္ဂိရတ်ပညာရှင်များသည် အလွန်ရှားပါသည်။ သူ့လက်ထဲမှာ ဆေးပင်အမြောက်အမြား ပေါက်နိုင်တဲ့ ကျောက်စိမ်းဆွဲသီး နေရာလွတ်သာမရှိရင် သူ့ရဲ့ အဂ္ဂိရတ်ပညာဟာ လက်ရှိအဆင့်ကို ရောက်နိုင်မည်မဟုတ်ပါချေ။
YOU ARE READING
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
SpiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
