ကိုးမောင်မောင် ရေချိုးခန်းထဲက ပြန်ထွက်လာသည်အထိ မုဒိတာက စားပွဲဘေးကခုံမှာ ထိုင်နေတုန်းပင်။ ရာသီဥတု အေးနေတာတောင် ရေချိုးလာတဲ့ ကိုးမောင်မောင်က ရှပ်လက်ရှည်အပေါ်မှာ ကုတ်အကျီအနက်ကို ဝတ်ထားပြီး ပုဆိုးအနက်ကွက် ဝတ်ထားကာ ကုတင်ပေါ် ချက်ချင်းသွားသည်။ ပြီးမှ ငိုင်နေတဲ့မုဒိတာကို လှမ်းကြည့်လိုက်ပြီး ဘေးကနေရာလွတ်ကို လက်ဖြင့် ပုတ်လိုက်ကာ
" ညစာမစားတော့ရင် လာအိပ်တော့ မုဒိတာ။ "
" ဟုတ် ဦးကိုးမောင်မောင်။ "
အခန်းတွင်းက အပူပေး မီးလင်းဖိုကြောင့် တစ်ခန်းလုံးမှာ ဝါကျင့်ကျင့် မီးရောင်လေးက ရှိနေသည်။ မုဒိတာက ကိုးမောင်မောင်ဘေးမှာ ဝင်လှဲလိုက်တော့ ကိုးမောင်မောင်က မုဒိတာဘက်ကို စောင်ပေးလိုက်သည်။ စောင်ထူထူ တစ်ထည်က နှစ်ယောက်လုံးကို နွေးထွေးစေပါသည်။
ကိုးမောင်မောင်က ခေါင်းအုံးကို ထောင်ကာမှီထိုင်ရင်း စာအုပ်ဖတ်နေသည်။ မုဒိတာက ဘေးတစောင်းအိပ်နေရင်းမှ ကိုးမောင်မောင်မျက်နှာကို ငေးကြည့်နေရင်းဖြင့်
" ကျွန်တော့် အစ်မကိုတော့ သဘောကျခဲ့တယ်မလား။ "
ခုဏက ကိစ္စကို ဆက်ပြီး မေးချင်ဟန် မုဒိတာက စကားစလာလေတော့ ကိုးမောင်မောင်က ဖတ်လက်စ စာအုပ်ကို အကြည့်မပျက်ပဲဖြင့် သြရှရှလေသံ ခပ်အုပ်အုပ်ဖြင့် ပြောလာသည်။
" အိပ်တော့ ... မုဒိတာ။ ဒီအကြောင်းတွေ ဆွေးနွေးရမယ့်အချိန်မဟုတ်ဘူး။ငါလည်း ပြောဖို့ စိတ်မပါဘူး။"
" ဘာလို့လဲ။ "
ကိုးမောင်မောင်က သက်ပြင်းတစ်ချက်ရှိုက်ပြီး ဖတ်လက်စ စာအုပ်ကို ပိတ်လိုက်ကာ ကုတင်ဘေးက ခုံပုလေးမှာ တင်လိုက်ပြီး မုဒိတာကို မျက်လုံးတွေ မှေးစင်းကာ ကြည့်လာသည်။ မုဒိတာကလည်း မေးဖို့ ဆုံးဖြတ်ထားသည့်နှယ် အလျော့မပေးပဲ ကိုးမောင်မောင်အား မော့ကြည့်နေသည်။
" ဦး ... ဖြေပါ။ "
" မထားရီကို လက်ထပ်ဖို့ ဆုံးဖြတ်ခဲ့တာက ငါ့အသက်အရွယ်အရ အိမ်ထောင်ထူထောင်သင့်တဲ့အရွယ်အရရော၊ သူမက သိမ်မွေ့တဲ့ မိန်းကလေးမို့လို့ရော ရွေးချယ်ခြင်းမျိုးပဲ။ အချစ်ဆိုတာ ဖြစ်ပေါ်မလာဘူး။ ငါ့ဘေးနားမှာ လက်တွဲဖော်အဖြစ်သူမကို ရှိစေချင်တယ် ဒီလောက်ပဲ။ဒါက ငါ, မထားရီနဲ့ လွဲခဲ့ရလို့ ပြောတဲ့စကားမျိုးလည်း မဟုတ်ဘူး နားလည်သလား။ မင်းရဲ့လုပ်ရက်ကြောင့် ငါ အရှက်ရခဲ့တယ်၊ သိက္ခာကျခဲ့တယ်၊ ဒါတွေကြောင့် ငါ, မင်းအပေါ်မှာ ကြမ်းတမ်းစွာ ပြောခဲ့တာတွေ ရှိခဲ့တယ်။ မင်းကို အဲ့လိုတွေပြောခဲ့တာ ငါနဲ့မထားရီရဲ့ ပွဲကိုဖျတ်လို့မဟုတ်ပဲ ငါ့သိက္ခာကြောင့် ပြောခဲ့တာတွေပဲ။ "
YOU ARE READING
အချစ်အပ်နှင်းချင် (Completed)
RomanceMyanmar OC (Age gap) ဤfictionသည် စာရေးသူ၏စိတ်ကူးသာလျှင်ဖြစ်သည်။ ပြင်ပ လူ၊ပုဂ္ဂိုလ်များနှင့် မသက်ဆိုင်ပေ။ Myanmar OC (Age gap) ဤfictionသည္ စာေရးသူ၏စိတ္ကူးသာလွ်င္ျဖစ္သည္။ ျပင္ပ လူ၊ပုဂၢိဳလ္မ်ားႏွင့္ မသက္ဆိုင္ေပ။