" မုဒိတာက ဒီနေ့ပြန်လာမယ်ထင်တယ်။ ပေါက်စကို ညဘက်ကျ မင်းတို့ခေါ်ထားဦး။ "
ခြံထဲက ကွပ်ပျစ်မှာ ရေနွေကြမ်း သောက်ရင်းထိုင်နေတဲ့ ဆယ်မောင်မောင့်ကို ကိုးမောင်မောင်က ပြောလာသည်။ ဆယ်မောင်မောင်က ကိုးမောင်မောင်ပါ ထိုင်လို့ရအောင် နေရာရွှေ့လိုက်ပြီးမှ ခပ်ရွဲ့ရွဲ့ပြုံးသည်။
" ဘာလဲ ကလေးငယ်ကလည်း ကျောင်းပြီပြီဆိုတော့ မင်းတို့နှစ်ယောက်ကြား ဝင်ရှုပ်မှာဆိုးလို့လား။ "
ကိုးမောင်မောင်၏ ရေနွေးခရားကို ကိုင်ထားတဲ့ လက်က ခေတ္တရပ်တန့်သွားသည်။ ပြီးမှ ဆယ်မောင်မောင်အား မျက်ခုံးတွေ တွန့်ချိုးကာ ကြည့်သည်။
" စကားကို ဘယ်လိုပြောနေသလဲ ဆယ်မောင်မောင်။ ငါက သူစာမေးပွဲ ဖြေပြီးချင်းချင်း တန်းပြန်လာတာမို့ ပင်ပန်းနေတာ ကြိုသိလို့ အနားယူရအောင် ပြောတာ။ ငါက မင်းပြောသလို အခွင့်အရေးယူတဲ့ လူမျိုး မဟုတ်ဘူး။ "
ဆယ်မောင်မောင်က ပုခုံးတောင် တွန့်ပြလိုက်သေးသည်။
" မင်းလို ငယ်ငယ်ထဲက လူကြီးလူကောင်း စရိုက်အပြည့်နဲ့သူအဖို့ ငါပြောတာတွေက နားဝင်ရိုင်းကောင်းရိုင်းသွားလိမ့်မယ် ထင်ပါတယ်။ငါ ပြောမယ်ကွ။ အဲ့ဒါက အခွင့်အရေးယူတာမဟုတ်ဘူး။ ချစ်မိမှတော့ ပိုင်ဆိုင်ချင်စိတ်ဆိုတာ ကပ်ပါလာတာပဲ။ အဲ့ဒါက အချစ်နဲ့ ဆက်နွယ်ပြီးမှ ဖြစ်ပေါ်လာတဲ့ နောက်ဆက်တွဲ ဆန္ဒတစ်ခုပဲ။မင်းလည်း ယောကျ်ား၊ငါလည်း ယောကျ်ားမို့ မင်းက တစ်ရာ ရာခိုင်နှုန်း ဖြူဖြူစင်စင် ချစ်ပါတယ်လို့တော့ ငါ မယုံပါဘူး။ "
ကိုးမောင်မောင်က သက်ပြင်းချသည်။
" ငါကလည်း ငါ့ကိုယ်ငါ တဏှာရာဂ ကင်းတဲ့ သူတော်စင်လိုမျိုး ဟိတ်ဟန်ထုတ်နေတာ မဟုတ်ဘူး။ ငါက မုဒိတာကို လေးစားပေးတာ နားလည်သလား။ "
ကိုးမောင်မောင်၏ မျက်လုံးတွေကစ တည်ငြိမ်နေကာ စကားသံကလည်း ကြည်လင်နေသည်။ ဆယ်မောင်မောင်က သူ့အကျီခါးအနားကို တစ်ချက်ဆွဲချပြီးမှ ကိုးမောင်မောင်၏ ပုခုံးပေါ်ကိုလည်း ဖုန်ခါသလို ပြုလုပ်လိုက်သေးသည်။
YOU ARE READING
အချစ်အပ်နှင်းချင် (Completed)
RomanceMyanmar OC (Age gap) ဤfictionသည် စာရေးသူ၏စိတ်ကူးသာလျှင်ဖြစ်သည်။ ပြင်ပ လူ၊ပုဂ္ဂိုလ်များနှင့် မသက်ဆိုင်ပေ။ Myanmar OC (Age gap) ဤfictionသည္ စာေရးသူ၏စိတ္ကူးသာလွ်င္ျဖစ္သည္။ ျပင္ပ လူ၊ပုဂၢိဳလ္မ်ားႏွင့္ မသက္ဆိုင္ေပ။