කාලය විසින් මිත්‍රත්වයේ අඳුරු පැතිකඩ
කියාදෙමින් සිටින සමයක
ස්නේහයේ බිඳුවක් වුවද
මහ ලොකුවට දැනෙනු ඇත.
සෙනෙහස ඒවගේය.
හරි ආදරණීයය.
එහෙත් වරදාගතහොත්
වේදනාකාරීය.
_____
මිත්‍රත්වයෙන් අඩියක් ඉදිරියටත්
ප්‍රේමයෙන් අඩි දහයක් පිටුපසටත් ගත් තැනක,
මා ඔහු දෙස බලා හිඳිමි.
ඔහු උසය.නළ දත් හිමිය.
තළෙළු සම හා ලස්සන නිය පෙලක් තිබුණා මතකය.
දෑස් කලුය.
නමුත් ආලවන්ත බැල්ම අපැහැදිලිය.
ආලයට වඩා එතුළ වූයේ
පාලනයය.
_____
ඒ පාලනයෙන් උදුම්මාගත් බැල්මට
මා බියය.
එහෙයින් ඒ බැල්මෙන්
පැනයාමට හේතු හමුවුනා
විය යුතුය.
__________
ගොයම් කරල් සරුසාරව පැහැද්දී
බිමට බරවිය යුතුය.
ඒ කරල්,
පිරුණු ඒවාය.
එහෙයින් නැමිය යුතුමය.
යුතුම නැතත්
පුරුද්දට මෙන්
ඒ කරල් නැවෙනවාය.
_________
නොනැමෙන කරල් පුහුය.
පොතුව සාමාන්‍ය වුවද
ඇතුල හිස්ම හිස්‍ ය.
මතක තබා ගනු පිණිස
නැවතත් කිව යුතුය,
හි ස් ම හි ස් ය.
أنت تقرأ
ᴛ ʜ ᴇ 1 1 ᵗʰ ᴍ ᴀ ɴ | ✔
عشوائي| උත්ථානයට වෙහෙස වන මතක, යළිඳු ඇණ ගසා සිරකරනු පිණිස | Completed@27Nov2021
