" ကလေးတွေ ဘာမှအားမနာနဲ့နော်။ ကိုယ့်အိမ်လို သဘောထားပြီးနေကြ ။ လွတ်လွတ်လပ်လပ်သာနေနော်။ တစ်ခုခု လိုရင်လည်းပြော။ အစ်မ မီးဖိုချောင်မှာပဲ ရှိနေမယ်။ "
ခင်ခင်ချစ်က ဧည့်ခန်းက စားပွဲပေါ်မှာ မုန့်နဲ့လက်ဖက်ရည် ချပေးရင်းမှ ဧည့်ဝတ်ကျေစွာပြောသည်။ မုဒိတာ မင်္ဂလာဆောင်ကို ရောက်လာကြတဲ့ ရန်ကုန်သား သူငယ်ချင်းနှစ်ယောက်နဲ့ ဆန်းလွင်က ခင်ခင်ချစ်အား ယဥ်ယဥ်ကျေးကျေးပဲ ခေါင်းငြိမ့်ပြသည်။
" မုဒိတာကရော ဘယ်သွားလဲ အစ်မ။ "
" မောင်ငယ်က သူ့မိဘတွေအိမ် အစ်ကိုကိုးမောင်မောင်နဲ့သွားတယ်။ ကြာတော့ ကြာနေပြီရယ်။ပြန်လာတော့မှာပါ။"
" ဟုတ်ကဲ့ခင်ဗျ။ "
" ဒါဆို ဆန်းလွင်ကပဲ သူငယ်ချင်းတွေနဲ့ စကားပြောနေပေးဦးနော်။ အစ်မ မီးဖိုချောင်ထဲ လုပ်စရာလေး ရှိသေးလို့။ "
" ဟုတ်ကဲ့ အစ်မ။ စိတ်ဖြောင့်ဖြောင့်နေပါဗျ။ ကျွန်တော်တို့က ဧည့်သည်မှ မဟုတ်တာ။ "
ခင်ခင်ချစ် ထွက်သွားပြီး ခဏကြာတော့ ကားသံကြားရပြီး လက်ဆွဲအိတ်မျိုးစုံနဲ့ မုဒိတာက အရင်ဝင်လာသည်။ ဆန်းလွင်တို့ကိုတွေ့တော့ ချက်ချင်းပင် ပနားရောက်လာသည်။
" ဘယ်တုန်းက ရောက်နေကြတာလဲ။ငါက ညနေလောက်မှ ရောက်မယ်ထင်တာ။ "
" နာရီဝက်လောက်ပဲ ရှိသေးတယ်။ "
" မုဒိတာ ဖိနပ်ချွတ်ရင် ညီအောင်ချွတ်လေကွာ။ ဟိုတစ်ဖက်ဒီတစ်ဖက်နဲ့ စည်းကမ်း သိပ်မဲ့သည်ပဲ။ "
ကိုးမောင်မောင်က မုဒိတာ၏ဖိနပ်ကို ညီအောင် စီပေးရင်းမှ ပြောလာသည်။
" ဟုတ် ... ဦးကိုးမောင်မောင်။ ဆန်းလွင်တို့ကို မြင်လို့အိမ်ထဲ အမြန်ဝင်လာမိလို့။ နောက်တစ်ခေါက် မဖြစ်စေရဘူးနော်။ "
ကိုးမောင်မောင်က အိမ်ထဲ ဝင်လာပြီးမှ မုဒိတာ၏ သူငယ်ချင်းတွေ ရောက်နေမှန်း သိတော့ ထပ်မဆူတော့ပေ။ စားပွဲပေါ် မုဒိတာချထားတဲ့ အိတ်တွေကိုပါ ယူသွားသည်။
YOU ARE READING
အချစ်အပ်နှင်းချင် (Completed)
RomanceMyanmar OC (Age gap) ဤfictionသည် စာရေးသူ၏စိတ်ကူးသာလျှင်ဖြစ်သည်။ ပြင်ပ လူ၊ပုဂ္ဂိုလ်များနှင့် မသက်ဆိုင်ပေ။ Myanmar OC (Age gap) ဤfictionသည္ စာေရးသူ၏စိတ္ကူးသာလွ်င္ျဖစ္သည္။ ျပင္ပ လူ၊ပုဂၢိဳလ္မ်ားႏွင့္ မသက္ဆိုင္ေပ။