" မုဒိတာ "
ဘုန်းကြီးကျောင်းက ကျွန်းတိုင်လုံးကြီးကို ကွယ်ထားပြီး တစ်စုံတစ်ယောက်ကို ချောင်းနေပေမယ့် အနောက်ဘက်က ဆန်းလွင်ရဲ့ ခပ်ကျယ်ကျယ် အော်သံကြောင့် မုဒိတာ အနည်းငယ် တွန့်သွားသည်။ ခိုးကြောင် ခိုးဝှက်လုပ်နေတုန်း လူမိသွားသလို ခံစားချက်က အတော်လေး ဆိုးလှပါသည်။
" ဘာလဲ။ "
လက်ကို ဟန်ပါပါ ပိုက်ပြီး မေးဆက်ပြလိုက်တော့ ဆန်းလွင်က ဟီးခနဲ ရယ်ပြသည်။ ပြီးမှ
" စာသင်ချိန်နီးနေပြီလေကွ။ အင်္ဂါနေ့တိုင်း နေ့လည် ကျောင်းပျက်ပျက်နေတာ ဒါနဲ့ဆို သုံးပတ်ပြည့်နေပြီနော်။ ကျောင်းပျက်ပြီးရင်လည်း ဒီကိုပဲ လာလာနေတာ။ ဒီမှာဘာရှိလို့လဲ။ "
ဆန်းလွင်က မုဒိတာ ခုဏက ချောင်းနေသော နေရာကို မျက်လုံးတစ်ချက် ဝေ့ဝဲပြီး လှမ်းကြည့်လိုက်သည်။ ဘာမှ ထွေထွေထူးထူး မတွေ့တာမို့ အကြည့်က မုဒိတာဆီကိုပဲ ပြန်ရောက်သွားတယ်။
"ကျောင်းပြန်သွားမယ်။ မဟုတ်ရင် အရီးနဲ့ ဘကြီးကို ငါပြန်တိုင်မှာနော်။ "
ဆန်းလွင်က ခြိမ်းခြောက်သလိုပြောမှ မုဒိတာက မျက်လုံးပြူး မျက်စံပြူးဖြင့် ခေါင်းရမ်းပြသည်။ အမေက ကိစ္စမရှိပေမယ့် အဖေ့ကိုတော့ မုဒိတာက ရှိိိန်ပါသည်။
" မတိုင်စေချင်ရင် သွားမယ် ...လာခဲ့။ "
ဆန်းလွင်က မုဒိတာ လက်ကို ဆွဲပြီး ခေါ်သွားတော့ မုဒိတာက သံယောဇဥ်မပျက်စွာ အနောက်လှည့်တကြည့်ကြည့်နဲ့ ကြည့်နေသည်။
" သွားပါမယ်ဆိုကွာ။ "
ဆန်းလွင်ဆိုတဲ့ကောင်က မုဒိတာထပ် တစ်နှစ်လောက်ပဲ အသက်ပိုကြီးပေမယ့် ဆရာလုပ်တဲ့နေရာမှာတော့ အိမ်ကအဖေနဲ့ ထူးမခြားနားပေ။ အသက်၁၈နှစ်နဲ့၁၉နှစ် ဖြစ်နေပေမယ့် ဒီခေတ်ဒီခါအရ ကျောင်းထား နောက်ကျတာရောကြောင့် မုဒိတာနဲ့ ဆန်းလွင်က အထက်တန်းကျောင်းသားတွေ။
" မင်းကလည်း နေပါဦးကွာ။ ကျောင်းက ထွက်ပြေးမှာ ကျနေတာပဲ။ "
YOU ARE READING
အချစ်အပ်နှင်းချင် (Completed)
RomanceMyanmar OC (Age gap) ဤfictionသည် စာရေးသူ၏စိတ်ကူးသာလျှင်ဖြစ်သည်။ ပြင်ပ လူ၊ပုဂ္ဂိုလ်များနှင့် မသက်ဆိုင်ပေ။ Myanmar OC (Age gap) ဤfictionသည္ စာေရးသူ၏စိတ္ကူးသာလွ်င္ျဖစ္သည္။ ျပင္ပ လူ၊ပုဂၢိဳလ္မ်ားႏွင့္ မသက္ဆိုင္ေပ။
