ဘုန်းကြီးကျောင်းမှာ တစ်နေကုန် ထမင်းကျွေးခြင်း အလှုူလည်းရှိတော့ တစ်မိသားစုလုံး ကူညီလုပ်ရင်းဖြင့် မအားလပ်ဘူး။ ဆရာတော်ဦးပညာကို နေ့ဆွမ်းကပ်ပြီးမှ အခြားဖိတ်ထားတဲ့ ဧည့်သည်တွေဆီ ဧည့်ခံရသည်။
" ဦးကိုးမောင်မောင် ... "
မုဒိတာက ဟင်းရည်ထည့်တဲ့ သံပုံးကို လက်က ဆွဲထားရင်းမှ မကြည်မသာ မျက်နှာဖြင့် ကိုးမောင်မောင်အား ခေါ်လာသည်။ ကိုးမောင်မောင်က ပန်းကန်ပြားအထပ်လိုက်ကို အနားမှာရှိတဲ့ အကူကောင်မလေးဆီ လက်လွှဲပေးလိုက်ပြီးမှ မုဒိတာအနားကို လာသည်။
" ဘာဖြစ်သလဲ မုဒိတာ။ "
" ရင်တွေပြည့်ပြီး အန်ချင်သလို ဖြစ်နေတာ။ခေါင်းလည်း နည်းနည်းမူးတယ်။ "
ကိုးမောင်မောင်က ချက်ချင်းပင် မုဒိတာနဖူးကို လက်ဖမိုးနဲ့ စမ်းသပ်လိုက်သည်။
" ကိုယ်ပူမရှိပါဘူး။အအေးပက်ပြီး အဆာမကြေချင်သလို ဖြစ်နေတာနေမယ်။မနက်အစောကြီး ရေထချိူးထားသေးလား ဟုတ်သလား။ "
မုဒိတာက ခေါင်းလေးငြိမ့်ပြသည်။ မနက်က မုဒိတာရေထချိုးတုန်းက မိုးတောင်မလင်းသေးဘူး။ ကိုးမောင်မောင်က သက်ပြင်းခပ်ဖွဖွချပြီး မုဒိတာလက်ထဲက ဟင်းရည်ပုံးကို လက်လွှဲယူကာ အကူကောင်လေးတွေဆီ အပ်ခဲ့လိုက်သည်။
" ချွေးအအေးပက်တာနေမယ်။ ငါ့အနောက်ကလိုက်ခဲ့။ "
ကိုးမောင်မောင်က မုဒိတာလက်ကောက်ဝတ်လေးကို ဆွဲကာ ထမင်းစားဆောင်နဲ့ ခပ်လှမ်းလှမ်းကို ခေါ်ထုတ်သွားသည်။မအီမလည်ဖြစ်နေသည့် မုဒိတာမျက်နှာကို ကြည့်လိုက်ပြီးမှ
" သွေးဖောက်ချင်သလား။ဒါမှမဟုတ် နှိပ်ပေးရမလား။ "
မုဒိတာက ခေါင်းကို အတင်းရမ်းပြသည်။ သွေးတော့ မဖောက်ချင်ပါ။နှိပ်ခိုင်းဖို့ကျလည်း ကိုးမောင်မောင်ကို မပြောရဲ။
" ဒါဆိုလည်း ခင်ခင်ချစ်နဲ့ဆယ်မောင်မောင်ကို ပြောခဲ့ပြီး အိမ်ပြန်ပြီး အနားယူကြတာပေါ့ ။ "
YOU ARE READING
အချစ်အပ်နှင်းချင် (Completed)
RomanceMyanmar OC (Age gap) ဤfictionသည် စာရေးသူ၏စိတ်ကူးသာလျှင်ဖြစ်သည်။ ပြင်ပ လူ၊ပုဂ္ဂိုလ်များနှင့် မသက်ဆိုင်ပေ။ Myanmar OC (Age gap) ဤfictionသည္ စာေရးသူ၏စိတ္ကူးသာလွ်င္ျဖစ္သည္။ ျပင္ပ လူ၊ပုဂၢိဳလ္မ်ားႏွင့္ မသက္ဆိုင္ေပ။