" အလုပ် ,လုပ်တာလည်း လုပ်ပါ။ ဒါပေမယ့် အနားလည်းယူပါဦး။ ဒီရက်ပိုင်း ဦးအရမ်း ပင်ပန်းနေလို့ ကျွန်တော်က ပြောတာ။ "
ကိုးမောင်မောင်၏ အပေါ်ထပ်တိုက်ပုံ အကျီအနက်ကို ကူချွတ်ပေးရင်းမှ မုဒိတာက ပြောလာသည်။ ကိုးမောင်မောင်က ခေါင်းငြိမ့်ပြရင်း မုဒိတာကို ခပ်အေးအေးသာ ပြုံးပြတယ်။
" ကျောင်းမှာ အဆင်ပြေရဲ့လား။ ကလေးတွေ စာမေးပွဲကနီးနေပြီဆိုတော့ ပင်ပန်းနေသလား ဟုတ်သလား။ "
" ဦး,လောက်တော့ မပင်ပန်းပါဘူး။ ဒီနေ့ရော ပြန်သွားရဦးမှာလား။ "
ကိုးမောင်မောင်က အတွင်းဝတ်ရှပ်လက်ရှည် အကျီက ကြယ်သီးတွေကို ဖြုတ်ရင်း ခေါင်းငြိမ့်ပြသည်။ အမှုကြီးတစ်ခုကိုင်နေတာမို့ ဒီရက်ပိုင်း ကိုးမောင်မောင်က ညဥ့်နက်သည်အထိ အလုပ်မှာ အချိန်ကုန်နေတက်သည်။ပြီးခဲ့တဲ့နှစ်ရက်မှာဆိုရင် အလုပ်ထိတောင် ညစာသွားပို့၊လဲလှယ်ဝတ်ဖို့ အဝတ်အစားသွားပို့ပေးရသည် အထိပင်။
" ရေချိုးပြီးရင် အိမ်မှာ ခဏနားဦးမှာလား။ "
ကိုးမောင်မောင်က တိုင်ကပ်နာရီကို တစ်ချက်မော့ကြည့်လိုက်ပြီးမှ
" ကိုယ် အဲ့လောက်အချိန်မရလောက်ဘူး။ ဒီရက်တွေကို ထည့်မှတ်ထားပေးနော်။ ဒီအမှုပြီးမှ ကိုယ် မင်းကို အတိုးချ အလျော်ပေးပြီး အချိန်ပေးမယ်နော် ဟုတ်သလား။အမှုက နည်းနည်းရှုပ်ထွေးနေလို့။ ကိုယ့်ကိုနားလည်ပေးလို့ရမလား။ "
ကိုးမောင်မောင်က အလုပ်လုပ်တဲ့နေရာမှာ စည်းစနစ်ကျနပြီး ကြိုးစားလွန်းတာ မုဒိတာလည်း နားလည်ပါသည်။ တရားခံတစ်ယောက်ကို ခြေရာခံမိပြီဆိုလည်း အချိန်မဆွဲပဲ အမိအရဖမ်းချင်တာကိုလည်း နားလည်သည်။
" ရမလား မုဒိတာ။ "
" ဦးက အလုပ်လုပ်နေတာပဲလေ။ ကျွန်တော်က မတားမြစ်ပါဘူး။ ဦးပြောခဲ့ဖူးသလို တရားခံက အပြင်မှာ တစ်ရက်ပိုရှိနေရင် အဲ့ဒီတစ်ရက်အတွင်း လူကောင်းတွေကို ဒုက္ခပေးနိုင်တယ်လေ။ ကျွန်တော်နားလည်ပါတယ်။ "
YOU ARE READING
အချစ်အပ်နှင်းချင် (Completed)
RomanceMyanmar OC (Age gap) ဤfictionသည် စာရေးသူ၏စိတ်ကူးသာလျှင်ဖြစ်သည်။ ပြင်ပ လူ၊ပုဂ္ဂိုလ်များနှင့် မသက်ဆိုင်ပေ။ Myanmar OC (Age gap) ဤfictionသည္ စာေရးသူ၏စိတ္ကူးသာလွ်င္ျဖစ္သည္။ ျပင္ပ လူ၊ပုဂၢိဳလ္မ်ားႏွင့္ မသက္ဆိုင္ေပ။
