မုဒိတာ ကျောင်းမှာ ရန်ဖြစ်တယ် ဆိုသည့် သတင်းပေးမှုကြောင့် ကိုးမောင်မောင် အခု ကျောင်းကိုရောက်လာခဲ့ရသည်။ ကျောင်းအုပ်ကြီး၏ သီးသန့်ရုံးခန်းထဲမှာ မုဒိတာ၊ဆန်းလွင်နဲ့အတူ ရန်ဖြစ်တဲ့ အခြားကျောင်းသားနှစ်ယောက်က ရှိနေသည်။ တစ်ဖက်က ကလေးမိဘတွေလည်း ရောက်နေသည်မို့ ရုံးခန်းထဲမှာ လူတွေစုံလို့။
ခုံမလောက်သည်မို့ ကျောင်းသားတွေကတော့ မတ်တပ်ရပ်နေရကာ မိဘတွေနဲ့ ကျောင်းအုပ်ဆရာကြီးက ထိုင်နေသည်။ ကိုးမောင်မောင် ရောက်လာတော့ မုဒိတာကို အရင်ဆုံး ရှာမိသည်။ မုဒိတာကို မြင်လိုက်တော့ ဆန်းလွင်ဘေးမှ မုဒိတာကလည်း ကိုးမောင်မောင်ကို မျက်လုံးဝိုင်းဝိုင်းလေးနဲ့ ကြည့်နေသည်။
မုဒိတာ၏ နှုတ်ခမ်းထောင့်မှာ ပေါက်ပြဲနေပြီး နားထင်ဘေးမှာလည်း သွေးစို့နေသည်။ ကိုးမောင်မောင်က တစ်ဖက်က ကလေးတွေကိုပါ တစ်ချက်ကြည့်လိုက်တော့ ခေါင်းကွဲလို့ ဆေးစည်းထားရသူနဲ့ လက်ကိုဆေးစည်းထားရသူတွေသာ။
" ကျွန်တော်က မုဒိတာရဲ့အုပ်ထိန်းသူပါ။ "
ကိုးမောင်မောင်က ကျောင်းအုပ်ဆရာဆီ ဦးတည်ပြီး နှုတ်ဆက်လိုက်ပြီးမှ ကျန်နေတဲ့ ထိုင်ခုံမှာ ဝင်ထိုင်လိုက်သည်။
" ရှေ့နေကြီး ကျွန်တော်အခုလို ခေါ်တွေ့တဲ့ ကိစ္စက ကလေးချင်း ဖြစ်တဲ့ ပြသနာဆိုပေမယ့် တစ်ဖက်ကလေးတွေက လက်ကျိုး၊ခေါင်းကွဲတဲ့ထိ ဖြစ်သွားတော့ မိဘတွေက မကြေအေးကြရင်း ပြသနာနည်းနည်းကြီးသွားလို့ပါ။ "
ကိုးမောင်မောင်က နားလည်သလို ခေါင်းငြိမ့်ပြသည်။ ကလေးမိဘတွေကလည်း အခုမှ ကိုးမောင်မောင်ကို ရှေ့နေမှန်းသိသွားကာ အနည်းငယ်တွန့်ဆုတ်သွားကြသည်။ ကျောင်းအုပ်ဆရာက ပြသနာ ပြေလည်စေချင်လို့ ကိုးမောင်မောင်ကို တမင် နာမ်စားသုံးပြီးခေါ်လိုက်ပုံပင်။
" ပြသနာ ဘယ်လိုဖြစ်သလဲ ကျွန်တော့်ကို ပြောပြပေးနိုင်မလား။ မုဒိတာက တော်ရုံ စိတ်တိုခဲပါတယ်။ "
YOU ARE READING
အချစ်အပ်နှင်းချင် (Completed)
RomanceMyanmar OC (Age gap) ဤfictionသည် စာရေးသူ၏စိတ်ကူးသာလျှင်ဖြစ်သည်။ ပြင်ပ လူ၊ပုဂ္ဂိုလ်များနှင့် မသက်ဆိုင်ပေ။ Myanmar OC (Age gap) ဤfictionသည္ စာေရးသူ၏စိတ္ကူးသာလွ်င္ျဖစ္သည္။ ျပင္ပ လူ၊ပုဂၢိဳလ္မ်ားႏွင့္ မသက္ဆိုင္ေပ။